தேசிய மக்கள் சக்தியின் பாராளுமன்ற உறுப்பினர் விஜித ஹேரத் சர்வாதிகார வெறிபிடித்த சனாதிபதி கோட்டாபய ராஜபக்ஸ இந்த நாட்டு மக்களின் பொதுவான போராட்டத்தினால் அதிகாரத்திலிருந்து நீக்கப்பட்டார். அது பதவிவிலகல் அல்ல. பொதுவான மக்கள் அதிகாரத்திலிருந்து நீக்கியமையாகும். நாட்டு மக்கள் எதிர்பார்த்த முதலாவது வெற்றி நிறைவு செய்யப்பட்டுள்ளது. இப்போது புதிய அரசாங்கமொன்றையும் சனாதிபதியையும் நியமிக்கும் பொறுப்பு பாராளுமன்றத்திடம் கையளிக்கப்பட்டுள்ளது. தேசிய மக்கள் சக்தி கடந்த சில தினங்கள் பூராவிலும் பொது இணக்கப்பாட்டுக்கு வருவதற்கான பாரிய முயற்சியை மேற்கொண்டது. நாட்டு […]
சர்வாதிகார வெறிபிடித்த சனாதிபதி கோட்டாபய ராஜபக்ஸ இந்த நாட்டு மக்களின் பொதுவான போராட்டத்தினால் அதிகாரத்திலிருந்து நீக்கப்பட்டார். அது பதவிவிலகல் அல்ல. பொதுவான மக்கள் அதிகாரத்திலிருந்து நீக்கியமையாகும். நாட்டு மக்கள் எதிர்பார்த்த முதலாவது வெற்றி நிறைவு செய்யப்பட்டுள்ளது. இப்போது புதிய அரசாங்கமொன்றையும் சனாதிபதியையும் நியமிக்கும் பொறுப்பு பாராளுமன்றத்திடம் கையளிக்கப்பட்டுள்ளது. தேசிய மக்கள் சக்தி கடந்த சில தினங்கள் பூராவிலும் பொது இணக்கப்பாட்டுக்கு வருவதற்கான பாரிய முயற்சியை மேற்கொண்டது. நாட்டு மக்கள், சிவில் அமைப்புக்கள், போராட்டத்தில் கலந்துகொண்ட குழுக்களை உள்ளிட்ட அனைவரும் இடைக்கால பொது இணக்கப்பாட்டு அரசாங்கமொன்றை நிறுவுமாறு கோரிக்கை விடுத்தார்கள். அத்தியாவசியமாக மேற்கொள்ளவேண்டிய பொருளாதார மற்றும் அரசியல் மறுசீரமைப்புகளை மேற்கொள்வதற்காக இடைக்கால அரசாங்கமொன்றுக்குச் செல்லுமாறு பொதுவான கோரிக்கையொன்று நிலவியது. அந்த அர்த்தத்தில் பாராளுமன்றத்தில் நடைபெறுகின்ற சனாதிபதியை தெரிவுசெய்வதற்கான போட்டியில் நிகழ்கால சபாநாயகரை அடுத்த காலப்பகுதிக்கான அனைவரதும் இணக்கப்பாட்டுடன் நியமித்துக்கொள்ளுமாறு நாங்கள் முன்மொழிந்தோம். அனைவரதும் இணக்கப்பாட்டுனான இடைக்கால அரசாங்கமொன்றையும் அதன் பின்னர் அனைத்துக் கட்சிகளினதும் இணக்கப்பாட்டுடன் பிரதமரை நியமித்துக்கொள்ளவும் நாங்கள் முன்மொழிந்தோம்.
அதன்பின்னர் தேர்தலொன்றை நடாத்தி அதன்மூலமாக புதிய உறுதியான அரசியல் கட்டமைப்பொன்றினை உருவாக்க வாய்ப்பு வழங்க வேண்டுமெனவும் நாங்கள் முன்மொழிந்தோம். சிவில் அமைப்புக்கள், பல்வேறு வெகுஜன அமைப்புகள் மற்றும் முனைப்பாக போராட்டத்தில் ஈடுபட்டிருந்த தரப்பினர்களினதும் முன்மொழிவுகளின் உட்பொருளாக அமைந்திருந்தது அனைவரதும் இணக்கப்பாட்டுடன் இடைக்கால அரசாங்கமொன்றை நிறுவுவதற்காகும். அந்த இடைக்கால அரசாங்கம் பொது இணக்கப்பாட்டுடனான வேலைத்திட்டமொன்றை அமுலாக்குவதற்காகவே. நாங்கள் அதற்காக நல்லெண்ணத்துடன் பாராளுமன்றத்தைப் பிரதிநிதித்துவம் செய்கின்ற அனைத்து அரசியல் தரப்புகளுடனும் கடந்த நாட்களில் பேச்சுவார்த்தைகளை மேற்கொண்டோம். ஆனால் அந்த முன்மொழிவுக்கு ஏனைய கட்சிகளின் பொதுவான இணக்கப்பாடு தெரிவிக்கப்படவில்லை. வெள்ளிக்கிழமை மாலையளவில் ஸ்ரீலங்கா பொதுஜன பெரமுணவின் பக்கத்தில் ரனில் விக்கிரமசிங்க முன்வருவதாகவும் பாராளுமன்ற உறுப்பினர் டலஸ் அலஹப்பெரும தானும் சனாதிபதி போட்டிக்காக முன்வருவதாகவும் கூறப்பட்டது. அதேவேளையில் எதிர்க்கட்சித்தலைவர் சஜித் பிரேமதாசவும் முன்வருவதாக கூறப்பட்டுள்ளது. சர்வகட்சி இடைக்கால அரசாங்கமொன்றை அமைத்துக்கொள்வது நடைமுறைச்சாத்தியமற்றது என்பது இதன்மூலமாக தெளிவாகின்றது. இந்த போட்டி காரணமாக இணக்கப்பாடு உருவாகப் போவதில்லை. எனினும் எமது முயற்சியை முழுமையாக கைவிடவில்லை.
இணக்கப்பாட்டுக்கு வரமுடியாவிட்டால் இந்நாட்டின் பல்லாயிரக்கணக்கான மக்களின் எதிர்கால எதிர்பார்ப்பிற்காக தேசிய மக்கள் சக்தியின் இடையீடு அத்தியாவசியமானதாகும். அந்த தேவையை ஈடேற்றுவதற்காக பாராளுமன்றத்திற்கு உள்ளேயும் வெளியிலும் பல்வேறு இனத்துவங்களைச் சேர்ந்த பல்வேறு அரசியல் கருத்தியல்களைக்கொண்ட ஆட்கள், நாட்டுக்கு வெளியில் இருக்கின்ற இலட்சக்கணக்கான இலங்கையர்கள் இன்று நாடு அடைந்துள்ள நெருக்கடியிலிருந்து பயணிக்கக்கூடிய தெளிவான உறுதியான அரசியல் கொள்கையொன்றைக் கோரிநிற்கின்றார்கள். அவர்கள் கோரிநிற்கின்ற, அவர்கள் முன்மொழிகின்ற உறுதிநிலையுடன் தொடர்புடைய தலைமைத்துவம் பற்றிய சவாலை ஈடேற்ற நாங்கள் தயார் என்ற செய்தியை வழங்குகிறோம். அதற்காக பாராளுமன்ற உறுப்பினர்களின் ஒத்துழைப்பு அத்தியாவசியமாகும். நாடு வீழ்ந்துள்ள பிரமாண்டான படுகுழியில் இருந்து மீட்டெடுக்கின்ற தலைமைத்துவத்தை ஏற்றுக்கொண்டு அந்த பொறுப்பினை ஈடேற்றுமாறு மக்கள் கோரிநிற்கின்ற சவாலை ஏற்றுக்கொள்ள தேசிய மக்கள் சக்தியின் தலைமைத்துவம் தயார். இதற்காக பாராளுமன்றத்திற்குள்ளே சனாதிபதியை தெரிவுசெய்கின்ற போட்டியில் எமது கட்சியின் தலைவர் தோழர் அநுர திசாநாயக்கவை நாங்கள் முன்னிலைப்படுத்துகிறோம். நாங்கள் தலைமைத்துவத்தை ஏற்கின்ற தருணத்தில் இருந்து அனைவரதும் இணக்கப்பாட்டுடன் நியமித்துக்கொள்கின்ற இடைக்கால அரசாங்கம் ஊடாக பொவான முன்மொழிவினை அமுலாக்குகின்ற பொறுப்பினை ஏற்றுக்கொள்ள நாங்கள் யதார்.
பொது இணக்கப்பாட்டின், பொது வேலைத்திட்டமொன்றின் செயற்பாட்டுக்காக எமக்கு ஒத்துழைப்பு வழங்குமாறு அனைத்துக் கட்சிகளையும் சேர்ந்த பாராளுமன்ற உறுப்பினர்களிடம் நாங்கள் வேண்டுகோள் விடுக்கிறோம். இந்த நாட்டின் நெருக்கடியிலிருந்து மீட்டெடுப்பதற்காக தேசிய மக்கள் சக்தியின் தலைவர் தோழர் அநுர திசாநாயக்கவிற்கு ஒத்துழைப்பு வழங்குவீர்களாயின் அந்த ஏனைய அரசியல் கட்சிகளுடனான பொது இணக்கப்பாட்டு வேலைத்திட்டத்தின் பேரில் ஒத்துழைப்புடன் நாட்டைக் கட்டியெழுப்ப நாங்கள் தயார். அதற்கான பொது இணக்கப்பாட்டுக்குவர தொடர்ந்தும் காலம் இருக்கின்றது. சர்வகட்சி அரசாங்கமொன்றில் சர்வகட்சி அமைச்சரவையைக் கொண்டதாக தோழர் அநுர திசாநாயக்கவின் கீழ் நாட்டைக் கட்டியெழுப்ப நாங்கள் தயார். இந்த செய்தியை நாங்கள் அனைவருக்கும் வழங்குகின்றோம்.
