(-ජාතික ජන බලවේගයේ ආර්ථික කවුන්සිලයේ මාධ්‍ය හමුව – 2024.08.29-) ජාතික ජන බලවේගයේ ප්‍රතිපත්ති ප්‍රකාශනය එළිදක්වා තිබෙනවා. එහි අඩංගු නිසි තොරතුරු තේරුම් ගන්නේ නැතිව විකෘති තොරතුරු ජනගත කරන්න සමහර අය උත්සාහ කරමින් සිටිනවා. මෙයට පෙර වැට් බද්දට යටත් කර නොතිබුණු පාසල් දරුවන්ගේ උපකරණ, සෞඛ්‍ය උපකරණ, ආහාර වැනි එදිනෙදා ජීවිතයට අවශ්‍ය භාණ්ඩවලට අලුතින් වැට් බදු අය කරන […]
(-ජාතික ජන බලවේගයේ ආර්ථික කවුන්සිලයේ මාධ්‍ය හමුව – 2024.08.29-)
ජාතික ජන බලවේගයේ ප්‍රතිපත්ති ප්‍රකාශනය එළිදක්වා තිබෙනවා. එහි අඩංගු නිසි තොරතුරු තේරුම් ගන්නේ නැතිව විකෘති තොරතුරු ජනගත කරන්න සමහර අය උත්සාහ කරමින් සිටිනවා. මෙයට පෙර වැට් බද්දට යටත් කර නොතිබුණු පාසල් දරුවන්ගේ උපකරණ, සෞඛ්‍ය උපකරණ, ආහාර වැනි එදිනෙදා ජීවිතයට අවශ්‍ය භාණ්ඩවලට අලුතින් වැට් බදු අය කරන බව දේශීය ආදායම් බදු දෙපාර්තමේන්තුවෙන් නිකුත් කළ 2023/02 චක්‍රලේඛය අනුව පැහැදිලි වෙනවා. 2024 ජනවාරි 01 වැනි දින සිට වැට් බදු අය කරන බව නිල වශයෙන් දක්වා තිබෙනවා. උදාහරණයක් හැටියට දේශීය වශයෙන් නිෂ්පාදනය කෙරෙන බිත්තර, කිරි, කෘෂිකර්මාන්තයට අවශ්‍ය උපකරණ, සෞඛ්‍ය ක්‍ෂේත්‍රයට සම්බන්ධ උපකරණ වැනි කරුණු රාශියක් මේ බද්දට යටත් වෙනවා. දේශීය නිෂ්පාදකයන්ට සහ අපේ පාරිභෝගිකයන්ට පටවා තිබෙන වැට් බදු බර සම්බන්ධයෙන් අපි ප්‍රතිපත්ති ප්‍රකාශනයේ කරුණු ඉදිරිපත් කර තිබෙනවා. අපේ රටේ ජනතාව අවම ජීවන මට්ටමටත් පහතින් පවතින තත්වයක් ගත කරමින් ඉන්නේ. ඒ නිසයි ජාතික ජන බලවේගය ‘පොහොසත් රටක් – ලස්සන ජීවිතයක්’ කියන ප්‍රතිපත්ති ප්‍රකාශනය ඉදිරිපත් කරනු ලැබුවේ. මේ සහනය ලබා දෙන්න රුපියල් බිලියන 50කට ආසන්න වැඩි මුදලක් වැය වෙනවා. ඒ වාගේම රාජ්‍ය හා පෞද්ගලික යන දෙඅංශයේම ඉන්න මාසික වැටුප් ලබන්නන් සියයට 36ක් තරම් වූ බද්දකට යටත් කර තිබෙනවා. ඒ නිසා දැනට බදු අය කරන සීමාව රුපියල් ලක්‍ෂයේ ඉඳලා, ලක්ෂ දෙක දක්වා වැඩි කරන්න අපි බලාපොරොත්තු වෙනවා.
මේ මඟින් අපි ජාතික වැඩපිළිවෙළ ක්‍රියාත්මක කිරීම සඳහා ආර්ථිකය ප්‍රසාරණය කිරීම සඳහා නැවත වතාවක් ජනතාවට මිල දී ගැනීමේ හැකියාව ලබා දෙන්න ඕනෑ. දැනට තිබෙන ලක්‍ෂයේ සීමාව ලක්ෂ දෙක දක්වා වැඩි කිරීමෙන් ඒ සඳහා සෑහෙන සහනයක් ලැබේවි කියලා අපි බලාපොරොත්තු වෙනවා. ආදායම් බද්දට යටත් වන සීමාව ලක්ෂ දෙක දක්වා වැඩි කිරීම නිසා තව රුපියල් බිලියන 50කට අඩු මුදලක් අමතරව දැරිය යුතු වෙනවා. ඒ අනුව වැට් බදු පෙර කී භාණ්ඩවලින් ඉවත් කිරීම සහ මාසික ආදායම් ලබන අයගේ බදු සීමාව වැඩි කිරීම යන අංශ දෙකට රුපියල් බිලියන 110ක පමණ අමතර බරක් දරන්න වෙනවා. ඒ වෙනුවෙන් වැඩපිළිවෙළක් සූදානම් කර තිබෙනවා. අපි අයි.එම්.එෆ්. එකත් එක්ක කතා කරන කොට අවධාරණය කළේ රටේ ජනතාව නිෂ්පාදන ක්‍රියාවලියට දායක කර ගැනීමේ වැඩපිළිවෙළක් අවශ්‍ය බවයි. අපි මේ ප්‍රතිපත්ති ප්‍රකාශය සකස් කළේ ජාතික ජන බලවේගයේ පිරිසක් එක් වීමෙන් පමණක් නොවෙයි; කර්මාන්තකරුවන් වාගේම පළපුරුද්ද තිබෙන ඉහළ නිලතල දැරූ කර්මාන්ත ක්ෂේත්රයේ වෘත්තිකයන් සහභාගි කර ගත්තා. අයවැයේදී මේ සඳහා දැරිය යුතු වන මුදල් පියවා ගන්න දැනටත් භාණ්ඩාගාරයට අය විය යුතු නමුත්, අය කරගෙන නැති අතිවිශාල ආදායම් ප්‍රමාණය අය කර ගන්නත්, නාස්තිකාර වියදම් අඩු කර ගන්නත් සැලසුම් සකස් කර තිබෙනවා. මෙයට සමගාමීව ඉංජිනේරු ක්ෂේත්රය, තාක්‍ෂණික ක්ෂේත්රය, සන්නිවේදන ක්ෂේත්රය, සංවර්ධන සහ පර්යේෂණ ක්ෂේත්රය, ව්‍යාපාරික ක්ෂේත්රය සහ සංචාරක ක්ෂේත්රය යන බොහෝ අංශ සම්බන්ධ කර ගනිමින්, පෙරට යන ගමනක් අපි ඉදිරිපත් කර තිබෙනවා.
“සැලසුමේ සමස්තය සලකනවා මිස වලිගයෙන් අල්ලා ගන්න එපා”
-ජාතික ජන බලවේගයේ ආර්ථික කමිටු සාමාජික මහාචාර්ය අනිල් ජයන්ත-
නව පුනරුද යුගයකට රට ගෙන යන ආකාරය පිළිබඳව ජාතික ජන බලවේගය ඉදිරිපත් කර තිබෙන ප්‍රතිපත්ති ප්‍රකාශනය ඉතාමත් පුළුල් එකක්. එය ඉදිරිපත් කළ පසුව අධ්‍යයනය කර කරුණු දක්වනවා වෙනුවට පදනම් විරහිත චෝදනා කිහිපයක් ඉදිරිපත් කර තිබෙනවා. මේ වන විටත් විශේෂයෙන් විදේශීය ණය ප්‍රතිව්‍යුහගත කිරීමේ ක්‍රියාවලිය තුළ රට හිර වී තිබෙනවා. ඒ සම්බන්ධයෙන් නැවත සාකච්ඡා කරන්න ජාත්‍යන්තර මූල්‍ය අරමුදල එකඟත්වය පළ කර තිබෙනවා. විශේෂයෙන් විපක්‍ෂයේ හර්ෂ ද සිල්වා මන්ත්‍රීවරයා ඇතුළු පිරිසක් පරස්පර විරෝධී මත පළ කරමින් සිටිනවා. අයි.එම්.එෆ්. ගිවිසුමේ අඩංගු කරුණු සංශෝධනය කරන්න බැරි බව හර්ෂ ද සිල්වා මන්ත්‍රීවරයා ප්‍රකාශ කරන අතර, එම පක්‍ෂයේ තව පිරිසක් කියන්නේ ඒ ගිවිසුම නැවත සමාලෝචනය කරන බවයි. මේ ගැන විග්‍රහ කරන්න කලින් හර්ෂ ද සිල්වා මන්ත්‍රීවරයා පෙනී සිටින්නේ රනිල් වික්‍රමසිංහ ප්‍රකාශ කරන එම ගිවිසුම සමාලෝචනය කරන්න බැහැ කියන මතය වෙනුවෙන්ද, එහෙම නැත්නම්, තමන්ගේ පක්‍ෂයේ නායකයා ප්‍රකාශ කරන මෙය සංශෝධනය කරනවා කියන මතය වෙනුවෙන්ද යන්න පැහැදිලිව ප්‍රකාශ කළ යුතුයි. නමුත්, පසුගිය 28 වැනිදා රනිල් වික්‍රමසිංහ මහතා ප්‍රකාශ කර තිබෙන්නේ ඡන්දයක් කටේ තබාගෙන මෙම ගිවිසුමේ ඇතුළත් ආදායම් බදු අය කිරීමේ කාණ්ඩ සමාලෝචනය කර ගන්නා බවයි. ජාතික ජන බලවේගය ඉතා පැහැදිලිව ප්‍රකාශ කරන්නේ මේ වන විට පවත්වාගෙන යන අයි.එම්.එෆ්. වැඩපිළිවෙළ සම්බන්ධයෙන් සාකච්ඡා කර අපේ රටට වාසිදායක ලෙස සංශෝධනය කරගත යුතුයි කියන අදහසයි. ඒ වාගේම ප්‍රාථමික ශේෂය දළ දේශීය නිෂ්පාදිතයේ 2.3%ක පවත්වාගෙන යා යුතුයි කියන එක පවත්වාගෙන යන්න සිදු වෙනවා. එවැනි නිර්ණායක කිහිපයක් වෙනස් කළ නොහැකිව පවතිනවා.