கடந்த சில நாட்களுக்குள் அனைவரதும் இணக்கப்பாட்டின்பேரில் பாராளுமன்றத்தின் அனைவரதும் ஏற்றுக்கொள்கின்ற தலைமைத்துவத்தை சனாதிபதியாக நியமித்துக்கொள்ளவே நாங்கள் முயற்சி செய்தோம். இத்தருணத்தில் தோன்றியுள்ள நெருக்கடிகளுக்கான தீர்வாக அனைத்துக் கட்சிகளுடன் நாங்கள் பேச்சுவார்த்தை நடாத்தினோம். அதற்காக தோற்றினோம். பாராளுமன்றத்திற்கு வெளியில் தோன்றிய மக்கள் எதிர்ப்பு காரணமாகவே கோட்டாபய ராஜபக்ஸவிற்கு சனாதிபதி பதவியைவிட்டு தப்பியோட நேர்ந்தது. நாட்டு மக்கள் பாரிய எதிர்பார்ப்புடனேயே இத்தருணத்தில் இருக்கிறார்கள். பலமாதங்களாக அவர்கள் புரிந்த போராட்டத்திற்குள் பொருளாதார நெருக்கடிக்கு தீர்வு காண்பதைப்போலவே நீண்டகால அரசியல் மாற்றத்தை மேற்கொள்வதையும் அவர்கள் எதிர்பார்க்கிறார்கள். குறிப்பாக ராஜபக்ஸ குடும்பத்தினால் பிரதிநிதித்துவம் செய்யப்பட்ட ஊழல்மிக்க, வன்முறைசார்ந்த அரசியல் கலாசாரத்தை மாற்றியமைக்க வேண்டியதன் அவசியம் மிகவும் கடுமையாக மக்களிடமிருந்து வெளிப்படுகின்றது. வெளியில் இருந்து வருகின்ற போராட்டத்தின் கோரிக்கைகள் மற்றும் தாக்கங்கள் மீது பாராளுமன்றத்தில் இருக்கின்ற மக்கள் பிரதிநிதிகள் கூருணர்வுமிக்கவர்களாக இருக்கவேண்டும். ஆனால் எம்மால் இணக்கப்பாட்டினைப் பெற்றுக்கொள்ள முடியாமல் போனமையால் எமது கட்சியின் தலைவர் தோழர் அநுர திசாநாயக்கவை 19 ஆந் திகதி பாராளுமன்றத்தில் வேட்புமனுவில் முன்மொழிய நாங்கள் முன்வருகிறோம். நாட்டில் தோன்றியுள்ள எதிர்பார்ப்பினை தேசிய மக்கள் சக்திக்கும் அதன் தலைவர் தோழர் அநுர திசாநாயக்கவிற்கும் ஈடேற்ற முடியுமென்ற நம்பிக்கையில் நாங்கள் இதற்காக முன்வருகிறோம்.
கேள்வி :- பாராளுமன்ற உறுப்பினர்களின் ஒத்துழைப்பினைப் பெற்றுக்கொள்ள நீங்கள் நிபந்தனைகளை விதித்துள்ளீர்களா?
பதில் :- எமது எந்தவிதமான நிபந்தனைகளும் கிடையாது. இந்த பொறுப்பினை ஏற்றுக்கொள்ள எங்களுக்கு ஒத்துழைப்பினை வழங்குமாறு ஏனைய அரசியல் கட்சிகளைப் பிரதிநிதித்துவம் செய்கின்ற பாராளுமன்ற உறுப்பினர்களிடம் நாங்கள் கேட்டுக் கொள்கிறோம். நாடு வீழ்ந்துள்ள படுகுழியில் இருந்து மீட்டெடுக்க விரும்பினால் , இணங்கினால், அதற்குத் தலைமைத்துவம் வழங்க நாங்கள் தயார். அதற்காக எமக்கு எந்தவிதமான நிபந்தனையும் கிடையாது. அவர்கள் இணங்கினால் ஏனையவர்களுடன் கூட்டான தீர்மானங்களை மேற்கொள்ள அமைச்சரவையையும் கட்டமைப்பொன்றையும் உருவாக்க நாங்கள் தயார். பாராளுமன்றத்திற்கு வெளியில் இருக்கின்ற தொழிற்சங்கங்கள், சிவில் அமைப்புக்கள், போராட்டக்காரர்கள் மற்றும் பல்வேறு குழுக்கள் ஆகிய அனைவரது கருத்துக்களையும் முன்மொழிவுகளையும் பெற்றுக்கொண்டு நாட்டைக் கட்டியெழுப்புகின்ற பொறுப்பினை ஏற்றுக்கொள்ள நாங்கள் தயார்.
கேள்வி :- கடந்த காலத்தில் ஏனைய கட்சிகளுடன் செயலாற்றுகையில் நிபந்தனைகள் இருப்பதாக கூறப்பட்டிருந்தது. இப்போது அது மாறிவிட்டதா?
பதில் :- இல்லை. இது பாராளுமன்றத்தின் ஊடாக சனாதிபதி பதவிக்காக தெரிவுசெய்கின்ற நடவடிக்கையாகும். இந்த பதவியை வகிக்க பாராளுமன்ற உறுப்பினர்களின் கருத்துக்களையும் முன்மொழிவுகளையும் பெற்றுக்கொள்ள வேண்டும். தேசிய மக்கள் சக்தியின் தனி அரசாங்கமொன்றை நிறுவிக்கொள்வதற்கான தருணம் இதுவல்ல. அதற்காக பலரது கருத்துக்களையும் முன்மொழிவுகளையும் பெற்றுக்கொள்வதைப்போன்றே அவர்களின் பங்களிப்புடன் நாட்டைக் கட்டியெழுப்புவதற்கான கூட்டு முயற்சியில் ஈடுபடவேண்டியுள்ளது. அதற்காக தலைமைத்துவம் வழங்க தோழர் அநுர திசாநாயக்க முன்வருகிறார்.
இந்த ஊடக சந்திப்பில் தேசிய மக்கள் சக்தியின் செயலாளர் நிபுணத்துவ மருத்துவர் நிஹால் அபேசிங்கவும் பங்கேற்றார்.
ජාතික ජන බලවේගයේ පාර්ලිමේන්තු මන්ත්රී විජිත හේරත් ඒකාධිපති වියරු ජනාධිපති ගෝඨාභය රාජපක්ෂ මේ රටේ ජනතාවගේ පොදු අරගලයෙන් බලයෙන් පහකළා. එය ඉල්ලා අස්වීමක් නොවේ. පොදු ජන අරගලයකින් බලයෙන් පහ කිරීමක්. රටේ ජනතාව බලාපොරොත්තු වුණු පළවෙනි ජයග්රහණය සම්පූර්ණ කර තිබෙනවා. දැන් නව ආණ්ඩුවක් සහ ජනාධිපතිවරයෙක් පත්කර ගන්න වගකීම පාර්ලිමේන්තුවට පැවරී තිබෙනවා. ජාතික ජන බලවේගය පසුගිය දින කිහිපය […]
ඒකාධිපති වියරු ජනාධිපති ගෝඨාභය රාජපක්ෂ මේ රටේ ජනතාවගේ පොදු අරගලයෙන් බලයෙන් පහකළා. එය ඉල්ලා අස්වීමක් නොවේ. පොදු ජන අරගලයකින් බලයෙන් පහ කිරීමක්. රටේ ජනතාව බලාපොරොත්තු වුණු පළවෙනි ජයග්රහණය සම්පූර්ණ කර තිබෙනවා. දැන් නව ආණ්ඩුවක් සහ ජනාධිපතිවරයෙක් පත්කර ගන්න වගකීම පාර්ලිමේන්තුවට පැවරී තිබෙනවා. ජාතික ජන බලවේගය පසුගිය දින කිහිපය පුරාම පොදු එකඟතාවයකට එන්න විශාල උත්සාහයක් දැරුවා. රටේ ජනතාව, සිවිල් සංවිධාන, අරගලයට මැදිහත් වුණු කණ්ඩායම් ඇතුළු සියලු දෙනා අන්තර්කාලීන පොදු එකඟතා ආණ්ඩුවක් පිහිටුවන ලෙස ඉල්ලා සිටියා. අත්යවශ්යයෙන්ම සිදුකළ යුතු ආර්ථික සහ දේශපාලන ප්රතිසංස්කරණ සිදුකරන්න අන්තර්කාලීන ආණ්ඩුවකට යන ලෙස පොදු ඉල්ලීමක් තිබුණා. ඒ අර්ථයෙන් පාර්ලිමේන්තුවේ පැවැත්වෙන ජනාධිපතිවරයා තේරීමේ තරගයේදී වත්මන් කථානායකවරයා ඊළඟ කාල පරිච්ඡේදය සඳහා සියලු දෙනාගේ එකඟත්වයෙන් පත්කරන්න අපි යෝජනා කළා. සියලු දෙනාගේ එකඟත්වයෙන් අන්තර්කාලීන ආණ්ඩුවක් ඉන් අනතුරුව පිහිටුවන්න සහ අගමැතිවරයා සියලු පක්ෂවල එකඟතාවයෙන් පත්කර ගන්න අපි යෝජනා කළා.
ඉන් අනතුරුව ජනවරමක් පවත්වා එයින් නව ස්ථාවර දේශපාලන ව්යුහයක් ඇති කරගන්න අවස්ථාව ලබාදිය යුතු බව අපි යෝජනා කළා. සිවිල් සංවිධාන, විවිධ බහුජන සංවිධාන, සහ සක්රීයව අරගලයේ නියුතුව සිටි පාර්ශ්වවලත් යෝජනාවල හරය වී තිබුණේ සියලු දෙනාගේ එකඟතාවයෙන් අන්තර්කාලීන ආණ්ඩුවක් හදන්න. ඒ අන්තර්කාලීන ආණ්ඩුව පොදු එකඟතා වැඩපිළිවෙළක් ක්රියාත්මක කරන්න. අපි ඒ සඳහා සද්භාවයෙන් පාර්ලිමේන්තුව නියෝජනය කරන සියලුම දේශපාලන පාර්ශ්ව එක්ක පසුගිය දිනවල සාකච්ඡා කළා. නමුත් ඒ යෝජනාවට අනික් පක්ෂවල පොදු එකඟතාවක් පළවී නැහැ. සිකුරාදා සවස් වන විට ශ්රී ලංකා පොදුජන පෙරමුණ පැත්තෙන් රනිල් වික්රමසිංහ ඉදිරිපත් කරන බවත්, ඩලස් අලහප්පෙරුම මන්ත්රීවරයා තමන්ද ජනපති තරඟයට එන බවත් ප්රකාශ කර තිබෙනවා. මේ අතර සජිත් ප්රේමදාස විපක්ෂ නායකවරයාත් ඉදිරිපත් වෙන බව ප්රකාශ කර තිබෙනවා. සර්වපාක්ෂික අන්තර්කාලීන ආණ්ඩුවක් පිහිටුවා ගැනීම ප්රායෝගිකව සිදු නොවන බව මේ අනුව පැහැදිලි වෙනවා. මේ තරගය නිසා එකඟතාවක් ඇති වන්නේ නැහැ. නමුත් අපේ උත්සාහය සම්පූර්ණයෙන්ම අත්හැර නැහැ.
එකඟතාවයකට එන්න බැරි නම් මේ රටේ සුවහසක් ජනතාවගේ අනාගත බලාපොරොත්තු වෙනුවෙන් ජාතික ජන බලවේගයේ මැදිහත් වීම අත්යවශ්යයි. ඒ උවමනාව ඉටුකිරීම සඳහා පාර්ලිමේන්තුව ඇතුලේ සහ එළියේත් විවිධ ජාතිකත්වයන්ට අයත් විවිධ දේශපාලන මත දරන පුද්ගලයන්, රටින් බැහැරව ඉන්න ශ්රී ලාංකිකයන් ලක්ෂ සංඛ්යාත පිරිසක් අද රට පත්වී තිබෙන අර්බුදයෙන් පියමං කළ හැකි පැහැදිලි ස්ථාවර දේශපාලන ප්රතිපත්තියක් ඉල්ලා සිටිනවා. ඔවුන් ඉල්ලා සිටින, ඔවුන් යෝජනා කරන ස්ථාවරත්වයට අදාළ නායකත්වය පිළිබඳ අභියෝගය භාරගෙන එම ක්රියාවලිය ඉටුකරන්න සූදානම් කියන පණිවිඩය අපි ලබාදෙනවා. ඒ වෙනුවෙන් පාර්ලිමේන්තු මන්ත්රීවරුන්ගේ සහයෝගය අත්යවශ්යයි. රට වැටී තිබෙන දැවැන්ත ප්රපාතයෙන් ගොඩගන්නා නායකත්වය භාරගෙන එම වගකීම් ඉටුකරන ලෙස ජනතාව ඉල්ලා සිටින අභියෝගය භාරගන්න ජාතික ජන බලවේගයේ නායකත්වය සූදානම්. මේ වෙනුවෙන් පාර්ලිමේන්තුව ඇතුලේ ජනාධිපතිවරයා තේරීමේ තරගයේදී අපේ පක්ෂයේ නායක අනුර දිසානායක සහෝදරයා අපි ඉදිරිපත් කරනවා. අපි නායකත්වය භාරගන්නා මොහොතේ සිට සියලු දෙනාගේ එකඟත්වයෙන් පත්කර ගන්නා අන්තර්කාලීන ආණ්ඩුවක් හරහා පොදු යෝජනාවලියක් ක්රියාත්මක කිරීමේ වගකීම භාරගන්න අපි සූදානම්.
පොදු එකඟතාවයක, පොදු වැඩපිළිවෙළක ක්රියාකාරිත්වය වෙනුවෙන් අපිට සහයෝගය ලබාදෙන ලෙස සියලු පක්ෂවල පාර්ලිමේන්තු මන්ත්රීවරුන්ගෙන් අපි ඉල්ලා සිටිනවා. මේ රටේ අර්බුදය ගොඩගැනීම සඳහා ජාතික ජන බලවේගයේ නායක අනුර දිසානායක සහෝදරයාට සහයෝගය ලබාදෙන්නේ නම්, ඒ අනිකුත් දේශපාලන පක්ෂ එක්ක පොදු එකඟතා වැඩපිළවෙළක් මත සහයෝගයෙන් රට ගොඩගන්න අපි සූදානම්. ඒ සඳහා පොදු එකඟතාවයකට එන්න තවදුරටත් කාලය තිබෙනවා. සර්වපාක්ෂික ආණ්ඩුවක සර්වපාක්ෂික කැබිනට් මණ්ඩලයකින් සමන්විතව අනුර දිසානායක සහෝදරයා යටතේ රට ගොඩනඟන්න සූදානම්. මේ පණිවිඩය අපි සියලුම දෙනා වෙත ලබාදෙනවා.
පසුගිය දින කිහිපය තුළ අපි උත්සාහ කළේ සියලු දෙනාගේ එකඟතාවය මත පාර්ලිමේන්තුවේ සියලු දෙනාම පිළිගන්නා නායකත්වයක් ජනාධිපති හැටියට පත්කරගන්නයි. මේ මොහොතේ පැන නැගී තිබෙන අර්බුදවලට විසඳුමක් ලෙස මේ වෙනුවෙන් සියලු පක්ෂ සමග අපි සාකච්ඡා කළා. ඒ වෙනුවෙන් පෙනී සිටියා. ගෝඨාභය රාජපක්ෂට ජනාධිපති ධුරය අත්හැර පළා යන්න සිදුවුණේ පාර්ලිමේන්තුවෙන් පිට ඇතිවුණු ජනතා විරෝධය නිසයි. රටේ ජනතාව විශාල බලාපොරොත්තු සහිතව මේ මොහොතේ ඉන්නේ. මාස ගණනක් ඔවුන් කළ අරගලය තුළ ආර්ථික අර්බුදයට විසඳුම් සොයනවා වගේම දීර්ඝකාලීනව දේශපාලන පරිවර්තනයන් සිදුකිරීමත් ඔවුන් බලාපොරොත්තු වෙනවා. විශේෂයෙන්ම රාජපක්ෂ පවුල විසින් නියෝජනය කළ දූෂිත, ප්රචණ්ඩ දේශපාලන සංස්කෘතිය වෙනස් කිරීමේ අවශ්යතාවය ඉතා තදින් ජනතාවගෙන් ඉදිරිපත් වෙනවා. පිටින් එන අරගලයේ ඉල්ලීම් සහ බලපෑම් කෙරෙහි පාර්ලිමේන්තුවේ ඉන්න ජනතා නියෝජිතයන් සංවේදී විය යුතුයි. නමුත් අපිට එකඟතාවයක් ලබාගන්න බැරිවුණු නිසා අපේ පක්ෂයේ නායක අනුර දිසානායක සහෝදරයාව 19වැනිදා පාර්ලිමේන්තුවේ නාම යෝජනා අතරට අපි ඉදිරිපත් කරනවා. රට තුළ ඇතිවී තිබෙන බලාපොරොත්තු ජාතික ජන බලවේගයටත් එහි නායක අනුර දිසානායක සහෝදරයාටත් ඉටුකරන්න පුළුවන් කියන විශ්වාසයෙන් අපි ඉදිරිපත් වෙනවා.
ප්රශ්නය:- මන්ත්රීවරුන්ගේ සහාය ගන්න ඔබලා කොන්දේසි පනවා තිබෙනවාද?
පිළිතුරු:- අපේ කිසිදු කොන්දේසියක් නැහැ. අනික් දේශපාලන පක්ෂ නියෝජනය කරන පාර්ලිමේන්තු මන්ත්රීවරුන්ගෙන් ඉල්ලා සිටින්නේ මේ වගකීම ගන්න අපිට සහයෝගය දෙන්න කියලයි. රට වැටී තිබෙන ප්රපාතයෙන් ගොඩගන්න කැමති නම්, එකඟ නම්, ඊට නායකත්වය දෙන්න අපි සූදානම්. ඒ වෙනුවෙන් අපේ කිසිදු කොන්දේසියක් නැහැ. ඔවුන් එකඟ නම් අනිකුත් අයත් එක්ක සාමූහික තීන්දු තීරණ ගන්න කැබිනට් මණ්ඩලයක් සහ ව්යුහයක් නිර්මාණය කරන්න අපි සූදානම්. පාර්ලිමේන්තුවෙන් එළියේ ඉන්න වෘත්තීය සමිති, සිවිල් සංවිධාන, අරගලකරුවන්, සහ විවිධ කණ්ඩායම් යන සියලු දෙනාගේ අදහස් හා යෝජනා ලබාගෙන රට ගොඩනැගීමේ වගකීම භාරගන්න අපි සූදානම්.
ප්රශ්නය:- පසුගිය කාලයේ අනිකුත් පක්ෂ සමග කටයුතු කිරීමේදී කොන්දේසි තිබෙන බව ප්රකාශකර තිබුණා. දැන් එය වෙනස් වෙලාද?
පිළිතුරු:- නැහැ. මේ තියෙන්නේ පාර්ලිමේන්තුව තුළින් ජනාධිපති ධුරයට තෝරා ගැනීමේ කටයුත්තක්. එම ධුරය දැරීමට පාර්ලිමේන්තුවේ මන්ත්රීවරුන්ගේ අදහස් හා යෝජනා ලබාගත යුතු වෙනවා. ජාතික ජන බලවේගයේ තනි ආණ්ඩුවක් පිහිටුවීමේ අවස්ථාවක් නොවෙයි මේක. එවැනි තත්වයකදී විවිධ අයගේ අදහස් හා යෝජනා ලබාගැනීම වගේම ඒ අයගේ සහභාගිත්වයෙන් රට ගොඩනැගීමේ සාමූහික ප්රයත්නයක් දැරිය යුතු වෙනවා. ඒ වෙනුවෙන් නායකත්වය දෙන්න අනුර දිසානායක සහෝදරයා ඉදිරිපත් වෙනවා.
මෙම මාධ්ය හමුවට ජාතික ජන බලවේගයේ ලේකම් විශේෂඥ වෛද්ය නිහාල් අබේසිංහ ද සහභාගී විය.