නමුත්, මෙය කරන්නේ කොහොමද කියන ප්‍රශ්නයේදී විකල්ප කිහිපයක් තිබෙනවා. හර්ෂ ද සිල්වා වැනි මන්ත්‍රීවරුන් ප්‍රකාශ කරන්නේ මේ අත්සන් කර තිබෙන ගිවිසුම අනුව ක්‍රියා කිරීම පමණක් සිදු කළ යුතු බවයි. අයි.එම්.එෆ්. ගිවිසුම වෙනස් කිරීමට සාකච්ඡා කිරීමේදී ආණ්ඩුවේ ආදායමට සාපේක්‍ෂව වියදම් කළමනාකරණය කර ගන්නේ කොහොමද කියන ප්‍රශ්නය කෙරෙහි මූලික අවධානය යොමු කරනවා. ඒ වෙනුවෙන් පවතින බදු ව්‍යුහය සාධාරණ ලෙස සකස් කර ගැනීමට නවීන තාක්ෂණය යොදා ගැනීම සහ තමන්ගේ හිතවතුන්ට බදු සහන ලබා දීම වැනි ක්‍රියාමාර්ග නවත්වා ආදායම් මාර්ග වැඩි කර ගන්නවා. ඒ අතර, බදු සහන ලබා දිය යුතු තැන් හඳුනාගෙන ඒ සහන ලබා දිය යුතුයි. පුද්ගලයන්ගේ ආදායම් බදු සීමාව මාසයකට රුපියල් ලක්‍ෂයේ සිට ලක්ෂ දෙක දක්වා වැඩි කරන්න යෝජනා කිරීම එක් උදාහරණයක්. රුපියල් බිලියන දහස ඉක්මවූ බදු ප්‍රමාණයක් අය කරගත යුතුව තිබෙනවා. අපි ඒ බව සඳහන් කළාම සුරාබදු දෙපාර්තමේන්තුවේ හෝ වෙනත් දෙපාර්තමේන්තුවක ප්‍රධානීන් ඇවිත්, එවැනි බදු ප්‍රමාණයක් අය කර ගැනීමට නැති බව ප්‍රකාශ කරනවා. නමුත්, අපි පැහැදිලිව ප්‍රකාශ කරන්නේ විගණන වාර්තාව පදනම් කරගෙනයි.
අනෙක් පැත්තෙන් වියදම් දැරීමේදී ලෝක බැංකුව වැනි ආයතන ඩොලර් මිලියන 200කින් ප්‍රතිපාදන ලබා දෙන්න එකඟ වී තිබෙනවා. අන්න ඒ ක්‍රියාදාමය පුළුල් කරන්නයි අපි යෝජනා කරන්නේ. සෘජුවම එතැනදී රුපියල් බිලියන 60ක පමණ අමතර වියදමක් දරන්න සිදු වුණත්, වංචා, දූෂණ සහ අකාර්යක්‍ෂමතාව නිසා අහිමි වන විශාල ආදායම් ප්‍රමාණයක් තිබෙනවා. ඒ නිසා කාටවත් කලබල වෙන්න එපා කියලා අපි කියනවා. විපක්‍ෂයේ වගේ හිටියාට මේ දූෂිත ආණ්ඩුව රැකගන්න ක්‍රියා කරන කණ්ඩායම්වලට අමතරව මහ බැංකුවේ අධිපතිවරයාත් තාක්‍ෂණික කරුණු දක්වමින්, නොමඟ යවනසුළු ප්‍රකාශ සිදු කිරීමට පටන්ගෙන තිබෙනවා. මූල්‍ය අරමුදල සමඟ ගිවිසුම් ගැන නැවත සාකච්ඡා කරන්න යනවා නම්, ආර්ථිකය කඩාවැටෙන බව ඔහු ප්‍රකාශ කර තිබෙනවා. සහනය ලබා දී ආදායම් අඩු වන ආකාරය වාගේම නාස්තිකාර වියදම් අඩු කරගෙන මුදල් ඉතිරි කර ගන්නා හැටිත් අප ප්‍රකාශ කර තිබෙනවා. සමස්තයක් ලෙස රාජ්‍ය වියදම් අඩු කරගෙන ආදායම් වැඩි කර ගන්න තිබෙන සැලසුමේ සමස්තය අර ගන්නවා මිස එක කොටසක් පමණක් අල්ලා ගන්න එපා කියලා අපි අවධාරණය කරනවා. ප්‍රාථමික ශේෂය දළ දේශීය නිෂ්පාදිතයෙන් 2.3%ක අඩු මට්ටමේ පවත්වාගත යුතු නිර්ණායකයක් දී තිබුණත්, දැන් එම ප්‍රමාණය සියයට 10ත් පැන තිබෙන්නේ අතිවිශාල පොලී ගෙවීම් නිසයි. ණය හිමියන්ගෙන් ඒ පොලිය ප්‍රතිව්‍යුහගත කරගෙන නැහැ. අයිඑම්එෆ් එක සහ අපේ ප්‍රතිපත්ති සම්බන්ධයෙන් ඒ අය මවන බිල්ලාට හසු නොවන ලෙස ජනතාවගෙන් ඉල්ලා සිටිනවා.
විකල්ප ණය තිරසර කිරීම සම්බන්ධයෙන් අපි කථා කරන්නේ සමස්ත සැලැස්මත් සමඟයි. ඒ වාගේම මේ දක්වා ලබාගෙන තිබෙන ණය සියල්ල විගණනයකට ලක් කරන බව අපේ ප්‍රතිපත්ති ප්‍රකාශනයේ පැහැදිලිව දක්වා තිබෙනවා. නමුත්, ඔවුන් ඒ කරුණත් හංඟනවා. ඒකට හේතුව 2015-2019 කාලයේ වැඩිම ස්වෛරීත්ව බැඳුම්කර ණය ප්‍රමාණයක් ලබාගෙන තිබෙන්නේ ඔවුන් වීමයි. ස්වෛරීත්ව බැඳුම්කර ණය මුළු මුදල ඩොලර් බිලියන 17යි. එයින් බිලියන 12.5කට වැඩි ප්‍රමාණයක් ලබා ගත්තේ ඔවුන්ගේ පාලන කාලය තුළයි. ණය ප්‍රතිව්‍යුහගත කිරීමේදී අතිශයින් තීරණාත්මක ස්වෛරීත්ව බැඳුම්කර සම්බන්ධයෙන් තවමත් එහෙට මෙහෙට ඇද ඇද ඉන්නවා. මූලික අවබෝධතාව මිස ණය හිමියන් සමඟ අවසාන එකඟතාවකට ඇවිත් නැහැ. ඒ සාකච්ඡා අතරමඟ හිර වෙලයි තියෙන්නේ.
ඒ වාගේ ම අපි යෝජනා කර තිබෙන සංවර්ධන බැංකුව ගැනත් ව්‍යාජ මත පතුරුවනවා. අපි යෝජනා කරන්නේ දැන් පවතින අවිනිශ්චිතතාව තුළ දිගුකාලීන අවදානම් ගන්න පෞද්ගලික අංශය අකමැති නිසා සංවර්ධන බැංකුවක අවශ්‍යතාව තිබෙන බවයි. ඕනෑම රටක ආර්ථිකය ඇතුළේ සංවර්ධන බැංකු තිබෙනවා. ඒ බැංකුවල මූලික අරමුණ අනෙක් බැංකු වාගේ ලාභ ලබන එක නොවෙයි. අපට තිබුණ සංවර්ධන බැංකුවත් 1993දී හර්ෂලා, රනිල්ලාගේ ආර්ථික ප්‍රතිපත්ති අනුව විකුණලා දැම්මා. අලුතින් පටන් ගන්න දිගුකාලීන බැඳුම්කර මගින් රුපියල් බිලියන 60ක පමණ මුදලක් ලබා ගන්න ඇස්තමේන්තු කර තිබෙනවා. ඒ වාගේම දැනටමත් දරන ප්‍රාග්ධන වියදම්වලින් සියයට 5ක් පමණ යොදවා තවත් රුපියල් බිලියන 40ක් පමණ සොයා ගන්න ඉලක්ක කර තිබෙනවා. ආරම්භක අවස්ථාවේදී සංවර්ධන බැංකුව පටන් ගන්න රුපියල් බිලියන 100ක් හොඳටම ඇති. ක්‍රමානුකූලව ප්‍රසාරණය වෙන කොට තවත් පුළුල් කර ගන්න පුළුවන්. දැනට ක්‍රියාත්මක කරන සමහර ආයතනවල අලාභය මහා භාණ්ඩාගාරයට මාරු කිරීමේ සෙල්ලමත් නතර කරනවා.
මාධ්‍යවේදීන් නැඟූ ප්‍රශ්නවලට පිළිතුරු :
ප්‍රශ්නය: ජනාධිපතිවරයාගේ ප්‍රතිපත්ති මාලාව ඉදිරිපත් කර තිබෙනවා. ඒ සම්බන්ධයෙන් මොකද කියන්නේ ?
පිළිතුර: ඔහු 1977 ඉඳලා පාර්ලිමේන්තුවේ හිඳිමින්, ඇමැති තනතුරු, අගමැති තනතුර අවස්ථා ගණනාවකදීත්, ජනාධිපති ධුරය වසර දෙකක් පුරාත් දරමින් ක්‍රියා කළ ආකාරය අපි කවුරුත් දන්නවා. ඒ ප්‍රතිපත්ති අමුතුවෙන් නොකීවත්, රට බංකොලොත් කළ ආකාරයෙන් කාටත් ඔහුගේ ගමන පැහැදිලියි. 2015දී රනිල් වික්‍රමසිංහ මහතා තමන්ගේ මුහුණ දාගෙන ‘මාස හැටෙන් අලුත් රටක්’ කියලා වැඩපිළිවෙළක් ගෙනාවා. ඒ මාස හැට ඉවර වෙන කොට රට බංකොලොත් වීමේ පාරට වැටිලයි නතර වුණේ. ඒ නිසා රනිල් වික්‍රමසිංහ කියන්නේ, මේ රටට අලුත් වැඩපිළිවෙළක් දෙන්න පුළුවන් කෙනෙක් නොවෙයි. ඔහුගේ වැඩපිළිවෙළ රටේ දේපොළ විකිණීම, ජනතාව මත අධික ලෙස ණය සහ බදු බර පැටවීම හැර වෙනත් සූත්‍රයක් ඔහුට නැහැ. මූල්‍ය අරමුදල පෙන්වමින්, තවදුරටත් ණය ගැනීමේ මාර්ගය හැරුණුකොට ඔහුට අලුත් දෙයක් තියෙනවා කියලා අපි හිතන්නේ නැහැ. එය අලුත් දෙයකුත් නොවෙයි, සාකච්ඡාවට බඳුන් කළ යුතු දෙයකුත් නොවෙයි.