නීතිඥ සුනිල් වටගල වර්තමාන ලංකාවේ අරාජික තත්වයක් උදාවෙලා තිබෙනවා. මේ අරාජිකත්වය නිර්මාණය කර තිබෙන්නේ රටේ ජනතාව නොවෙයි. මේ තත්වය ඇති කර තිබෙන්නේ මූලිකවම ජනාධිපතිවරයාත් ඊට පසුව අගමැති ලෙස කටයුතු කළ රනිල් වික්රමසිංහත්. මේ දෙපාර්ශ්වයේ ක්රියාකලාපය විසින් අද මේ රට අරාජික තත්වයක් බවට පත්කර තිබෙනවා. ගැස් පෝලිම්වල, තෙල් පෝලිම්වල මිනිස්සු දුක්විඳිමින් සිටියදී තමන්ගේ පෞද්ගලික දේශපාලනික වුවමනාවන් […]
වර්තමාන ලංකාවේ අරාජික තත්වයක් උදාවෙලා තිබෙනවා. මේ අරාජිකත්වය නිර්මාණය කර තිබෙන්නේ රටේ ජනතාව නොවෙයි. මේ තත්වය ඇති කර තිබෙන්නේ මූලිකවම ජනාධිපතිවරයාත් ඊට පසුව අගමැති ලෙස කටයුතු කළ රනිල් වික්රමසිංහත්. මේ දෙපාර්ශ්වයේ ක්රියාකලාපය විසින් අද මේ රට අරාජික තත්වයක් බවට පත්කර තිබෙනවා. ගැස් පෝලිම්වල, තෙල් පෝලිම්වල මිනිස්සු දුක්විඳිමින් සිටියදී තමන්ගේ පෞද්ගලික දේශපාලනික වුවමනාවන් වෙනුවෙන් මුළු රටක් බංකොලොත් කර තිබෙනවා. විශේෂයෙන්ම මේ ගැටලුව උද්ගත වෙන්නේ අද දවසට විශේෂ වන කරුණක් තිබෙනවා. ඒ කථානායකවරයා නිවේදනයක් නිකුත් කළා ඊයේ (13 දා) මධ්යම රාත්රියේ 12.00ට පෙර ජනාධිපතිවරයාගේ ඉල්ලා අස්වීමේ ලිපිය ලබාදෙන බව. නමුත් ප්රවෘත්ති විකාශනයන්ගෙන් අහන්න ලැබුණේ මේ දක්වා ඔහුට ඉල්ලා අස්වීමේ ලිපියක් ලැබී නොමැති බව. ඊට පස්සේ රනිල් වික්රමසිංහගේ පැත්තෙන් කියනවා ඔහු ඉල්ලා අස්වුණොත් මේ රට අරාජික වෙන බව. අපි ප්රකාශ කරනවා මේ දෙපාර්ශ්වයම නැති වීමෙන් මේ රට අරාජික වෙන්නේ නැහැ. මේ රට අරාජික වෙන්නේ දෙපාර්ශ්වයම හිටියොත්. ජනාධිපතිවරයා මේ රටේ ජනතාව විසින් පලවා හැර තිබෙනවා. රනිල් වික්රමසිංහව මේ රටේ ජනතාව පිළිගන්නේ නැහැ. රනිල් වික්රමසිංහගේ පැත්තෙන් කියනවා නම්, ඔහු ධුරයේ නොසිටීමෙන් මේ රට අරාජික වෙනවා නම්, ඔහුට ගත හැකි පියවරයන් දෙකක් තිබෙනවා. ආණ්ඩුක්රම ව්යවස්ථාවේ දක්වා ඇති පරිදි, ජනාධිපති ධුරයේ සිටීමට කථානායකවරයාට ඉඩ සලස්වමින් ඔහුට එම ධුරයෙන් ඉල්ලා අස්වෙන්න. එහෙම නැතිනම් ඔහුට පුළුවන් කථානායකවරයා අග්රාමාත්යවරයා බවට පත්කරමින් යන ක්රියාවලියකට එළඹෙන්න.
ආණ්ඩුක්රම ව්යවස්ථාවේ අංක: 42 වගන්තිය ප්රකාරව අපට පිළිගන්න සිද්ධ වෙනවා ආණ්ඩුක්රම ව්යවස්ථාව අනුගමනය කරන්න ජනාධිපතිවරයා බැඳිලා ඉන්නවා, මේ රටට වගකියන්න. ව්යවස්ථාවේ 42 යටතේ “ආණ්ඩුක්රම ව්යවස්ථාව යටතේද මහජන ආරක්ෂාව සම්බන්ධයෙන් තත් කාලයේ බලපාන නීතිය ඇතුළු වෙනත් යම් ලිඛිත නීතියක් යටතේද ස්වකීය බලතල කාර්ය සහ කර්තව්ය යථාපරිදි ක්රියාත්මක කිරීම සහ යථාපරිදි ඉටුකිරීම සම්බන්ධයෙන් ජනාධිපතිවරයා පාර්ලිමේන්තවට වගකිව යුත්තේය.” ජනාධිපතිවරයා ස්වකීය කර්තව්යය එනම් පාර්ලිමේන්තුවට වගකියල නැහැ. පාර්ලිමේන්තුවට වගකියා නැත්නම් කළ යුත්තේ, එළඹෙන 15දාට පාර්ලිමේන්තු මන්ත්රීවරුන් රැස්වී අලුත් ජනාධිපතිවරයෙක් පත්කර ගැනීමට කටයුතු කරන එක.
ඒ වගේම ඔහු විසින් රනිල් වික්රමසිංහ පත්කිරීම කිසිසේත් පිළිගැනීමට නොහැකියි. මීට පෙර ජනාධිපතිවරු කළ පත්කිරීම් විධිමත්භාවයක් තිබුණා. ඒ වගේම ජනාධිපතිවරයා සිටින තැනක් දැනගැනීමට නොහැකිව තිබෙනවා. මේ නිසා අපට සැලකිල්ලට ගන්න සිදුවන්නේ ඔහු පලවා හරින ලද ජනාධිපතිවරයෙක් ලෙසයි. ඔහු තමාගේ කර්තව්යයන් ඉටුකර නැහැ. රාජ්ය සේවකයෙක් නම්, ආයතන ප්රධානියෙකුට නොදන්නවා පැය 24කට වඩා රාජකාරියට වාර්තා නොකළ හොත් රාජ්ය සේවයෙන් ඉවත් කරනවා. ඒ වගේම දින තුනක් යන තුරු ඉවත් නොකළ හොත් ආයතන ප්රධානියාට දඬුවම හිමිවෙනවා. ඒ නිසා සේවය අතහැර ගිය ජනාධිපතිවරයාගේ කටයුතු අත්හිටුවා, ආණ්ඩුක්රම ව්යවස්ථාවට යටත්ව අලුත් ජනාධිපතිවරයෙක් පත්කර ගන්න කියා ජාතික ජන බලවේගය විදිහට අපි ඉල්ලා සිටිනවා.
එක්සත් ජාතීන්ගේ මානව හිමිකම් පිළිබඳ විශ්ව ප්රකාශයේ පූර්විකාවේ සඳහන් කර තිබෙනවා, ජනතාවගේ මූලික අවශ්යතා (ජලය, විදුලිය, ගෑස්, තෙල්) ජනතාවට දෙන්න පවත්නා ආණ්ඩුව අසමත් නම්, ඒ පිළිබඳ අවසාන විකල්පයක් ලෙස රජයට එරෙහිව විප්ලවීය ලෙස නැගී සිටීමට ජනතාවට පුළුවන් බව. එසේ නම් මේ අරගලය නීති විරෝධී වැඩක් නොවෙයි. ආණ්ඩුක්රම ව්යවස්ථා මූලධර්මවලට පටහැණි වැඩක් නොවෙයි. මේ විප්ලව සාමකාමී හෝ සන්නද්ධ විය හැකියි. ලංකාවේ පවතින්නේ සාමකාමී විප්ලවීය අරගලයක්. එවැනි අවස්ථාවක එම අරගලය සම්බන්ධයෙන් මහානායක ස්වාමීන් වහන්සේලා, නීතිඥ සංගම්, වෙනත් ක්රියාකාරී සිවිල් සංවිධාන විසින් ප්රකාශ කර සිටියේ ව්යවස්ථානුකූල විසඳුමකට පැමිණෙන ලෙස. අරගලය නිසා අර්බුදයක් නිර්මාණය වුණා කියන එක බැහැර කරන්න සිදුවෙනවා. මේ රටේ නිල ජනාධිපතිවරණයකින් පත් වූ ජනාධිපතිවරයෙක් සිටියා. ඔහු සහ ඔහු බලයට පත්කළ පක්ෂයේ ක්රියාකාරිත්වය පිළිබඳව විශාල ජනතා අප්රසාදයක් ඇති වුණා. වසර දෙක හමාරක් තිස්සේ ව්යවස්ථාව අමු අමුවේම උල්ලංඝනය කරමින්, මිනීමරුවන්ට සමාව දීම, එලෙස සමාව දුන් පුද්ගලයන් රජයේ ප්රධාන තනතුරුවලට පත්කිරීම වැනි විශාල ලෙස ආණ්ඩුක්රම ව්යවස්ථාවට පටහැණි ක්රියාකාරකම් සිදුවුණා. මේ නිසා ජනතාව එම පාලකයන් ඉල්ලා අස්වෙලා ගෙදර යන්න, එසේත් නැත්නම් ජනතා අභිලාෂයන් ඉටුවන සාධාරණ පාලනයක් පිහිටුවන්න කියන ඉල්ලීම කළා. මෙම ප්රශ්න විසඳීමට ජනාධිපතිවරයා අසමත් වුණා.
ජූලි මස 09 වැනිදායින් පසුව ජනාධිපතිවරයා සිටියේ කොහේද යන්න කිසිවෙක් දැනගෙන සිටියේ නැහැ. අසනීපයෙන් සිටියාද? නිල කාර්යයන් ඉෂ්ට කළාද යන්න කිසිවෙක් දන්නේ නැහැ. එවැනි දවස් තුනක් ඉක්ම ගියා. ජූලි මස 12 වැනිදා ප්රචාරය වුණා හදිසි නීතිය පනවා ඇති බව. ඒ මොහොත වන තෙක් රටේ කිසිවෙක් දැනගෙන හිටියේ නැහැ වැඩබලන ජනාධිපතිවරයෙක් සිටින බවට. අද වන තුරුත් දන්නේ නැහැ එවැනි පත්කිරීමක් කර තිබේද කියා. මෙය එක පුද්ගලයෙකු සතු බලතලවලින් කොටසක් තවත් කෙනෙකුට පවරන දෙයක් නොවෙයි මේ. එහෙම දෙයක් නම් ගැසට් මගින් කරන්න පුළුවන්. මේ රටේ සියලුම කාර්යයන් සඳහා ජනාධිපතිවරයෙක්. ප්රධානම විධායක නිලධාරියා ඒ තනතුරට පත්වුණා නම් ඔහු ව්යවස්ථාව රකින බවට දිවුරුම් දුන්නේද? ඒ ලියුම දුන්නේ කවදාද? කවුරුන් ඉදිරියේද දුන්නේ? කුමන මොහොතකද දුන්නේ? යන්න අද වෙනවිටත් රටම දන්නේ නැහැ. ඒ වගේම එවැනි පත්කිරීමක ලේඛනයක් දැක්කේ නැහැ. හදිසි නීතය පනවා සවස් භාගයේ ගැසට් පත්රයක් නිකුත් කරනවා පමණයි දැකිය හැකි වුණේ. එය නීත්යානුකූ ක්රමයද යන ප්රශ්නය සෑම කෙනෙක් තුළ පවතිනවා.
ආණ්ඩුක්රම ව්යවස්ථාවේ තවත් ප්රශ්නයක් තිබෙනවා. අග්රාමාත්යවරයා ජනාධිපති ධුරයේ වැඩ බලනවා නම්, අග්රාමාත්ය ධුරයේ වැඩ බලන්නේ කවුද? මෙය රහසක්. රාජ්ය පාලනය රහසිගතව සිද්ධ වෙනවා නම්, ඒක තමයි ත්රස්තවාදය. ප්රජාතන්ත්රවාදී රාජ්යයක ශිෂ්ට සම්පන්න රාජ්යයක රහසේ මේවා කරන්න බැහැ. මේවා පාරදෘෂ්ය ආකාරයෙන් සිදුවිය යුතුයි. මේ සාමකාමී අරගලකරුවන්ට වඩා ත්රස්තවාදීන් ලෙස කටයුතු කරන්නේ රාජ්ය පාලනයේ බලය දරන ප්රධාන බලධාරීන් රහසිගතව වැඩ කිරීමේ තත්වයක් උදාවෙලා තිබෙනවා. එවැනි තත්වයක් මේ රටේ පවතින වෙලාවක, මේ ව්යාකූල තත්වය හමුවේ අපි කියන්නේ, නීතිඥ සංගම් කියා සිටින්නේ ව්යවස්ථානුකූලව කටයුතු කරන්න. ප්රචණ්ඩ වෙන්න එපා. ව්යවස්ථානුකූලව වැඩ නොකරන්නේ කවුද?