ප්‍රශ්නය: රනිල් වික්‍රමසිංහගේ ප්‍රතිපත්ති ප්‍රකාශය සම්බන්ධයෙන් මාධ්‍ය හමුවක් පවත්වමින්, ඇමැතිවරුන් ප්‍රකාශ කළේ ජාතික ජන බලවේගයේ ප්‍රතිපත්ති කිසිදු ප්‍රායෝගික වැඩපිළිවෙළක් නොවන බවත්, ප්‍රායෝගික වැඩපිළිවෙළක් ඉදිරිපත් කර තිබෙන්නේ ඔවුන් බවත්. ඒ ගැන මොකද කියන්නේ ?
පිළිතුර: එතැන හිටපු ඇමැතිවරු අලි සබි්‍ර, ෂෙහාන් සේමසිංහ, කංචන විජේසේකර. මේ තුන්දෙනාම කවුරුන්ද? අලි සබි්‍ර ගෝඨාභයගේ ආණ්ඩුවේ මුදල් ඇමැති හැටියටත් හිටියා. සේමසිංහ සහ කංචන ඒ ආණ්ඩුවේ ඇමැතිවරු. එදා ගෝඨාභයගේ ප්‍රතිපත්තිය කරතියාගෙන රට හදන්න පුළුවන් ඒකෙන් බව පම්පෝරි ගැසූ අය බලය ගත්තේ රනිල් වික්‍රමසිංහගේ ප්‍රතිපත්ති විවේචනය කරලා. ‘වැඩබිමක් ලෙස තිබූ රට මුඩුබිමක් කළ බව’ ඒ කාලයේ කංචනලා, ෂෙහාන්ලා සංවාද කීයකට ඇවිත් කීවාද? එහෙම කියපු අයගේ කටෙන් රනිල් වික්‍රමසිංහගේ ප්‍රතිපත්තිය මාරයි, ඒකෙන් තමයි, රට හැදෙන්නේ කියලා කීම ඉතිහාසයේ සරදමක්. ඒ ගොල්ලන්ම පට්ටා ගහපු රනිල්ගේ ප්‍රතිපත්තියට ආවඩන්න ඔවුන්ට සිදු වී තිබෙනවා නම්, සබි්‍රලා, සේමසිංහලා, කංචනලාගේ ප්‍රතිපත්තිය මොකක්ද කියලා ඒකෙන්ම තේරුම් ගන්න පුළුවන්. තමන්ගේ පැවැත්ම වෙනුවෙන් කොහේ හරි ලගින අයගේ ප්‍රකාශයක් ගැන කතා කරලා වැඩක් නැහැ. රනිල් වික්‍රමසිංහලා 2015-2019 කාලයේ ක්‍රියාත්මක කළ ආකාරය නිසා තමයි, ගෝඨාභය රාජපක්‍:ෂලාට යම් යම් තීරණ ගන්න සිදු වුණේ. ඒ පාපකර්මයෙන් ගැලවෙන්න රනිල් වික්‍රමසිංහලාට බැහැ.
අනෙක් පැත්තෙන් මේ රටේ ජනතාව ජාත්‍යන්තර මූල්‍ය අරමුදල සම්බන්ධයෙන් පිළිගන්න ඕනෑ රනිල් වික්‍රමසිංහ කියන එකද? එහෙම නැත්නම්, මූල්‍ය අරමුදලේ ප්‍රධානී, පීටර් බෘවර් කියන එකද? ජනවරමක් සහිත ආණ්ඩුවක් එක්ක ඒ අය සාකච්ඡා කරන්න සූදානම් බව මූල්‍ය අරමුදලේ ප්‍රධානීන්ම කියනවා නම්, රනිල් වික්‍රමසිංහ කියන දෙයින් වැඩක් නැහැ. ඔහු අයි.එම්.එෆ්. එකේ නියෝජිතයා නොවෙයි. ලෝකයේ සියලුම රටවල් ජනවරමක් සහිත ආණ්ඩු පත් වුණු පසුව ලෝක බැංකුව, මූල්‍ය අරමුදල හෝ වෙනත් ආයතන සමඟ ඇති කර ගන්නා ගිවිසුම් පිළිබඳව සමාලෝචනය කරන්න ඉදිරිපත් වෙනවා. එවැනි අයිතියක් ජනවරමක් සහිත ආණ්ඩුවකටත් තිබෙනවා. ජාත්‍යන්තර ආයතන ජනවරමක් සහිත ආණ්ඩුවක් එක්ක සුහදව සාකච්ඡා කරන ආකාරය දන්නවා. අපි නියෝජනය කරන්නේ මෙරට ජනතාව අනුර කුමාර සහෝදරයාට ලබා දෙන ජනවරමේ වගකීමයි. අපි අයි.එම්.එෆ්. එක ප්රතික්ෂේප කරනවා නොවෙයි. ඔවුන් එක්ක කටයුතු කරමින්, අර්බුදකාරී අවස්ථාවේදී යම් විසඳුමක් ලබා ගැනීම සඳහා ඔවුන්ගේ පැත්තෙන් ලබාගත යුතු සහයෝගය ලබා ගන්න විවෘතව කටයුතු කරන්න අපි සූදානම්. ඇත්තටම අද සිදු වී තිබෙන්නේ අයිඑම්එෆ් එකේ ව්‍යාපෘතිය රනිල් වික්‍රමසිංහගේ දේශපාලන ව්‍යාපෘතියේ කොටසක් කර ගැනීමයි. නමුත්, මේ දක්වා විදේශ ණය ප්‍රතිව්‍යුහගත කර ගැනීම සාර්ථක කර ගන්නවත් ආණ්ඩුව සමත් වී නැහැ. ඒ නිසා රනිල්ට බැහැ කියන එක පැහැදිලියි. තව දවස් විසි ගණනකින් රටේ ජනතාවත් ඔහුට ඒ බව කියා දේවි.
ප්‍රශ්නය: රාජ්‍ය නිලධාරියකු වන මහ බැංකුවේ අධිපති, නන්දලාල් වීරසිංහ මහතා ප්‍රකාශ කර තිබෙනවා, අත්සන් කර තිබෙන ගිවිසුම් සාකච්ඡා මඟින් සංශෝධනය කරන්න බෑ, එවැනි උත්සාහයක් දැරුවොත්, නැවත ගොඩගත නොහැකි සේ රට වැටෙනවා කියලා. ඒ සම්බන්ධයෙන් පැහැදිලි කරන්න.
පිළිතුර: මහ බැංකු අධිපතිවරයා ආචාර්යවරයෙක් හැටියටත්, විෂයය දන්නා කෙනෙක් හැටියටත් දේශපාලනඥයන්ට අවශ්‍ය ආකාරයෙන් ප්‍රකාශ කරන්න තමන්ගේ දැනුම යොදා ගැනීම ගැන ඔහු වගකියන්න ඕනෑ. මහ බැංකු අධිපතිවරයා සමහර ප්‍රකාශ සිදු කරන්නේ ඔහුගේ වුවමනාවට වඩා රනිල් වික්‍රමසිංහගේ වුවමනාවට බව පැහැදිලියි. එවැනි මහ බැංකු අධිපතිවරු අතීතයෙත් සිටියා. එක් මහ බැංකු අධිපතිවරයෙක් ශ්‍රේෂ්ඨාධිකරණය ඉදිරියේ රට බංකොලොත් කිරීමේ වැරදිකරුවකු ලෙසත් තීන්දු කර තිබෙනවා. ලෝකයේ ඕනෑම රටක ගිවිසුම් සම්බන්ධයෙන් සාකච්ඡා කිරීමේ අවස්ථාව තිබෙනවා. මෙයට මාස දෙකකට පෙර මූල්‍ය අරමුදල ප්‍රසිද්ධ මාධ්‍ය සාකච්ඡාවක දී කළ ප්‍රකාශය නැවත අරගෙන බලන්න.
(-රට අනුරට – කලාකරුවන්ගේ එකමුතුව – මාධ්‍ය හමුව – 2024.08.28-) අද අපේ රටේ දේශපාලනය තීරණාත්මක වෙනසක් ඉල්ලා සිටිමින්, ඒ වෙනුවෙන් රට පුරාම ජනතාව පෙළගැසී සිටිනවා. වෙනසක් පිළිබඳ අදහසක් සමාජය තුළ තිබී, ඊට පසු අපේක‍ෂාවක් බවට පත්ව දැන් එය අධිෂ්ඨානයක් බවට පත් වී තිඛෙනවා. —අපි මේ වෙනස කරනවා˜ කියන අධිෂ්ඨානයෙන් රට පුරා බහුතර ජනතාව ප්‍රකාශ කරමින් […]
(-රට අනුරට – කලාකරුවන්ගේ එකමුතුව – මාධ්‍ය හමුව – 2024.08.28-)
අද අපේ රටේ දේශපාලනය තීරණාත්මක වෙනසක් ඉල්ලා සිටිමින්, ඒ වෙනුවෙන් රට පුරාම ජනතාව පෙළගැසී සිටිනවා. වෙනසක් පිළිබඳ අදහසක් සමාජය තුළ තිබී, ඊට පසු අපේක‍ෂාවක් බවට පත්ව දැන් එය අධිෂ්ඨානයක් බවට පත් වී තිඛෙනවා. —අපි මේ වෙනස කරනවා˜ කියන අධිෂ්ඨානයෙන් රට පුරා බහුතර ජනතාව ප්‍රකාශ කරමින් සිටිනවා. එවැනි ජනතාවකගේ අධිෂ්ඨානය සම`ග කි්‍රයාකාරීව විවිධ කලා ෙක‍ෂ්ත්‍රවල නියැළී ඉදිරියෙන්ම සිටින කලාකරුවන් ද බහුතරයක් දෙනා එක් වී කි්‍රයා කරනවා. දේශපාලන, ආර්ථීක, සමාජ පරිවර්තනයක් සේම සංස්කෘතික සහ ආධ්‍යාත්මික පරිවර්තනයක් වෙනුවෙන් පෙළගැසෙමින් සිටිනවා. අපේ මේ මාධ්‍ය සාකච්ඡාව ඒ අධිෂ්ඨානයේ එක පියවරක්. සැප්තැම්බර් 21 වැනිදා අනුර සහෝදරයාට ඡන්දය ප්‍රකාශ කිරීමෙන් පමණක් මේ වෙනස ඇති කර ගන්න බැහැ. දේශපාලන වෙනසක් සහ ආර්ථීක වෙනසක් සිදු කර ගත්ත ද, සමාජ – සංස්කෘතික වෙනසක් වෙනුවෙන් ප්‍රබුද්ධ කි්‍රයාකාරිකයන් ඒ වෙනුවෙන් මැදිහත් වෙන්න ඕනෑ. එම පිරිස පෙළගැස්වීමේ එක පියවරක් හැටියට කලාකරුවන් මේ මාධ්‍ය හමුව පවත්වනවා. මේ රටේ දේශපාලන බලය ප්‍රභූ පැලැන්තිය අතින් නියත වශයෙන්ම අනුර කුමාර සහෝදරයා ප්‍රමුඛ ජනතාව වෙත මාරු වෙනවා. මනුෂ්‍යයාට කෑම, බීම පමණක් නොව දියුණු සංස්කෘතික ජීවිතයක් අවශ්‍ය වෙනවා. නමුත්, මෙතෙක් සිටි පාලකයන් ඒ කෙරෙහි කිසිදු සැලැකිල්ලක් දක්වා නැහැ. නමුත්, 21 වැනිදා බලයට පත් කර ගන්නා අනුර දිසානායක සහෝදරයා ප්‍රමුඛ මාලිමා රජයකින් දියුණු, පොහොසත් සංස්කෘතික ජීවිතයක් වෙනුවෙන් අපි සියලූම දෙනා එක් වී කටයුතු කරනවා.
“ජනතාවගේ කඩාවැටී ඇති ජීවිත ගොඩ ගෙන නව ජීවනයක් සහ පුනරුදයක් ඇති කිරීම වෙනුවෙන් අප සියලූ දෙනා පෙළගැසී සිටිනවා”
-ප්‍රවීණ රංගන ශිල්පී, බුද්ධදාස විතානාරච්චි-
මෙයට වසර 42කට එපිට සිට මේ රටට ජනාධිපතිවරු පත් කර ගත්තා. නමුත්, ඒ කාලය තුළ කලා, සංස්කෘතික ජීවිතයේ ලබාගෙන තිඛෙන ප්‍රගතිය මොකක් ද කියන ප්‍රශ්නය පැනනගිනවා. එදා සිට මේ දක්වා සමාජ - සංස්කෘතික ජීවිතයේ වර්ධනයක් වෙනුවට පිරිහීමක් තිඛෙන බවයි අපි ජීවිතයෙන් අත්විඳින්නේ. සිනමාව, ගුවන්විදුලිය, රූපවාහිනිය සහ අනෙකුත් සෞන්දර්යාත්මක සියලූ විෂයයන්ට කණකොකා හඬලා තිඛෙනවා. ඒ සියලූ ක්ෂේත්ර පරාභවයට ගොදුරු වී ඇති බව පැහැදිලියි. විශේෂයෙන්ම හැත්තෑව දශකයේ දී සියලූම සාහිත්‍ය, කලා මාධ්‍යයන් අදට වඩා ප්‍රශස්ත, දියුණු මට්ටමක තිබූ බව අපි කවුරුත් දන්නවා. ඒ නිසා 21 වැනිදා පවත්වන ජනාධිපතිවරණයෙන් අනුර කුමාර සහෝදරයා ජනාධිපති ලෙස තෝරා පත්කරගෙන ප්‍රතිපත්තියක් ලෙස කලා, සංස්කෘතික ජීවිතය දියුණු කිරීම වෙනුවෙන් කි්‍රයා කරන බව ස්ථීරයි. ඒ නිසා අපි සියලූ දෙනාගේ දායකත්වය, කි්‍රයාකාරී මැදිහත් වීම සහ දැඩි අධිෂ්ඨානයකින් කැප වී කි්‍රයා කරනවා. ජනතාවගේ ජීවිත කඩාවැටී ඇති තත්ත්වයෙන් ගොඩ ගෙන නව ජීවනයක්, නව ලෝකයක් සහ පුනරුදයක් ඇති කිරීමේ අවශ්‍යතාව සියලූ දෙනාට තිඛෙනවා. ඒ සියලූ ජනතාව සමග අපි අත්වැල් බැඳගෙන කි්‍රයා කරන බව ස්ථීර වශයෙන් ප්‍රකාශ කරනවා.
“කලාකරුවන් ජාතික ජන බලවේගය වටා එක් වී සිටින්නේ ගැඹුරු මානවීය අර්ථයක් ප්‍රමුදිත කරවන්න”
-ප්‍රවීණ රංගන ශිල්පී, මහාචාර්ය සෞම්‍ය ලියනගේ-
ජාතික ජන බලවේගය නියෝජනය කරන කලාකරුවන් හැටියට අපි පෙළගැසී සිටින්නේ හුදු පරණ අදහසක් මුදුන්පමුණුවා ගන්න නොවෙයි. කලාවෙන් මිනිසාගේ සහකම්පනය දියුණු කරන බව අපි දන්නවා. නමුත්, නිර්මාණ කලාව තුළින් ඊට වඩා ගැඹුරු ජීවන දර්ශනයක් සහ මානව වටිනාකම් විශාල ප්‍රමාණයක් වර්ධනය කර ගන්න ඉවහල් වන බව පර්යේෂණවලිනුත් සනාථ වී තිඛෙනවා. සිනමාව, රූපවාහිනිය ඇතුළු කලා මාධ්‍යයන් රටකට වැදගත් වන්නේ මිනිසුන් හුදෙක් සන්තර්පණය කරවන්න පමණක් නොවෙයි. සෞන්දර්ය රසවින්දනය අවශ්‍ය බව අප පිළිගන්නා අතරම ඊට එහා ගිය මානව වර්ධනය සඳහා අත්‍යවශ්‍ය සාධකයක්. කලාකරුවන් ජාතික ජන බලවේගය වටා එක් වී සිටින්නේ ගැඹුරු මානවීය අර්ථයක් ප්‍රමුදිත කරවන අභිප්‍රායයෙන්. මෙතෙක් බලයට පත් වුණු කිසිදු රජයක් මෙවැනි ගැඹුරු අදහසකින් කලා, සංස්කෘතික ක්ෂේත්රය පිළිබඳව පරිකල්පනයක් තිබූ බව අපට කිසිසේත් ම පිළිගන්න බැහැ. එවැනි කි්‍රයාමාර්ග අපි දැකලා හෝ අහලා හෝ නැහැ. ජාතික ජන බලවේගය ප්‍රකාශ කර ඇති පරිදි මේ රටේ පුනරුදයක් ඇති කිරීමට කලා, සංස්කෘතික ෙක‍ෂ්ත්‍රය වර්ධනය සහ යහපැවැත්ම අත්‍යවශ්‍යයි. පුනරුදයේ මිනිසා බිහි වෙන්න නම්, ගැහැනුන් සහ පිරිමින් ගැඹුරු පරිවර්තනයකට ලක් විය යුතුයි. එය කෙටි කාලයක දී සිදු කළ නොහැකියි. දිගුකාලීන වැඩසටහනක් සහිතව ඒ වෙනුවෙන් සැදීපැහැදී සිටින එකම දේශපාලන ව්‍යාපාරය ජාතික ජන බලවේගය පමණයි. විස්තීර්ණ කලාකරුවන් විශාල ප්‍රමාණයක් ජාතික ජන බලවේගය වටා ඒකරාශී වී සිටින්නේ තම තමන්ගේ පෞද්ගලික, බොළඳ අභිලාෂයන් සාක‍ෂාත් කර ගන්න නොවෙයි. ගැඹුරු සමාජ, සංස්කෘතික, දේශපාලන විපරිවර්තනයක් වෙනුවෙන් අපේ මේ ව්‍යායාමය කැප කර තිඛෙනවා. මනුෂ්‍යයා තුළ සමාජ, දේශපාලනික සවිඥානිකත්වය තිබුණු ප්‍රමාණය පවා දශක ගණාවක් තිස්සේ මරා දැම්මා. නමුත්, කලා, සංස්කෘතික ෙක‍ෂ්ත්‍රයට මනුෂ්‍යයා විෂයයේ දී සමාජ, දේශපාලනික සවිඥානිකත්වයක් මෙන්ම මනුෂ්‍ය ප්‍රකාශනයක් ලෙසත් ප්‍රබලත්වයකින් යුක්ත වෙනවා. ඒ වාගේම අන්තගාමී හැගීම්වලට ප්‍රතිපක‍ෂව නැගීසිටීමට අවබෝධය ලබා දෙන්නෙත් කලා, සාහිත්‍යය තුළිනුයි. අධිකාරී ව්‍යුහයන්ට විරුද්ධව නැගීසිටීමත් ආරම්භ කරන්නේ කලාවෙන්. එවැනි ගැඹුරු පරිවර්තනයන් සිදු කර ගන්න ජාතික ජන බලවේගයට හැකියාව තිඛෙන බව අපට විශ්වාසයි.
“සමාජ සබඳතා පිරිහෙන විට, කඩාවැටෙන විට සමාජය වෙනුවෙන් කලාකරුවාගේ මැදිහත් වීම විශේෂයෙන් අවශ්‍ය වෙනවා”
-සෞන්දර්ය කලා විශ්වවිද්‍යාලයේ නර්තන හා නාට්‍ය කලා පීඨයේ මහාචාර්ය මංගල සේනානායක-
ශී්‍ර ලංකාවේ සියලූම දෙනාට මේ අවස්ථාව ඉතා සුවිශේෂී අවස්ථාවක්. මගේ ජීවිත කාලය තුළ මේ වාගේ මැතිවරණ අවස්ථා ගණනාවකට මුහුණ දී තිඛෙනවා. ඒ සියල්ලටම වඩා මේ මැතිවරණය අනාගත පරපුර වෙනුවෙන් සුවිශේෂී සන්ධිස්ථානයක් වී තිඛෙනවා. පුද්ගලයකුට විවිධ සම්බන්ධතා තුනක් තිඛෙන බව බර්ට්‍රන්ඩ් රසල් පඩිවරයා කියා තිඛෙනවා. තමන් තමන් සමග තිඛෙන සබඳතාව, තමන් අනෙකුත් සමග තිඛෙන සම්බන්ධතාව සහ තමන් පරිසරය සහ සමාජ සොබාදහම සමග පවතින සම්බන්ධතාව. මේ සබඳතා පිරිහෙන විට, කඩාවැටෙන විට කලාකරුවාගේ මැදිහත් වීම විශේෂයෙන් අවශ්‍ය වෙනවා. නමුත්, අද වෙන කොට අපේ රටේ කලාකරුවාත් මේ ඛේදවාචකයේ ගොදුරු බවට පත් වී සිටිනවා. නමුත්, ජාතික ජන බලවේගය ප්‍රතිපත්ති ප්‍රකාශනය එළිදක්වා රටේ සියලූම දෙනාට සැලැසුම්සහගතව අනාගතය ගැන ස්ථාවරත්වයක් ඇති කරගත හැකි බව සනාථ කර තිඛෙනවා. ඒ නිසා කලාකරුවන් හැටියට අප සියලූ දෙනා කිසිදු පෞද්ගලික බලාපොරොත්තුවකින් තොරව උපරිම දායකත්වය ලබා දෙනවා. අපි බලාපොරාත්තු වෙන්නේ මේ රටේ අනාගතය යහපත් කරන්නයි. විශේෂයෙන්ම මේ අවස්ථාව පිළිබඳව තරුණ පරම්පරාව ගැඹුරින් සලකා බැලිය යුතු වෙනවා. අනුර කුමාර සහෝදරයාගේ ජයග්‍රහණය මේ රට සහ අනාගතය සම්බන්ධයෙන් සුවිශේෂී කඩඉමක් වෙනවා. ඒ ජයග්‍රහණය වෙනුවෙන් අපි සියලූම දෙනා එක් වී කටයුතු කිරීම අවශ්‍ය බව අවධාරණය කරනවා.