රනිල් වික්රමසිංහ අග්රාමාත්යවරයාට ඉල්ලා අස්වෙන්නයි ජනතාව කියා සිටියේ. ජනතා හඬක් තියෙනවා. එවන් සැකයකට භාජනය වී ඇති කෙනෙක් වැඩ බලන ජනාධිපති ධුරය බාරගත්තා නම්, ප්රශ්න ඇති නොවන ලෙස පාරදෘෂ්යභාවයෙන් යුතුව ප්රසිද්ධියේ භාරගත යුතුව තිබුණා. එයයි සම්ප්රදාය. නීතියේ සාරය එයයි. එය පිළිපැද නැහැ.
අපේ රටේ පළවෙනි පුරවැසියා මේ වන විට රටෙන් බැහැර වී තිබෙනවා. දෙවෙනි පුරවැසියා හැටියට ඉන්නේ අග්රාමාත්යතුමා. තුන්වෙනි පුරවැසියා හැටියට ඉන්නේ කථානායකවරයා. මේ එක, දෙක, තුන කියන පුරවැසියන් එක එක අවස්ථාවලදී එක එක කතා ප්රකාශ කිරීමේ ඉතාමත් ඛේදනීය තත්වයක් උදාවෙලා තිබෙනවා. උදේ එකක් කියනවා. හවස එකක් කියනවා. ජනාධිපතිතුමා 13වැනිදා කියනවා මම ඉල්ලා අස්වෙන්න සූදානම් කියලා. ඉල්ලා අස්වෙන ලිපිය 13වැනිදා මම ලබාදෙනවා. නමුත් තවමත් එම ලිපිය නැහැ. රටේ පළවෙනි පුරවැසියාට නොහැකි වෙලා තිබෙනවා වචනය රකින්නට. කථානායකතුමා එක් අවස්ථාවක බී.බී.සී. එකට ප්රකාශයක් දෙනවා, ජනාධිපතිතුමා ලංකාවෙන් පිට සිටින බව. තවත් පැය 24ක් යන්නට ප්රථම කියනවා මට වැරදුණා. මේ ආකාරයට වචන වෙනස් කිරීමක් කරනවා. මේවායින් සිදුවන්නේ පළවෙනි, දෙවෙනි, තුන්වෙනි පුරවැසියන් විසින් එකිනෙකට පරස්පර ප්රකාශ කිරීම තුළින් ඇති වෙන්නේ රටේ, රජයේ, ආණ්ඩුවේ රාජ්යතාන්ත්රිකභාවය පිළිබඳ ප්රශ්නයක්. මේක සෙල්ලමක් නොවෙයි. මේකෙන් බලපෑමක් සිදුවන්නේ රටේ ජනතාවට. ආණ්ඩුව පිළිබඳව, රජය පිළිබඳව විදේශීය රටවල්වලට තිබෙන විශ්වසනීයත්වය පළුදු වෙනවා.
කථානායකවරයා ප්රකාශ කරනවා නම් ඔහු ජනාධිපති ධුරය අතහැර ගියා කියා, ඒ ජනාධිපති ධුරය හැර ගියේ කවදා සිටද? ප්රධාන පුරවැසියන් විසින් මේවා ව්යවස්ථා අර්බුදවලට මේ ලංකාව යොමු කරනවා. මේවායින් පහර වදින්නේත්, බැට කන්නේත්, දුක්විඳින්නේත් රටේ ජනතාව. අරගල කරන්නේත් රටේ ජනතාව. ලේ හලන්නේ රටේ ජනතාව. මේ අය නිරායුධ පුරවැසියන්. මාස 08කට වඩා වැඩි කාලයක් ඔවුන් ආදරය, කරුණාව හරහා තමයි මේ අරගල කළේ.
ඒ එක්කම මේ රටේ අපි ඡන්දය දුන්නා හෝ නොදුන්නා රටෙන් පැනලා ගිහින් තිබෙන්නේ මේ රටේ පළවෙනි පුරවැසියා. හැටනව ලක්ෂයක් ජනාධිපතිවරයාට ඡන්දය දුන්නා. ඒ අනුව ඒ හැටනව ලක්ෂය වෙනුවෙන් කරන්න යුතුකම් තිබෙනවා. රටේ ජනතාව වෙනුවෙන් ජනාධිපතිවරයාට කරන්න වගකීම් තිබෙනවා. මේ යුතුකම් සහ වගකීම්වලට වඩා ඉහළින් රටේ ජනාධිපතිවරයාට ජනතාව වෙනුවෙන් වගවීමක් තිබෙනවා. නමුත් අද වන විට ජනාධිපතිවරයා සොයා ගන්න බැරි තරමට මගහැරලා හැංගිලා ගිහින් අවසන්. රටේ පුරවැසියාගේ වගවීම කෝ? ජනතාව කෙරෙහි තිබෙන වගවීම කෝ? මේවා ආණ්ඩුවක් හැටියට ගත් විට, රජයක් හැටියට ගත් විට, ව්යවස්ථාදායකයක් හැටියට ගත් විට මේවා ඉතා දැඩි ප්රශ්න. ලෝකයක් ඉදිරියේ අපි විහිළුකරුවන් වෙනවා පමණයි. මොවුන් පළවෙනි, දෙවෙනි, තුන්වෙනි පුරවැසියන් අපව ජාත්යන්තරය ඉදිරියේ අසරණ තත්වයට පත්කර තිබෙනවා. ජනාධිපතිවරයා, මහනායක තෙරුන් වහන්සේලා, රටේ ජනතාවගේ ඉල්ලීම, ඒ අනුව කටයුතු කිරීම, පොදු ආණ්ඩුවක් පිහිටුවීම සියල්ල ප්රතික්ෂේප කර, පැන ගිය එක තමයි අපට ඇති ප්රශ්නය.
ආරෝපණය කර ගන්නා බලයට වඩා ජනතාවගේ බලය බලවත් කියලා ඔප්පු වෙලා ඉවරයි. තවත් තක්කඩිකම් නොකර පුටු දාලා යන්නැයි ජනතා විමුක්ති පෙරමුණේ ප්රධාන ලේකම් ටිල්වින් සිල්වා ගෝඨාභයට හා රනිල්ට බලකර සිටියි. “මේ පාර්ලිමේන්තු සංයුතිය එලෙසම තිබියදී මොනම පරිවර්තනයක්වත් කරන්න බැහැ” යැයිද ලේකම්වරයා අවධාරණය කළේය. හෙතෙම මේ අදහස් පළකළේ ජවිපෙ මූලස්ථානයේ පැවැති මාධ්ය හමුවකදීය. එහිදි ලේඛම්වරයා මෙසේද […]
ආරෝපණය කර ගන්නා බලයට වඩා ජනතාවගේ බලය බලවත් කියලා ඔප්පු වෙලා ඉවරයි. තවත් තක්කඩිකම් නොකර පුටු දාලා යන්නැයි ජනතා විමුක්ති පෙරමුණේ ප්රධාන ලේකම් ටිල්වින් සිල්වා ගෝඨාභයට හා රනිල්ට බලකර සිටියි. “මේ පාර්ලිමේන්තු සංයුතිය එලෙසම තිබියදී මොනම පරිවර්තනයක්වත් කරන්න බැහැ” යැයිද ලේකම්වරයා අවධාරණය කළේය.
හෙතෙම මේ අදහස් පළකළේ ජවිපෙ මූලස්ථානයේ පැවැති මාධ්ය හමුවකදීය. එහිදි ලේඛම්වරයා මෙසේද කීය.
“මාස කිහිපයක් තිස්සේ රට පුරා ගෙන ගිය අරගලයේ ජනතා හඬ ගෝඨාභය රාජපක්ෂ තේරුම් ගත්තේ නැහැ. ඔහුගේ හමුදා බලයට වඩා ජනතා බලය ඉතාමත් ප්රබලයි, වැදගත් කියලා ඔප්පුවී තිබෙනවා. බලහත්කාරයෙන් බලයේ ඉන්න උත්සාහ කළ ගෝඨාභය රාජපක්ෂට බලය අත්හැර යන්න සිද්ධ වුණා. ගෞරවාන්විත ලෙස නෙවෙයි, පස්ස ෙදාරෙන් පැනලා හැංගිලා යන්න වුණා. ඉන්නේ කොහේද කියලා කවුරුත් දන්නේ නැහැ. කල් ඇතිව ගෞරවාන්විතව ඉවත්වී ගියා නම් සමාජයේ යම් ප්රමාණයක නමක් තියාගන්න තිබුණා. මේ සටන පටන් ගන්න කොට මේ පාලකයන් යයිද කියන සැකයක් බොහෝ දෙනාට තිබුණා.
මහින්ද රාජපක්ෂට අගමැතිකම දාලා යන්න සිද්ධ වුණා. ඇමැතිකම් දාලා යන්න සිද්ධ වුණා. බැසිල් රාජපක්ෂට ඇමැතිකමත් මන්ත්රිකමත් දාලා යන්න සිද්ධ වුණා. අවසානයේ ජනාධිපතිට මන්දිරය දාලා යන්න සිද්ධ වුණා. 13 වැනිදා වනවිට නිල වශයෙන් ඉල්ලා අස්වන බව ඔහු දැනුම්දී තිබෙනවා. යුද ජයග්රහණ පාවිච්චි කරලා රාජපක්ෂ පවුල ගොඩනඟාගෙන තිබුණු අධිපතිවාදීත්වය මෙයින් නිමා වෙනවා. ආරෝපණය කර ගන්නා බලයට වඩා ජනතාවගේ බලය බලවත් බව ඔප්පු වී තිබෙනවා.
අපේ රට මුහුණදී තිබෙන බරපතළ සමාජ, ආර්ථික අර්බුදවලින් ගොඩගන්න ගෝඨාභය රාජපක්ෂ ඉවත්වූ පමණින් හැකිවෙන්නේ නැහැ. රට ගොඩගන්න නම්, ජනවරමකින් අලුත් පාලනයක් පිහිටුවා ගන්න ඕනෑ. සමහරු ගෝඨාභය රාජපක්ෂ ඉවත්වීමෙන් පසුව ඇතිවන තත්ත්වය පාවිච්චි කරලා තමන් අතට බලය ගන්න හීන දකිනවා. අගමැති වෙන්න ජනාධිපති වෙන්න ඇමැති වෙන්න මේ වංචාකාරී පාලනයේම කොටස්කරුවන් උත්සාහ කරමින් ඉන්නවා. මේ සටනේ ගෝඨාභය රාජපක්ෂ ඉවත් කිරීමේ සටන් පාඨය තිබුණත් ඒ තුළ වසර 74ක් පවත්වාගෙන ආ වැරදි ආර්ථික ක්රමය, මජර දේශපාලනය තුරන් කිරීමේ පුළුල් පරිවර්තනයක අභිලාෂය තිබෙනවා. ජනතාව හිටියේ ඒ සටනේ. සටන අවසන් ජයග්රහණයක් බවට පරිවර්තනය කරගත හැක්කේ මැතිවරණයකින් බලය ගන්නා අලුත් පාලනයකින් බව කවුරුත් දැන් පිළිගන්නවා.
මේ පාර්ලමේන්තුවේ බහුතර බලයක් තිබෙන්නේ ශ්රී ලංකා පොදුජන පෙරමුණට. රාජපක්ෂවරුන්ගේ කණ්ඩායමට. ඔවුන් ප්රගතිශිලි පියවරකට ඉඩනොදී බාධාකිරීම් සිදුවෙනවා. මේ ජයග්රහණයෙන් ලබාගත් ප්රතිඵල මේ පාර්ලිමේන්තුව තබාගෙන ජනතාවට භුක්තිවිඳින්න බැහැ. මේ පාර්ලිමේන්තුවේ ජනවරම අහෝසි වෙලා, ජනතාව වෙනුවෙන් කිසිදු තීන්දු තීරණයක් ගැනීමේ හැකියාවක් නැහැ. ජනතාව කැමැති පිරිසකට අලුත් ජනවරමක් ලබාගන්න ඕනෑ. මේ පාලකයන් නැවත නැවත ජනතාව මුළාකරමින් ඉදිරියට යනවා. ඒ නිසා ඉතා කෙටි කාලයකට තාවකාලික ආණ්ඩුවක් නිර්මාණය කරගන්න අවශ්ය වෙනවා.
පිහිටුවා ගන්නා තාවකාලික ආණ්ඩුව ඉතා ඉක්මනින්ම මැතිවරණයකට යා යුතුයි. අපි ඒ වෙනුවෙන් මැදිහත් වෙනවා. මේ වෙනුවෙන් දිගු කාලයක් පුරා සටන් කළ සියලුදෙනාට ජාතික ජන බලවේගයේ ස්තුතිය පිරිනමනවා. මේ ලැබුවේ දැවැන්ත පාඩමක්, විශාල ආදර්ශයක් බව අපි ජනතාවට කියනවා. ඉදිරියේදී ඕනෑම දුෂ්ට පාලකයෙක් ප්රජාතන්ත්රවාදී ලෙස පලවා හැරිය හැකි බව අපි ඔප්පු කර තිබෙනවා. රට හදන්න පුළුවන් ජනවරමක් අවශ්යයි. ඔවුන්ගේ ධෛර්යය, දැනුම එක්කර ගත්ත ගමනක් අපි යා යුතු වෙනවා. ඒ ගමන වෙනුවෙන් ජනතාව එකතු කර ගනිමින් නායකත්වය දෙන්න ජාතික ජන බලවේගය සූදානම්. ජනතාවගේ සම්පූර්ණ ජයග්රහණයක් බවට පත්කර ගන්න සටන අත්නොහැර අවදියෙන් ඉමු.
තාවකාලික පාලනයකින් අත්යවශ්යම තෙල් ටික හෝ ලබාගැනීමට අපේ දායකත්වය මොන වගේද කියලා කල්පනා කරමින් ඉන්නේ. ගොඩනැඟෙන ආණ්ඩුවේ ස්වභාවය දිහා බලලා අපේ කාර්යභාරය මොනවගේද කියලා තීරණය කරනවා.
කිසියම් පිරිසක් රනිල් වික්රමසිංහගේ ගෙට ගිනි තබා තිබෙනවා. අපි ඒක සම්පූර්ණයෙන් හෙළාදකිනවා. එයින් සිදුවුණේ සාමකාමී ලෙස ලබාගත් දැවැන්ත ජනතා ජයග්රහණය හෑල්ලු කිරීමයි. එහි ජීව ගුණය අවලස්සන බවට පත්කිරීමයි. අරගල කළ ජනතාව ජනාධිපති මන්දිරයට හා අරලියගහ මන්දිරයට ඇතුළු වුණා. කිසිම හානියක් කළේ නැහැ. එසේ තිබියදී සිදුකළ ගිනිතැබීම සමස්ත අරගලයේම අරමුණුවලට විරුද්ධව සිදුකළ එකක්.
එය අපි කවුරුත් රටක් හැටියට හෙළාදකින්න ඕනෑ. අරගලයක හොඳම ජයග්රහණ ගන්න නම් විනයක් තිබෙන්න ඕනෑ. කිසියම් හෝ කුඩා පිරිසක් එය සංයමයට, විනයට පරිබාහිරව ක්රියා කළාම සමස්ත අරගලයටම හානි සිදුවෙනවා. මීට සම්බන්ධ අය සොයලා දඬුවම් කළ යුතු බව අපි අවධාරණය කරනවා. මෙවැනි දේවල් නැවත සිදුවීම වැළැක්වීමට සමස්ත ජනතාවත්, අරගලයේ නියුතු කණ්ඩායම් විමසිල්ලෙන් සිටිය යුතු වෙනවා. පිටින් ආ කණ්ඩායම්වල කුමන්ත්රණකාරී කණ්ඩායම් හෝ ඒ මොහොතේ හැඟීම් බරවූ කණ්ඩායම් සිදුකරන මෙවැනි දේ සෑම විටම අරගලයට හානි සිදුකරනවා.
– අනුරාධා හේරත් (මව්බිම)
🔴 #IRA || ඉර || 2022-07-11 || Anura Kumara Dissanayaka || අනුර කුමාර දිසානායක
🔴 #IRA || ඉර || 2022-07-11 || Anura Kumara Dissanayaka || අනුර කුමාර දිසානායක
ජාතික ජන බලවේගයේ පාර්ලිමේන්තු මන්ත්රීනී ආචාර්ය හරිනි අමරසූරිය ඊයේ (09) අපේ රටේ සිදුවුණු අරගලය ලෝක ඉතිහාසයට එකතු වෙනවා. බලසම්පන්න ජනාධිපතිවරයෙක් සහ ආණ්ඩුවක් අතිශයින්ම සාමකාමී, ප්රජාතන්ත්රවාදය ගරුකළ ජනතා අරගලයක් තුළින් දණගැස්වීම ලෝක ඉතිහාසයට එකතු වෙනවා. මෙතන ජයග්රහණ කිහිපයක්ම තිබෙනවා. ජනතාවගේ හැඟීම්, ඔවුන්ගේ වේදනාවන් ගැන නොතැකූ පාලකයන්ට විරුද්ධව මේ අරගලය විශාල බාධක මැද්දේ සිදුකර ජයග්රහණය ලැබුවා. ජනතාවට […]
ඊයේ (09) අපේ රටේ සිදුවුණු අරගලය ලෝක ඉතිහාසයට එකතු වෙනවා. බලසම්පන්න ජනාධිපතිවරයෙක් සහ ආණ්ඩුවක් අතිශයින්ම සාමකාමී, ප්රජාතන්ත්රවාදය ගරුකළ ජනතා අරගලයක් තුළින් දණගැස්වීම ලෝක ඉතිහාසයට එකතු වෙනවා. මෙතන ජයග්රහණ කිහිපයක්ම තිබෙනවා. ජනතාවගේ හැඟීම්, ඔවුන්ගේ වේදනාවන් ගැන නොතැකූ පාලකයන්ට විරුද්ධව මේ අරගලය විශාල බාධක මැද්දේ සිදුකර ජයග්රහණය ලැබුවා. ජනතාවට මුහුණ නොදී බංකරයක සිටි ජනාධිපති සහ හොර පාරෙන් පත්වුණු අගමැති ගෙදර යවන තැනකට පොදු ජනතාවගේ ශක්තිය තුළින් අරගලය ගෙනාවා. ලෝක ඉතිහාසයේ මෙවැනි බලගතු ආණ්ඩු පෙරළන එක ප්රචණ්ඩත්වයකින් තොරව සිදුකිරීම ලෝක ඉතිහාසයට එකතු වෙනවා. වෙනත් රටවල විශාල ලේ වැගිරීම් තුළින් මෙවැනි අරගල ජයගත්තේ. මෙහිදී ආණ්ඩුව පැත්තෙන් මිස අරගලකරුවන්ගේ පැත්තෙන් කිසිදු ප්රචණ්ඩත්වයක් සිදු කළේ නැහැ. අවසානයේ ලේ වැගිරීම් කිහිපයක් සිදු වුණත් ඒ ආණ්ඩුව ක්රියාකළ ආකාරය නිසයි.
පොලිසිය සහ හමුදාව අරගලකරුවන් හා එක්ව සිතින් බැඳී ගිය බවත් රාජකාරිය කිරීම සඳහා යම් කටයුතු කළ බවත් පැහැදිලි වුණා. මේ සියල්ල අතරේ අරගලය අවසන් කියලා අපි හිතන්නේ නැහැ. තව කළ යුතු බොහෝ දේ තිබෙනවා. ඊයේ පක්ෂ නායකයන්ගේ රැස්වීමේදී ගත් තීරණ ක්රියාත්මක කිරීම පිළිබඳ අපි අවධානයෙන් ඉන්නවා. ජනාධිපති සහ අගමැති වහාම අස්වී, සියලුම පක්ෂ සහභාගීවන නිශ්චිත වැඩපිළිවෙළක් සඳහා ඉතාමත් කෙටි කාලයකට අන්තර්කාලීන පාලනයක් පිහිටුවා ගත යුතුයි. ඉන්පසු මැතිවරණයක් හරහා ජනතාවගේ පාලනයක් පිහිටුවා ගැනීමට ඉඩදිය යුතුයි. අරගලයෙන් පිළිබිඹු වුණු හරය ක්රියාත්මක කිරීමේ හැකියාව ජනතාවාදී පාලනයකින් ඉටුකර ගත යුතුයි. අරගලයෙන් ප්රකාශ වුණු දේශපාලන පරිවර්තනය, දේශපාලන සංස්කෘතියේ පරිවර්තනය, ඒ ආණ්ඩුව තුළින් සිදුකළ යුතුයි. තෙල්, ගෑස් ලබාගැනීමට විතරක් අරගලය ලඝු කරනවා නම්, එය ඉතාම අහිතකර දෙයක්. අරගලය ඊට වඩා පුළුල් සහ ශ්රේෂ්ඨ අරමුණු සහිත අත්යවශ්ය වෙනස්කම් සිදුකිරීමට ගෙනගිය එකක්. ජනතාව ගැන සිතන ආකාරය, දේශපාලන සංස්කෘතිය, පාලකයා සහ පුරවැසියා අතර සම්බන්ධතාවය, ප්රජාතන්ත්රවාදය ශක්තිමත් කිරීම, ජාතික ගැටලුව කෙසේ විසඳිය යුතුයිද ආදී පුළුල් අරමුණු මේ තුළ තිබෙනවා. ඉතිහාසයේ සිදුකළ වැරදි නිවැරදි කර ගන්නේ කොහොමද කියලා මේ සාකච්ඡා තුළ විමසා බලනවා.