“අපේ එදිනෙදා ජීවිතය තුළ මනුෂ්‍යත්වයේ වෙනසක් දැකිය හැකි වන්නේ අපට පැවරී තිඛෙන දේශපාලන වගකීම ඉටු කිරීමෙන් පමණයි”
-රංගන ශිල්පිනී ගම්‍යා විජේදාස-
මේ රටේ ඓතිහාසික වෙනසක් අපේක‍ෂා කරන කලාකරුවන් ජාතික ජන බලවේගය වටා එක් වී සිටිනවා. ඒ අය නියෝජනය කරමින්, සුළු පිරිසක් මේ අවස්ථාවට එක් වෙනවා. මෙතෙක් කල් තිබුණු ක්‍රමය වෙනස් කරලා ජනතාවාදී පාලනයක් පිහිටුවන්න අපි සියලූ දෙනාත් මැදිහත් වෙනවා. ආර්ථීක කඩාවැටීම ගැන මෑතක දී කතා කළත්, කලාව සහ සෞන්දර්යය තුළ කඩාවැටීම දශක ගණනාවක් පුරා සිදු වෙමින් පවතිනවා. ජනතාවගේ ආධ්‍යාත්මික වෙනසක් ඇති කරන්න නම්, සැප්තැම්බර් මාසයේ 21 වැනිදා ඡන්දය ලබා දීම පමණක් ප්‍රමාණවත් මඳි. අපි කරන කලාව තුළින් තව විශාල මෙහෙවරක් සිදු කළ යුතු වෙනවා. ඒ වාගේම එයින් බාහිරව සිදු කරන මැදිහත් වීමෙන් තමයි, අපේ එදිනෙදා ජීවිතය තුළ, මනුෂ්‍යත්වය තුළ වෙනසක් දැකිය හැකි වන්නේ. අන්න ඒ වෙනුවෙන් විශාල මෙහෙවරක් සිදු කිරීමේ වගකීම අපට තිඛෙනවා. ඒ දේශපාලන වගකීම ඉටු කිරීමෙන් පමණයි අපගේ ජීවිතවල ඇත්ත මනුෂ්‍යත්වයක් ඇති කරගත හැක්කේ.
“වෙන විකල්පයක් නැහැ, මේ පාර වරද්දා ගත්තොත්, කල්පනා කරන්න දෙයක් ඉතිරි වෙන්නෙත් නැහැ.”
-පිටපත් රචක සහ රංගන ශිල්පී, කළණ ගුණසේකර-
අසූව දශකයේ ඉපැදිලා දශක හතරක් පුරා විවිධ පුද්ගලයන්ගේ බොරු පොරොන්දු, දේශපාලනිකව රට නන්නත්තාර කළ ආකාරය, වෙනත් රටවලට ණය වුණු ආකාරය සහ රට කඩාවැටුණු ආකාරය බලාගෙන ඉඳලා තව දුරටත් මේ සියල්ල දරාගෙන ඉන්න බැරි වේදනාවක් තිඛෙන පුරවැසියෙක් මම. මේ පාර තියෙන්නේ ඡන්දයක් නොවෙයි, ශ්‍රී ලාංකිකයන්ගේ බුද්ධි පරීක‍ෂාවක් කියලා මම හිතනවා. යම් කිසි මධ්‍යම පාන්තික හීනමානයක් නඩත්තු කරන හෝ අතිශයින්ම දරිද්‍රතාවේ ගිලී කුමන හෝ වාසියක් අරභයා තමන්ගේ ජීවිත ගැන පමණක් සිතන සීමිත පිරිසක් ඉන්නවා. මේ රට මේ තාක් විනාශ කළ පිරිස වටා මේ පිරිස් දෙකම එකතු වී සිටිනවා. ඒ වාගේම මෙතෙක් රට විනාශ කළ පිරිසම කණ්ඩායම් තුන, හතරකට ඛෙදී නැවත මේ රට අමාරුවේ දාන්න සූදානම් පිරිසක් ඉන්නවා. එයට එරෙහිව බුද්ධිමත්ව කල්පනා කර බලා මේ රටට විකල්පයක් ගොඩනැගිය හැකියි කියන අවබෝධයෙන් කටයුතු කරන පිරිසක් අනෙක් පැත්තේ ඉන්නවා. තව දුරටත් මේ කෙබරවලට අහු වෙලා යන ගමන මෙතැනින් නතර කළ යුතුයි කියලා මම විශ්වාස කරනවා. මගේ පරම්පරාවටත්, මගෙන් පසු පරම්පරාවටත් මම විශේෂ දෙයක් අවධාරණය කරනවා. මේ සෙල්ලම නැටුවා ඇති. අවුරුදු හැත්තෑ ගණනක් සිදු කළ රැවටීමෙන් මිදෙන්න අපේ පරම්පරාව එකතු වී හරි තීරණයක් අරගෙන අපි මේක අවසන් කරන්න ඕනෑ. මේ රට දියුණු කරන්න ඕනෑ. අනුර කුමාර දිසානායක කියන්නේ තව දුරටත් එක පුද්ගලයෙක් ලෙස මම දකින්නේ නැහැ. ඔහු යම් කිසි ක්‍රමවේදයක්, රට ගොඩනැගිය හැකි සැලැස්මක් ලෙසයි මම දකින්නේ. අපි ඒ ආදර්ශය නිවැරැදිව ලබා දී දකුණු ආසියාවටම නව දේශපාලනයක් හඳුන්වා දීමේ හැකියාව ලබාගත හැකියි. වෙන විකල්පයක් නැහැ, මේ පාර වරද්දා ගත්තොත්, කල්පනා කරන්න දෙයක් ඉතිරි වෙන්නෙත් නැහැ. අවුරුදු හැත්තෑහය අසූඑකක් නොකර මේ ශාපය මෙතැනින් ඉවර කරන්න අපි ඔක්කොම එකට එකතු වෙමු, අනුරව මේ රටේ නායකත්වයට පත් කර ගනිමු.
“මේ විදියට අවුරුදු හැත්තෑහයක් යන්න ඇරලා, දැන් අපි විශාල අමාරුවක වැටිලා ඉන්නවා”
-ටෙලිනාට්‍ය හා චිත්‍රපට සහාය අධ්‍යක‍ෂ, සරත් සේනාරත්න-
මම කි්‍රයා කරන්නේ චිත්‍රපට සහ ටෙලිනාට්‍යවල තිරය පිටුපස සිටිමින්. විවිධ වෘත්තීය නම් තිඛෙන බොහෝ පිරිසක් ඒ පිටුපස සිටිනවා. අධ්‍යක‍ෂවරුන්, නිෂ්පාදකවරුන්, සංගීත අධ්‍යක‍ෂවරුන්, කැමරා ශිල්පීන්, සංස්කරණ ශිල්පීන්, ගායක, ගායිකාවන්, වාදන ශිල්පීන්, නිෂ්පාදන කළමනාකරුවන්, කලා අධ්‍යක‍ෂවරුන්, අංගරචනා ශිල්පීන්, සහාය අධ්‍යක‍ෂවරුන්, නිෂ්පාදන සහායකවරුන් ආදී වශයෙන් ටී බෝයි දක්වා විශාල පිරිසක් සිටිනවා. මේ කණ්ඩායම ලංකා ඉතිහාසයේ කිසිම දවසක දේශපාලනයට සම්බන්ධ වුණේ නැහැ. හැමෝම හිතුවේ, මේ යන විදියට ගියාවේ, දේශපාලනයට සම්බන්ධ වුණා කියලා ගන්න දෙයක් හෝ ලැඛෙන්න දෙයක් නැහැ කියලයි. මේ විදියට අවුරුදු හැත්තෑහයක් යන්න ඇරලා, දැන් අපි විශාල අමාරුවක වැටිලා ඉන්නවා. චිත්‍රපටයක් හදන්න යන වියදම මෙයට අවුරුදු පහ, හයකට පෙර ගිය වියදම වාගේ තුන්ගුණයකින් විතර වැඩි වී තිඛෙනවා. නමුත්, තිරය පිටුපස සිටින විශාල කණ්ඩායම සහ ඔවුන්ගේ පවුල්වල උදවිය රැකෙන්න නම්, නිර්මාණයට ගිය වියදම වාගේ තුන්ගුණයකවත් ආදායමක් ලැඛෙන්න ඕනෑ. නමුත්, දැන් එහෙම වෙන්නේ නැහැ. එහෙම නම්, අපි කොහොම ද පවතින අර්බුදයට මුහුණ දෙන්නේ කියන ප්‍රශ්නය තිරය පිටුපස සිටින අප සියලූ දෙනාට ආවා. ඒ අනුව ආර්ථීක, දේශපාලන, සංස්කෘතික වශයෙන් වගකියන පුද්ගලයන් වෙත දේශපාලන බලය ලබා දිය යුතු බව අපට පැහැදිලි වුණා. ඒ වෙනුවෙන් සිටින එකම බලවේගය ජාතික ජන බලවේගය පමණක් බව රටේ සාතිශය බහුතර ජනතාවට වාගේම කලාකරුවන්ටත් දැනෙන්න පටන් ගත්තා. ඒ නිසා මෙතැන නැති විශාල කලාකරුවන් පිරිසක් ජාතික ජන බලවේගය වටා ඒකරාශී වී සිටිනවා. සිනමා සහ ටෙලිනාට්‍ය තිරය පිටුපස සිටින සියලූ දෙනාගේ ජීවිතවල වාගේම සමස්තයක් ලෙස රටේ අනාගතයත් අනුර දිසානායක සහෝදරයා ප්‍රමුඛ ජාතික ජන බලවේගයට ලබා දිය යුතු බව ස්ථීරවම අවබෝධ කරගෙන සිටිනවා.