මෙම ඉල්ලීම් ඉදිරි මැතිවරණයකින් පත්වන ආණ්ඩුවට ඉටුකිරීමේ වගකීමක් තිබෙනවා. අරගලයේ ජයග්රහණ ආරක්ෂා කරගනිමින්, පුරවැසියන් බලගතුවීම ආරක්ෂා කරගනිමින් කටයුතු කිරීම පත්වෙන ඕනෑම ආණ්ඩුවක වගකීමක්. ගෙවීයන මේ දවස් කිහිපය තීරණාත්මකයි. ප්රකාශ විතරක් මදි, ක්රියාමාර්ගවලින් වචන තහවුරු කළ යුතුයි. ඊළඟට සිදු කරන ක්රියාමාර්ග ගැන පැහැදිලි එකඟතාවයකට එන්න ඕනෑ. අන්තර් කාලයකට පත්වන පාලනයෙන් මූලික ගැටලු විසඳා මැතිවරණයක් පවත්වන තෙක් අරගලයේ මූලික හරය පවත්වාගෙන යාමත් අවශ්යයි. ජයග්රහණය භුක්ති විඳිනවා වගේම අවසාන අරමුණු ඉටුවන තෙක් මේ තුළ පුරවැසියන් රැඳී සිටීම අත්යවශ්ය බවත් අවධාරණය කරනවා. ඇත්ත වශයෙන්ම මේ ජනතා විප්ලවයෙන් දිනාගත් දේවල් රැක ගැනීමටත් විශාල වගකීමක් තිබෙනවා.
දුර්දාන්ත පාලනයට එරෙහිව කාලයක් තිස්සේ ගොඩනැගුණු ජන අරගලය ඊයේ දවසේදී උපරිම තලයකට ඇවිත් පාලකයන් බලයෙන් ඉවත් කිරීමට හැකි වුණා. මෙය මානව හිමිකම්, ප්රජාතන්ත්රවාදය, සහ පුද්ගල නිදහස අගයන සියලු ශ්රී ලාංකිකයින්ගේ ඓතිහාසික ජයග්රහණයක්. මේ ජයග්රහණයට විවිධ පිරිස් දායකත්වය දුන්නා. විශේෂයෙන් තරුණ පිරිස ඒ අතරින් ප්රමුඛයි. විවිධ ප්රදේශවල ඉඳලා ලක්ෂ සංඛ්යාත ජනකායක් මේ අරගලය ශක්තිමත් කළා. මෙරට ඓතිහාසිකව සටහන් වන මේ දිනයේ සටන් පාඨය පුද්ගලිකව ගෝඨාභය රාජපක්ෂ මහත්මයාට එරෙහිව නැඟුණු සටන් පාඨයක් පමණක් නොවෙයි. දශක හතක් පුරා මෙරට ක්රියාත්මක වුණු දේශපාලනය සහ ආර්ථිකය සම්බන්ධයෙන් වැරදි ක්රියාමාර්ගවලට එරෙහිව පැන නැඟුණු අරගලයක්. ඒ වගේම ප්රභූ දේශපාලනයට එරෙහිව වූ අර්ථයකුත් ගැබ්වී තිබෙනවා. මේ අරගලයෙන් පස්සේ ජනතාවාදී ආර්ථිකයක්, නිර්ප්රභූ දේශපාලන සංස්කෘතියක් ඉල්ලා සිටීම මේ සටන් පාඨය තුළ තිබෙනවා.
ආර්ථිකයේ සංවර්ධනයක් අත්කර ගනිමින් ඒ ප්රතිලාභ සාධාරණ ලෙස ජනතාව අතර බෙදා හැරෙන ක්රමයක් ගොඩනැඟෙන්න ඕනෑ කියන හරය අරගලයේ තිබෙනවා. ඒ වගේම සමාජයේ විවිධ විෂමතා අවසන් කර, මානවවාදී සමාජයක්, නීතියට ගරු කරන, පුද්ගලිකත්වය තහවුරු වන, එකිනෙකාගේ පැවැත්මට ගරු කරන, ශිෂ්ට සම්පන්න සමාජයක් බිහිකර ගැනීමේ අරමුණ ඒ සටන් පාඨ තුළ තිබෙනවා. අගමැතිවරයා, ජනාධිපතිවරයා ඇතුළු දුර්දාන්ත පාලනය ඉවත්ව යන බව ප්රකාශ කර තිබුණත්, අරගලයේ සැබෑ අරමුණු ඉෂ්ට කර ගැනීමට තව බොහෝ දුර යා යුතුව තිබෙනවා. අරගලයට දායකත්වය දුන් සියලු කණ්ඩායම්වල වගකීම අවසන් ජයග්රහණ දක්වා ඉදිරියට ගෙන යාමයි. පසුගිය දිනවල ගැසට් රිවස් වුණා වගේ දැනට දී තිබෙන පොරොන්දුත් රිවස් නොකර, ජනතාවගේ හැඟීම් තේරුම් ගෙන අලුත් ආරම්භයකට ජනාධිපතිත් අගමැතිත් අවස්ථාව ලබාදේ යැයි බලාපොරොත්තු වෙනවා. ඒ වෙනුවෙන් ඇපකැපවී කටයුතු කරන්න සෑම දෙනාම අධිෂ්ඨාන කර ගනීවි කියලා ජාතික ජන බලවේගය බලාපොරොත්තු වෙනවා. ඒ අවසන් ජයග්රහණය වෙනුවෙන් සියලු දෙනාම එකාවන්ව අධිෂ්ඨානයෙන් අත්වැල් අල්ලා ගන්නා ලෙස ඉල්ලා සිටිනවා.
මාස කිහිපයක් තිස්සේ ගෙන ගිය අරගලයේ ජනතා හඬ ගෝඨාභය රාජපක්ෂ තේරුම් ගත්තේ නැහැ. ඔහුගේ හමුදා බලයට වඩා ජනතා බලය ඉතාමත් ප්රබලයි, වැදගත් කියලා ඔප්පුවී තිබෙනවා. බලහත්කාරයෙන් බලයේ ඉන්න උත්සාහ කළ ගෝඨාභය රාජපක්ෂට බලය අත්හැර යන්න සිද්ධ වුණා. ගෞරවාන්විත ලෙස නෙවෙයි, පස්ස දොරෙන් පැනලා හැංගිලා යන්න වුණා. ඉන්නේ කොහේද කියලා කවුරුත් දන්නේ නැහැ. පාලකයන්ට එහෙම වෙන්න ඕන නැහැ. කල් ඇතිව ගෞරවාන්විතව ඉවත්වී ගියා නම් සමාජයේ යම් ප්රමාණයක නමක් තියාගන්න තිබුණා. මේ සටන පටන් ගන්න කොට මේ පාලකයන් යයිද කියන සැකයක් බොහෝ දෙනාට තිබුණා. මහින්ද රාජපක්ෂට අගමැතිකම දාලා යන්න සිද්ධ වුණා. ඇමතිකම් දාලා යන්න සිද්ධ වුණා. බැසිල් රාජපක්ෂට ඇමතිකමත් මන්ත්රීකමත් දාලා යන්න සිද්ධ වුණා. අවසානයේ ජනාධිපතිට මන්දිරය දාලා යන්න සිද්ධ වුණා. 13වැනිදා වනවිට නිල වශයෙන් ඉල්ලා අස්වෙන බව ඔහු දැනුම්දී තිබෙනවා. යුද ජයග්රහණ පාවිච්චි කර, රාජපක්ෂ පවුල ගොඩනඟාගෙන තිබුණු අධිපතිවාදිත්වය මෙයින් නිමා වෙනවා. ආරෝපණය කර ගන්නා බලයට වඩා ජනතාවගේ බලය බලවත් බව ඔප්පුවී තිබෙනවා.
ඒත් රට ඉදිරියේ බරපතළ අභියෝග ගණනාවක් තිබෙනවා. තෙල් ප්රශ්නය, ගෑස් ප්රශ්නය, භාණ්ඩ හිඟය, රැකියා අහිමි වීම යන ප්රශ්න තවමත් තිබෙනවා. අපේ රට මුහුණදී තිබෙන බරපතළ සමාජ, ආර්ථික අර්බුදවලින් ගොඩගන්න ගෝඨාභය රාජපක්ෂ ඉවත්වූ පමණින් හැකිවෙන්නේ නැහැ. රට ගොඩගන්න නම්, ජනවරමකින් අලුත් පාලනයක් පිහිටුවා ගන්න ඕනෑ. සමහරු ගෝඨාභය රාජපක්ෂ ඉවත්වීමෙන් පසුව ඇතිවන තත්වය පාවිච්චි කර, පරණ කණ්ඩායම් නැවත තහවුරු වෙන්න, තමන් අතට බලය ගන්න හීන දකිනවා. අගමැති හීනය, ජනාධිපති හීනය, ඇමතිකම් දරන්න මේ වංචාකාරී පාලනයේම කොටස්කරුවන් උත්සාහ කරමින් ඉන්නවා. මේ සටනේ ගෝඨාභය රාජපක්ෂ ඉවත් කිරීමේ සටන් පාඨය තිබුණත් ඒ තුළ වසර 74ක් පවත්වාගෙන ආ වැරදි ආර්ථික ක්රමය, මජර දේශපාලනය තුරන් කිරීමේ පුළුල් පරිවර්තනයක අභිලාෂය තිබෙනවා. ජනතාව හිටියේ ඒ සටනේ. සටන අවසන් ජයග්රහණයක් බවට පරිවර්තනය කරගත හැක්කේ මැතිවරණයකින් බලය ගන්නා අලුත් පාලනයකින් බව කවුරුත් දැන් පිළිගන්නවා. මේ පාර්ලිමේන්තු සංයුතිය එලෙසම තිබියදී මොනම පරිවර්තනයක්වත් කරන්න බැහැ.