“අපේ රටට ලේ, කඳුළු වුවමනා නැහැ කියන දේශපාලන ස්ථාවරය සමඟ මට හිටගන්න පුළුවන් ජාතික ජන බලවේගය එක්ක විතරයි”
-ප්‍රවීණ ලේඛිකා ශාන්ති දිසානායක-
කලාකරුවන් දේශපාලන පක‍ෂයක් වෙනුවෙන් පෙනීසිටින එක සුදුසු නැති බවට අදහසක් තිඛෙනවා. රටක් යහපත් තත්ත්වයෙන් තිඛෙනවා නම්, අපට අපේ කලාව කරගෙන පාඩුවේ ඉන්න පුළුවන්. අපි ජීවත් වෙන්නේ ඒ විදියේ යහපත් රටක නොවෙයි. මට අවුරුදු තුනක් පමණ වූ පුංචි කාලයේ අපේ කඩේට චේගුවේරාකාරයෝ හොයාගෙන ආව හැටි මතකයි. ඊට පස්සේ 1977 මහා මැතිවරණයෙන් පසුව ලංකාව පුරාම මැතිවරණ ප්‍රචණ්ඩ කි්‍රයා සිදු කරමින්, මිනිස් ඝාතන ඇති කළා. ජයග්‍රහණය භුක්ති වින්දේ ඒ ආකාරයෙන්. ඒ කාලයේ ශී්‍ර ලංකා නිදහස් පාක‍ෂිකයකු වූ මගේ තාත්තා ඒ ප්‍රචණ්ඩත්වයට හොඳටම මුහුණ දුන්නා. මේ අත්දැකීම් කටුක වුවත්, දේශපාලන අනුරාගය පුංචි කාලයේ ඉඳලා ම මා තුළ තිඛෙනවා. 1988-1989 කාලයේ හිටි රජයේ ඝාතක කල්ලියක් විසින් මගේ තාත්තා පැහැරගෙන ගියා. තාත්තාගේ ජීවිතය බේරා ගන්න පුළුවන් වුණත්, මම දිගට ම දැක්කේ දේශපාලනය නිසා මුළු රටක් පීඩාවට පත් වන ආකාරයයි. මීට වඩා යහපත් රටක් වෙනුවෙන් අපි හැමදාම හීන දැක්කා. දේශපාලනය කියන්නේ තමන්ගේ විරුද්ධවාදියා මර්දනය ද කියන ප්‍රශ්නය ඇති වෙනවා. නමුත්, වඩා යුක්තිසහගත රටක් වෙනුවෙන් එකතු වූ, නැගීසිිටි අපේ තාරුණ්‍යය අවස්ථා දෙකක දී ම ම්ලේච්ඡ විදියට සංහාරයකට ලක් කළා. මේ පුංචි දූපත සීමාවක් නැතිව ලෙයින්, කඳුළින් තෙත් කළා. සාහිත්‍යවේදිනියක් විදියට මගේ බලාපොරොත්තුව තව දුරටත් අපේ රටට ලේ, කඳුළු වුවමනා නැහැ කියන එකයි. එතැන දී මට හිටගන්න පුළුවන් සහ පෙනීසිටින්න පුළුවන් ජාතික ජන බලවේගය එක්ක විතරයි. යුක්තිගරුක, නිදහස්, නිවහල් පුරවැසියෙක් නිර්මාණය කරන්න පදනම තිඛෙන්නේ සහ අවශ්‍යතාව තිඛෙන්නේ ජාතික ජන බලවේගයට පමණයි කියන විශ්වාසය මට තිඛෙනවා. අවුරුදු හැත්තෑහයක් පවුල් කිහිපයකට උරුම වෙලා තිබුණු දේශපාලන බලය අපේ තරුණ පිරිසට පවරන්න ඕනෑ. ජාතික ජන බලවේගය එක්ක එකතු වී සිටින තරුණ පිරිසට මේ තරම් මඩ ගහන්නේ, අවලාද නගන්නේ ජාතික දේහය විනාශ කරන්න ඉඩ නොලැඛෙන මෙතෙක් පාලනය කළ පිරිසගෙන්. මගේ සාහිත්‍ය කලාව තුළින් පොදු ජනතාවගේ හදගැස්ම නියෝජනය කරන දේශපාලනය දිගට ම කරගෙන යනවා.
නමුත්, මේ අවස්ථාවේ පෑන පැත්තකින් තියලා, සමාජ පරිවර්තනය වෙනුවෙන් සෘජුව පෙනීසිටින්න අපට සිදු වී තිඛෙනවා. මගේ මේ පෙනීසිටීම හෘදයසාක‍ෂියට එකඟව ඉතාම ආදරයෙන් සහ ආශාවෙන් සිදු කරනවා.
“අවබෝධය සහිතව අප සමඟ එක් වන ලෙස ගෞරවනීය පුරවැසියන්ගෙන් ඉල්ලා සිටිනවා”
-රංගන ශිල්පිනී, නිපුණා ශාරදා පතිරගේ-
රටක් විදියට අප ඉන්නේ හරිම තීරණාත්මක මොහොතක. කලා ශිල්පීන් ලෙස අපි සියලූ දෙනාම එක් වී සිටින්නේ හුදෙක් ආණ්ඩුවක් මාරු කර ගැනීමට හෝ පාලකයෙක් පත් කර ගැනීමට නොවේ. නව ප්‍රතිපත්තියක් වෙනුවෙන් අපි එකග වී සිටින්නේ. රටක් දියුණු වෙන්න නම්, ආණ්ඩුවක් හෝ පාලකයෙක් මාරුවීම පමණක් නොවෙයි, රටක නීති, වැඩපිළිවෙළක් සහ කි්‍රයාමාර්ග තිඛෙන්න ඕනෑ. නීති, ප්‍රතිපත්ති තිබුණත්, ඒවා කි්‍රයාත්මක වෙන්නේ සමාජය වෙනුවෙන්. එහෙම නම්, සමාජයක් ලෙස අපි වෙනස් වෙන්නේ නැත්නම්, රටක අනාගතය යහපත් වෙන්නේ නැහැ. බර්ටෝල්ට් බ්‍රෙෂ්ට් කියන ආකාරයට අපි දැන් ඉන්නේ නව මහජනතාවක් පත් කර ගැනීමේ දෘෂ්ටිවාදීමය වෙනසක් කරගත යුතු පසුබිමකයි. ඒ මතවාදී, දෘෂ්ටිවාදී වෙනස කරන්න කලාකරුවන් හැටියට අපට ලොකු හැකියාවක් තිඛෙනවා. මිනිසුන්ට කවි ලියන්නේ, පොත් ලියන්නේ, නාට්‍ය කරන්නේ, ගීත ගයන්නේ, සිනමා කෘති නිපදවන්නේ, චිත්‍ර අඳින්නේ අපි. එහෙම නම්, නව සමාජයක් ඇති කර ගැනීමේ කාර්යභාරයේ විශාල වගකීමක් අපට පැවරී තිඛෙනවා. මම ඉතා ගෞරවයෙන් අනෙකුත් කලා ශිල්පීන්ට ආරාධනා කරනවා නව ප්‍රතිපත්තිමය වෙනස සඳහා එකතු වන්න කියලා. කවුරුහරි කියන නිසා රැල්ලට, එහෙම නැත්නම්, පුරුද්දට හෝ මොකුත් නොතේරෙන නිසා ඡන්දය දීමෙන් වැළැකී සිටීම එහෙමත් නැත්නම්, ඡන්දය කුරුටු ගෑම වැනි සංස්කෘතීන් අපි වෙනස් කරන්න ඕනෑ. සැප්තැම්බර් අට වැනිදා ජාතික ජන බලවේගයේ කලා හා සංස්කෘතික ප්‍රතිපත්තිය එළිදක්වනවා. එය හොඳින් කියවා, වටහාගෙන අපත් සමග එකතු වන්න ගෞරවයෙන් ආරාධනා කරනවා. මොන වාගේ රටක් වෙනුවෙන් ද, මොන වාගේ කලා, සංස්කෘතික ජීවිතයක් වෙනුවෙන් ද ඒ ප්‍රතිපත්ති සකස් කර තිඛෙන්නේ කියලා අවබෝධ කර ගන්න. ඒ අවබෝධය සහිතව අප සමඟ එක් වන ලෙස ගෞරවනීය පුරවැසියන්ගෙන් ඉල්ලා සිටිනවා.
“සියලූ දෙනා ඉතාමත් අධිෂ්ඨානශීලීව සැප්තැම්බර් 21 වැනිදා මහා සමාජ පරිවර්තනයක් කරන්න දායක වෙනවා”
-සබරගමුව විශ්වවිද්‍යාලයේ මහාචාර්ය හිනිදුම සුනිල් සෙනෙවි-
ජාතික ජන බලවේගය වෙනුවෙන් ලංකාවේ අතිවිශිෂ්ට කලාකරුවන්, කලාකාරිනියන් රාශියක් මෙතැනට එකතු වී තමන්ගේ අදහස නිරවුල්ව පැවසූවා. පුරවැසියන් හැටියට අප මුහුණ දී සිටින ඉතාමත් ඛේදනීය තත්ත්වය අපේ සංස්කෘතික ජීවිතය ඔසොවා තැබීමකින් තොරව පියමං කරන්න බැහැ. ආර්ථීකය පමණක් නගාසිටුවීම ගැන කතා කරන රටක අනාගතයක් නැහැ. මෙතැනට සම්බන්ධ වී නැති තව සිය ගණනක් කලාකරුවන් තමයි, අපේ සංස්කෘතික ජීවිතය ඔසොවා තැබුවේ. අපේ ඇසට කඳුළක්, ජීවිතවලට තෙතමනයක් ගෙන ආවේ ඔවුන්. අද ඒ සියල්ල බිඳවැටිලා. මේ සියලූ දෙනා ඉතාමත් අධිෂ්ඨානශීලීව සැප්තැම්බර් 21 වැනිදා මහා සමාජ පරිවර්තනයක් කරන්න දායක වෙන්නේ ඒ නිසයි. මෙතැනට රැස් වී සිටින පිරිස පළ කළ අදහස්, සංඥාව රටේ බහුතරයක් ප්‍රජාව පිළිගනීවි කියලා අපි විශ්වාස කරනවා. එය බරපතළ ඉල්ලා සිටීමක්. ජාතික ජන බලවේගය සමග මේ පිරිස එක් වී ඉන්නේ කිසිදු පෞද්ගලික වරදානයක් බලාපොරොත්තුවෙන් නොවෙයි. උසස් රටක්, උදාර සංස්කෘතික ජීවිතයක්, සහකම්පනය සහිත පුරවැසියන් බිහි කිරීම වෙනුවෙන් දායකත්වය දෙන්න කියලා පමණයි ජාතික ජන බලවේගය අපෙන් ඉල්ලා සිටියේ. රාජගිරිය, තැප්‍රොබේන් උත්සව ශාලාවේ දී ජාතික ජන බලවේගයේ කලා, සංස්කෘතික ප්‍රතිපත්තිය එළිදැක්වීම සැප්තැම්බර් 08 සවස 7.00ට යොදාගෙන තිඛෙනවා. ප්‍රතිපත්ති ප්‍රකාශනය එළිදැක්වීමෙන් පසුව හොඳ සංවාදයක් ඇති වන බව අපට විශ්වාසයි.
මාධ්‍යවේදීන් නැගූ ප්‍රශ්නවලට පිළිතුරු දෙමින් :
ප්‍රශ්නය: මෙතැනට පැමිණ නැති ලංකාවේ විවිධ කලා ක්ෂේත්‍රවල බොහොමයක් දෙනා ඉන්නවා. ඔවුන්ට ඔබතුමන්ලා ආරාධනා කර තිඛෙනවා ද? ඔවුන් දරන්නේ මොන වාගේ මතයක් ද?
කලාවට සම්බන්ධ බොහෝ දෙනෙක් ක්ෂේත්රයේ ඉන්නවා වාගේම ඔවුන්ට විවිධ දේශපාලන මතිමතාන්තර තිඛෙනවා. දේශපාලන පක‍ෂවලටත් ඒ අයගේ හිතවත්කම් තිඛෙනවා. නමුත්, උද්ගත වී තිඛෙන තත්ත්වය පිළිබඳව වඩා හොඳින් අවබෝධයක් ලබා ගත් පිරිසක් මේ අවස්ථාවේ මෙම ස්ථානයට පැමිණ සිටිනවා. පසුගිය දශක කිහිපය තුළ කලාවේ පරිහානියට හේතු වූ කරුණු අවබෝධ කර ගත් ජන ජීවිතය බිඳවැටි ඇති ආකාරය මැනැවින් තේරුම් ගත් පිරිසගෙන් කොටසක් මේ අවස්ථාවට එක් වී සිටිනවා. අනෙකුත් කලාකරුවන් සමගත් අපගේ යම් සංවාදයක් තිඛෙනවා. ඒ අයත් සුබවාදීව මේ වෙනුවෙන් දායක වෙන්න සූදානමින් සිටින බව දැනෙනවා.
ප්‍රශ්නය: මෙයට පෙර තිබුණු මැතිවරණවල දී ඉදිරිපත් වුණු කලාකරුවන් බොහොමයක් අන්තිමේ දී සොයා ගන්නවත් බැරිව ගියා. ඒ අය සම්බන්ධයෙන් විශේෂ අවධානයක් යොමු කර තිඛෙනවා ද?
පිළිතුර: අතීත අත්දැකීම් එක්ක එවැනි ප්‍රශ්නයක් නැගීම ඉතාමත් ම සාධාරණයි. ජාතික ජන බලවේගය මේ විස්තෘත ප්‍රතිපත්ති මාලාව සකස් කර ජනගත කරන්න පෙර සහ මෙම මාධ්‍ය සාකච්ඡාවට පෙර වාර ගණනාවක් කලාකරුවන් කැඳවීමෙන් සහ අපි ඔවුන් ළගට ගිහිල්ලත් සාකච්ඡා කළා. ජාතික ජන බලවේගයේ නායක, අනුර දිසානායක සහෝදරයාගේ මූලිකත්වයෙන්මත් සාකච්ඡා ගණනාවක් පැවැත්වූවා. ඔවුන් මොන තරම් බිඳවැටීමකින්, අපේක‍ෂා භංගත්වයකින් සිටිනවා ද යන්න එම සාකච්ඡාවල දී අපට පැහැදිලි වුණා. කලා, සාහිත්‍ය ක්ෂේත්රයේ සියලූ ම අංග ආවරණය වන ආකාරයට ක්ෂේත්රයේ ප්‍රවීණයන් සහ විද්වතුන් සම්බන්ධ කරගෙන ප්‍රතිපත්ති මාලාව සකස් කරන්න හැකි වූයේ එහි ප්‍රතිඵලයක් හැටියට. ලබන 08 වැනිදා එළිදක්වන්නේ ඒ ප්‍රතිපත්ති මාලාව. එය අධ්‍යයනය කර ජාතික ජන බලවේගයත් එක්ක එකතු වී එය කි්‍රයාවට නැඟීමේ දී තව දුරටත් පෝෂණය කරමින්, ඉදිරියට යමු යි කියන ආරාධනාව කරනවා. දැනටමත් සිය ගණනක් කලාකරුවන් ඒ සඳහා කැමැත්ත පළ කර තිඛෙනවා.
ප්‍රශ්නය: මැතිවරණ සමයක දී සංවිධාන පිහිටුවාගෙන ආණ්ඩුවක් පත් කර ගත් පසු විවිධ ආයතනවල තනතුරු ලබා ගැනීමෙන් පසුව කලාකරුවන් තමන්ගේ පෞද්ගලික අභිමතාර්ථ වෙනුවෙන් අනෙකුත් සියලූම ප්‍රතිපත්ති ඉවත දමනවා. ඒ වාගේම මේ වන විට පැරැණි සිනමා ශාලා ෆුඩ් සිටි බවට පරිවර්තනය කර තිඛෙන අතර, නව මාධ්‍යයේ පැමිණීමත් සමග තවත් බාධා සිදු වී තිඛෙනවා. මේ අභියෝගවලටත් මුහුණ දෙන්නේ කොහොම ද?
පිළිතුර: අපි මේ ප්‍රතිපත්ති මාලාව තුළ ආමන්ත්‍රණය කර තිඛෙන්නේ ම ඔබ ඔය ප්‍රශ්නය නගන පසුබිම පිළිබඳව හොඳ අවබෝධයකින්. මැතිවරණවල දී ලබා දුන් බලාපොරොත්තු සුනුවිසුණු කළේ කලාකරුවන් නොවෙයි. ඒ මොහොතවල අපේ රට භාර ගත් උදවියයි. ඒ නිසාමයි කලාකරුවන් නැවත දේශපාලන අදහසකට කැඳවා ගන්න බැරි තරමට දුරස් වී, විඩාබර වී සිටින්නේ. එවැනි තත්ත්වයක් තිබිය දී, මේ මහා සමාජ පරිවර්තනයට කලාකරුවන් විශාල පිරිසක් සහභාගී වී සිටිනවා. කලා, සංස්කෘතික අධ්‍යාපනයේ ඉඳලා ම අපි ඒ නිර්මාණ රසවිඳීම දක්වා සියලූ පරාසයන් ආවරණය කර තිඛෙනවා. ඒ වාගේ ම ඔබ කියූ නාට්‍ය ශාලා, පුහුණු වීම් ස්ථාන අහිමි වීම, චිත්‍රපට මුදාහැරීමේ සහ ඛෙදාහැරීමේ තිඛෙන ගැටලූ සම්බන්ධයෙන් අපේ මූලික අවදානය යොමු කර තිඛෙනවා.
ප්‍රශ්නය: ගුණදාස කපුගේ මහත්මයා කම්පන ප්‍රසංගයෙන් සහ නන්දා මාලිනිය පවන ප්‍රසංගයෙන් සමාජය පරිවර්තනය කරන්න විශාල කාර්යභාරයක් කළා. නමුත්, එවැනි තත්ත්වයක් අද සමාජයේ දකින්න නැහැ. එවැනි තත්ත්වයක් පවතින්නේ ඇයි ?
පිළිතුර: කලාකරුවන්ගේ ආත්ම ගෞරවය සහ ක්ෂේත්ර ගෞරවය රැකෙන ලෙස මේ රටේ පාලකයන් කටයුතු කර තිබුණා නම්, මෙවැනි මාධ්‍ය සාකච්ඡාවකටවත් කලාකරුවන් කැඳවීම අවශ්‍ය වන්නේ නැහැ. එසේ නොතිබුණු නිසා තමයි, මේ අවස්ථාවට සහභාගී වූ කලාකරුවන් මත දැක්වූයේ. තමන්ගේ අත තිඛෙන පෑනෙන් මඳකට මිදිලා, මේ මැදිහත් වීම කරන්න දායක වී සිටින්නේ තත්ත්වයේ තිඛෙන බරපතළකම නිසයි. අපි කලාකරුවන් හැටියට ශාස්ත්‍රවන්තයන් හැටියට අපේ ක්ෂේත්‍රවල රැඳෙන්න ඉතාමත් කැමැත්තෙන් ඉන්නවා. නමුත්, මහා සමාජයේ තිඛෙන ගැටලූව විසඳගන්නේ නැතිව අපි සියලූ දෙනාගේ ක්ෂේත්‍රවල තනි තනිව කටයුතු කිරීමෙන් කලා නිර්මාණ මිනිසුන් අතරට ගෙන යන්න ඒවාට සම්බන්ධ රසිකයන් පෙළගස්වන්න හෝ එවැනි සමාජයක් වශයෙන් ඉතිරි කර නැහැ. එනිසයි කලා, සංස්කෘතික ක්ෂේත්රයේ විශාල පිිරිසක් ජාතික ජන බලවේගය සමඟ එක් වී සිටින්නේ. අපි අද මෙතැනට පැමිණ සිටින්නේ කලාව, සංස්කෘතිය පිළිබඳව පැරැණි අදහසින් නොවෙයි. මේ ක්ෂේත්රයේ මෙතෙක් පැවැති ව්‍යුහයන් වෙනස් කරන්නයි. ඉංගී්‍රසි යුගයේ හඳුන්වා දුන් කලා මණ්ඩල, අණපනත් වැනි ව්‍යුහයන් මෙතෙක් කල් පවතිනවා. අපි යෝජනා කර තිඛෙන්නේ ඊට වඩා ගව් ගණනක් ඉදිරියෙන් තිඛෙන කටයුත්තකට. කලාවෙන් දේශපාලනය කරනවාට වඩා මේ විෂයයට පැවරී තිඛෙන භාරධුර වගකීම වෙනුවෙන් ප්‍රවේශ වෙන්න අපි අපේක‍ෂා කරනවා. අද ලෝකයේ දළ ජාතික නිෂ්පාදිතයෙන් විශාල පංගුවක් නිර්මාණය කරන්නේ cultural industries එකෙන්. වෙනත් රටවල ආර්ථීක ප්‍රවාහයේ ප්‍රධාන සංඝටකයක් හැටියට මේ ක්ෂේත්රය හඳුනාගෙන ඉන්නවා. අපට වසරකින්, දෙකකින් ඒ තත්ත්වය අත් කර ගන්න බැරි වෙයි. අප ඉදිරිපත් කර තිඛෙන ප්‍රතිපත්ති අතර සමහර දේවල් අල්ලන්න පුළුවන් දේවල්, සමහර දේවල් අතින් අල්ලන්න බැහැ. කලාවේ වැඩිපුර පවතින්නේ අල්ලන්න බැරි ආධ්‍යාත්මික දේවල්. නමුත්, සමාජ සංවර්ධනය සඳහා වඩාත් බරපතළ මැදිහත් විම් සිදු කළ හැකි ක්ෂේත්රයක් මේක.