මේ පාර්ලමේන්තුවේ බහුතර බලයක් තිබෙන්නේ ශ්රී ලංකා පොදුජන පෙරමුණට. රාජපක්ෂවරුන්ගේ කණ්ඩායමට. ඔවුන් අත බලය තිබියදී, කිසිම දෙයක් කරගෙන යාමට ඉඩනොදී බාධාකිරීම් සිදුවෙනවා. මේ ජයග්රහණයෙන් ලබාගත් ප්රතිඵල මේ පාර්ලිමේන්තුව තබාගෙන ජනතාවට භුක්තිවිඳින්න බැහැ. ගෝඨාභය ඉවත්කිරීමේ ජයග්රහණය ජනතාවගේ ජීවිත තුළට දැනෙන්න නම් අලුත් ජනවරමකින් රට ගොඩනඟාගැනීමේ ක්රියාවලිය ඉදිරියට ගන්න වෙනවා. ගෝඨාභය රාජපක්ෂට රට පාලනය කරන්න ජනවරමක් නැති බව ඊයේ ඔහු අවසන් වශයෙන් තේරුම් ගත්තා. ඔහුට ජනවරමක් නැත්නම් එයින් කියැවෙන්නේ ඔහු ජනාධිපති ලෙස සිටියදී පාර්ලිමේන්තුව ලබාගත් ජනවරමක් දැන් අවසන්වී ඇති බවයි. මේ පාර්ලිමේන්තුවේ ජනවරම අහෝසි වෙලා, ජනතාව වෙනුවෙන් කිසිදු තීන්දු තීරණයක් ගැනීමේ හැකියාවක් නැහැ. ජනතාව කැමති පිරිසකට අලුත් ජනවරමක් ලබාගන්න ඕනෑ. අපි දැන් දකින්නේ මැතිවරණයකට වැඩි කලක් ගත වුණොත් මේ අර්බුදයේම තවදුරටත් ගිලාබහින බවයි. මේ පාලකයන් නැවත නැවත ජනතාව මුලාකරමින් ඉදිරියට යනවා. ඒ නිසා ඉතා කෙටි කාලයකට තාවකාලික පාලනයක් නිර්මාණය කරගන්න අවශ්ය වෙනවා.
දේශපාලන සදාචාරය, ප්රජාතන්ත්රවාදය අනුව ජනතාව ප්රතික්ෂේප කළ ජනාධිපති සහ පාර්ලිමේන්තු කණ්ඩායම ඉවත් කිරීම වෙනුවෙන් අපි මැදිහත් වෙන්න ඕනෑ. අලුත් ආණ්ඩුවක් නිර්මාණය කිරීම දක්වාම මේ සටන ඉදිරියට ගෙන යා යුතු වෙනවා. පිහිටුවා ගන්නා කිසියම් හෝ තාවකාලික ආණ්ඩුව ඉතා ඉක්මනින්ම මැතිවරණයක් පවත්වන පාලනයක් විය යුතුයි. අපි ඒ වෙනුවෙන් මැදිහත් වෙනවා. පසුගිය කාලයේ දියත් කළ අරගලයේදී ජනතාව විශාල කැපකිරීම් කරමින් සාමකාමී, ප්රජාතන්ත්රවාදී අරගල තුළින් පාලනයන් වෙනස් කළ හැකියි කියන තහවුරුව ලබාදී තිබෙනවා. මේ වෙනුවෙන් දිගු කාලයක් සටන් කළ, ඊයේත් සටන් කළ සියලු දෙනාට ජාතික ජන බලවේගයේ ස්තුතිය පිරිනමනවා. මේ ලැබුවේ දැවැන්ත අත්දැකීමක්, දැවැන්ත පාඩමක්, විශාල ආදර්ශයක් බව අපි ජනතාවට කියනවා. ඉදිරියේදී ඕනෑම දුෂ්ට පාලකයෙක් ප්රජාතන්ත්රවාදී ලෙස පළවා හැරිය හැකි බව අපි ඔප්පු කර තිබෙනවා. ජනතාවගේ ධෛර්යය, කැපකිරීම් යන සියල්ලේම ප්රතිඵල ජනතාවට ලැබෙන්න නම් රට හදන්න, රට වෙනස් කරන්න යොදා ගත යුතු වෙනවා. රට හදන්න පුළුවන් ජනවරමක් අවශ්යයි. ඔවුන්ගේ ධෛර්යය, දැනුම එක්කර ගත්ත ගමනක් අපි යා යුතු වෙනවා. ඒ ගමන වෙනුවෙන් ජනතාව එකතු කර ගනිමින් නායකත්වය දෙන්න ජාතික ජන බලවේගය සූදානම්. ජනතාවගේ සම්පූර්ණ ජයග්රහණයක් බවට පත්කර ගන්න සටන අත්නොහැර අවදියෙන් ඉමු. ගෝඨාභය රාජපක්ෂ, රනිල් වික්රමසිංහ නිල වශයෙන් ඉල්ලා අස්වෙන තුරුත්, ජන වරමකින් අලුත් ආණ්ඩුවක් පිහිටුවා ගන්නා තුරුත් ධෛර්යයෙන් ඉදිරියට යමු කියන අවධාරණය අපි කරනවා.
මාධ්යවේදීන් නැගූ ප්රශ්නවලට පිළිතුරු
ප්රශ්නය:- ඉදිරියේදී නිවැරදි පාලනයක් කරගෙන යාම සඳහා කැපකිරීම් කළ යුතු බව අපට පැහැදිලියි. නමුත් රට සම්පූර්ණයෙන් අකර්මන්යවී මිය යන්න ආසන්නයේ තිබෙන්නේ. අන්තර් කාලීන පාලනයක් ඇතිකර ගැනීමට ජාතික ජන බලවේගය සකස් කර තිබෙන ක්රියාවලිය මොනවගේද?
පිළිතුරු:- මේ අභියෝගය භාරගන්න සූදානම් බව මෙයට පෙරත් අපි පැහැදිලි කර තිබෙනවා. නමුත් පාර්ලිමේන්තුවේ තිබෙන්නේ වෙන සංයුතියක් නිසා අපේ කැමැත්තටම සෑමදේම වෙන්නේ නැහැ. තාවකාලික පාලනයකින් අත්යවශ්යම තෙල් ටික හෝ ලබාගැනීමට අපේ දායකත්වය මොනවගේද කියලා කල්පනා කරමින් ඉන්නේ. ගොඩනැගෙන ආණ්ඩුවේ ස්වභාවය දිහා බලලා අපේ කාර්යභාරය මොනවගේද කියලා තීරණය කරනවා.
ප්රශ්නය:- ජනාධිපතිවරයා 13දා ඉල්ලා අස්වෙන බව ප්රකාශ කර තිබෙනවා. එය විශ්වාස කරන්න පුළුවන්ද?
පිළිතුරු:- ව්යුක්තව ගත්තොත් අපි කවුරුත් අවසන් වශයෙන් විශ්වාස කරන්නේ නැහැ. ඉල්ලා අස්වීම නොකර ඉන්න පුළුවන්. කතානායකවරයාට දන්වා තිබෙන බව කියන්නේ 13දා ඉල්ලා අස්වෙනවා යන්නයි. අපේ සටන 13දා ඉවත්වන තුරුත් එයින් පසුවත් වෙනත් ආකාරයකින් අපට සටනක් තිබෙනවා. ගෝඨාභය රාජපක්ෂ හෝ රනිල් වික්රමසිංහ කී දේ ක්රියාවෙන් ඔප්පු කරනතුරුත් විශ්වාස කරන්නේ නැහැ. එය ඉටු නොකළ හොත් සිදුවන දේ අපි කල්පනා කරන්න ඕනෑ.
ප්රශ්නය:- ඊයේ දවස තුළ අරගලය සාමකාමීව සිදුකළා. නමුත් රනිල් වික්රමසිංහ මහත්තයාගේ ගේ ගිනි තැබීම ප්රචණ්ඩත්වය නොවෙයිද?
පිළිතුරු:- අරගලය ඉතාමත්ම සාමකාමී ලෙස පැවැත්වූ බව ඔබ කවුරුත් දන්නවා. ඒ අරගලයේ ජයග්රහණ දහවල් එක දෙක පමණ වන විට ලබාගෙන තිබුණා. ඊට පස්සේ රාත්රියේ කිසියම් පිරිසක් රනිල් වික්රමසිංහගේ ගෙට ගිනි තැබුවා. අපි ඒක සම්පූර්ණයෙන් හෙළාදකිනවා. එයින් සිදුවුණේ සාමකාමී ලෙස ලබාගත් දැවැන්ත ජනතා ජයග්රහණය හෑල්ලු කිරීමයි. එහි ජීව ගුණය අවලස්සන බවට පත්කිරීමයි. අරගල කළ ජනතාව ජනාධිපති මන්දිරයට ඇතුල් වුණා. කිසිම හානියක් කළේ නැහැ. එසේ තිබියදී රාත්රි කාලයේ සිදුකළ ගිනිතැබීම සමස්ත අරගලයේම අරමුණුවලට විරුද්ධව සිදුකළ එකක්. එය අපි කවුරුත් රටක් හැටියට හෙළාදකින්න ඕනෑ. පොදුවේ ගතහොත් ගෙදර කාගේද කියන ප්රශ්නයක් නැතිව හෙළාදකින්න ඕනෑ. අරගලයක හොඳම ජයග්රහණ ගන්න නම් විනයක් තිබෙන්න ඕනෑ. කිසියම් හෝ කුඩා පිරිසක් එය සංයමයට, විනයට පරිභාහිරව ක්රියා කළාම සමස්ත අරගලයටම හානි සිදුවෙනවා. මීට සම්බන්ධ අය සොයලා දඬුවම් කළ යුතු බව අපි අවධාරණය කරනවා. මෙවැනි දේවල් නැවත සිදුවීම වැළැක්වීමට සමස්ත ජනතාවත්, අරගලයේ නියුතු කණ්ඩායම් විමසිල්ලෙන් සිටිය යුතු වෙනවා. පිටින් ආ කණ්ඩායම්, කුමන්ත්රණකාරී කණ්ඩායම් හෝ ඒ මොහොතේ හැඟීම් බරවූ කණ්ඩායම් සිදුකරන මෙවැනි දේ සෑමවිටම අරගලයට හානි සිදුකරනවා. ජාතික ජන බලවේගය මෙය සම්පූර්ණයෙන්ම හෙළාදකිනවා.