ප්‍රශ්නය: ඔබ මොනවා කීවත්, ජාතික ජන බලවේගය වැල් පාලම කපා දමන්න සූදානම් වන බව ජනාධිපතිවරයා කියා තිඛෙනවා.
පිළිතුර: ඒවාගේ දේවල්වලට උත්තර දෙන එකත් එච්චර ගෝචර නැහැ. වැල් පාලම කෙසේ වෙතත්, එතුමා සහ එම අදහස දරන අය පිළිබඳව දේශපාලනඥයෙක් නොවන මම ප්‍රතිචාර දක්වන්න එතරම් කැමැති නැහැ. කෙටියෙන් කියන්න තියෙන්නේ අවුරුදු හැත්තෑහයක් ම ආවේ වැල් පාලම මත තමයි. ඕක අමුතු පාලමක් නොවෙයි. ඔය පාලමේ පැද්දි පැද්දී තමයි, මේ රට ආවේ. මිනිස්සු ගොඩක් ඔය පාලමෙන් පහළට වැටිලා තිඛෙනවා. මේ වාගේ ශ්‍රේෂ්ඨ කෘතිවල තිඛෙන ශ්‍රේෂ්ඨ අදහස් මේ වාගේ අවභාවිත කිරීම පිළිබඳව බර්ටෝල්ට් බ්‍රෙෂ්ට් දන්නවා නම්, සිය දිවි නසා ගන්නවා. ඒ ප්‍රකාශ ගැන තිඛෙන්නේ කනගාටුවක්. බ්‍රෙෂ්ට් වැල් පාලමේ ගීතය ලියලා තියෙන්නේ ඒ අර්ථයෙන් නොවෙයි. අපි ඒ ගැන වෙන අවස්ථාවක වෙනමම සංවාදයක් කරමු.
(-ජාතික ජන බලවේගයේ විජයග්‍රාහී රැලිය – මිනුවන්ගොඩ – 2024.08.27-) ජාතික ජන බලවේගයේ නායක, ජනාධිපති අපේක්ෂක අනුර කුමාර දිසානායකමෙවර මාලිමාවට ජයග්‍රහණය අත්පත් කරදීමේදි ඔබට විශාල කාර්යභාරයක් පැවරෙනවා. මෙතනට රැස්වෙලා ඉන්න දහස් සංඛ්‍යාත ජනතාව කියාපාන්නේ මාලිමාවේ ජය ස්ථීර බවයි. හැබැයි අත්හරින්න එපා. සතුරා විශාල ලෙස කළබල වෙලා ඉන්නේ. එයාලා කවදාවත් හිතුවේ නැහැ මේ වගේ තර්ජනයක් කවදාවත් එයි […]
(-ජාතික ජන බලවේගයේ විජයග්‍රාහී රැලිය – මිනුවන්ගොඩ – 2024.08.27-)
ජාතික ජන බලවේගයේ නායක, ජනාධිපති අපේක්ෂක අනුර කුමාර දිසානායක
මෙවර මාලිමාවට ජයග්‍රහණය අත්පත් කරදීමේදි ඔබට විශාල කාර්යභාරයක් පැවරෙනවා. මෙතනට රැස්වෙලා ඉන්න දහස් සංඛ්‍යාත ජනතාව කියාපාන්නේ මාලිමාවේ ජය ස්ථීර බවයි. හැබැයි අත්හරින්න එපා. සතුරා විශාල ලෙස කළබල වෙලා ඉන්නේ. එයාලා කවදාවත් හිතුවේ නැහැ මේ වගේ තර්ජනයක් කවදාවත් එයි කියලා. ජනතාවත් කාලාන්තරයක් තිස්සේ ඒ පැත්තෙන් මේ පැත්තට ඡන්දෙ දීලා බලය මාරු කළා. ජනතාව ආණ්ඩු මාරු කරන කොට උඩ ඉන්න කට්ටිය පැත්ත මාරු කරනවා. බලනකොට හිටපු ආණ්ඩුවමයි. අද ලංකා ඉතිහාසයේ දේශපාලන සිතියම මුළුමනින්ම වෙනස් වෙලා. ජාතික ජන බලවේගයට ජයග්‍රහණය ලබාගත හැකි තැනකට ඇවිල්ලා. ඒගොල්ලොත් ලේසියෙන් අත්හරින්නේ නැහැ. අවලාද, අසත්‍ය තොරතුරු, විකෘති කරන ලද තොරතුරු තොග ගණන් පැළකරන්න පටන් ගනීවි. ඒ කිසිවකටත් හසුනොවී නොසැලී ජයග්‍රහණය තෙක් අත්හරින්නේ නැතිව වැඩ කරමු. පළමුව ආණ්ඩුව හදමු. ඊට පස්සේ හැමෝම එකතු වෙලා රට හදන්න පටන් ගමු. රට හදන්න ඡන්දය නොදුන්, වෙනත් පක්ෂයකට වැඩ කරන, හැමෝම එකතු කර ගන්න ඕනෑ. ජයග්‍රහණයෙන් පස්සේ ගමේ ඉන්න කිසිදු පාක්ෂිකයෙකුට නිය තුඩකින්වත් හානියක් වෙන්න ඉඩ දෙන්න එපා. අපි එන්නේ පළිගන්න නොවෙයි, රට හදන්න.
1977 ෙජ්.ආර්. ජයවර්ධන ජයග්‍රහණයෙන් පස්සේ පොලීසිවලට දවස් හතක් නිවාඩු දුන්නා. විරුද්ධ පාක්ෂිකයන්ට ඇති තරම් ගහන්න. දැන් රනිල් පස්සේ ගියාට රණතුංගලාටත් ගැහුවා. ජාතික ජන බලවේගයේ ජයග්‍රහණය ගන්නේ කිසිවෙකුට හානියක් කරන්න නොවෙයි. හැබැයි වංචා කරලා, සොරකම් කරලා, මහජනයාගේ දේපළ සොරකම් කරලා තිඛෙනවා නම්, තිඛෙන නීතිමය ව්‍යුහයන් ඇතුළේ පරීක්ෂණ කරලා දඩුවම් ලබාදෙන එකත් අනිවාර්යයෙන් කරනවා. ඒක පළි ගැනීම නොවෙයි, ඒක යුක්තිය. සාධාරණත්වය. වංචනිකයන්ට දඩුවම් දුන් පමණින් රට ගොඩනඟන්න බැහැ. වංචා, දූෂණ නතර නොකොට රට ගොඩනඟන්න හිතන්නවත් බැහැ. ඊළඟට අපට තිඛෙනවා රට ගොඩනඟන්න. අපේ රටේ සම්පත්, පිහිටීම උපයෝගී කර ගන්න ඕනෑ රට සංවර්ධනය කරන්න.
ඕනෑම රටක සංවර්ධන මාවත තීරණය කරන්නේ ඒ රටේ පිහිටීම, ස්වභාවික සම්පත් හා මානව සම්පත්වල ස්වභාවය, ඒ අවස්ථාවල තිඛෙන විදෙස් සබඳතා, රට ගොඩනැගුණු ශිෂ්ටාචාරය කුමක්ද යන්න මතයි. සිංගප්පූරුවේ සංවර්ධන මාවත වුණේ ඒ රටේ පිහිටීම. විශාල නැව් ගමනා ගමනය සිදුවෙන ආසන්නයේ සිංගප්පූරුව පිහිටා තිඛෙනවා. ජාතික ජන බලවේගයේ ආණ්ඩුව සකස් කොට තිඛෙනවා අපේ රට ගොඩනැගීම සඳහා අපට තිඛෙන ආර්ථීක මාවත මොකක්ද කියලා. අපේ ස්වභාවික සම්පත මත අපට තිඛෙනවා ආර්ථීකයක්. රත්නපුර, ඔක්කම්පිටිය, ඇලහැර ප්‍රදේශවල විශාල මැණික් සම්පතක් තිඛෙනවා. අපේ ආර්ථීකය ගොඩනැගීමේදී මැණික් කර්මාන්තය යොදා ගත හැකිව තිඛෙනවා. එම කර්මාන්තයේ බදු ප්‍රතිසංස්කරණය කොට, මැණික් වෙළඳ කලාපයක් ඇති කිරීම වැනි සැලසුම් මත අපට මැණික් කර්මාන්තයේ ආර්ථීයක් ගොඩනගා ගත හැකිව තිඛෙනවා. අවුරුදු 700කට ප්‍රමාණවත් පොස්පේට් නිධියක් එප්පාවල තිඛෙනවා. අපි අමු පස් පිටරට පටවනවා වෙනුවට එහි කර්මාන්තයක් ඇති කරලා, ඒ කර්මාන්තයේ නිෂ්පාදනය කරන භාණ්ඩ අපනයනය කිරීමේ ආණ්ඩුවක් ජාතික ජන බලවේගයේ ආණ්ඩුව. එතන ආර්ථීකයක් අපට තිඛෙනවා. පුල්මුඩේ ඛණිජ වැලි අපේ ස්වභාවික සම්පතක්. දශක ගණනාවක් ගෙවුණා, අපට නියමිත නිස්සාරණ කි්‍රයාවලියක් නැහැ. අපි අමු වැලි පටවනවා. එතනට දියුණු නිස්සාරණ කර්මාන්ත ශාලාවක් ඇති කරලා, මිල අධික ඛණිජ නිෂ්පාදනය කරලා, ලෝක වෙළඳපොළට යවලා එතන ආර්ථීකයක් හදනවා. වැඩිම කාබන් තිඛෙන මිනිරන් සම්පත අපට තිඛෙනවා. සියවසකට වැඩි කාලයක් අපි අමු මිනිරන් කුට්ටි ලෙස පිටරට පටවනවා. අපි එතනට ගේනවා කර්මාන්තයක්. අපේ ස්වභාවික සම්පත් මත අපි කර්මාන්ත පද්ධතියක් ඇති කරනවා. අපට ඉතා හොඳ කර්මාන්තයකට විභවතාවක් තිඛෙනවා. අපේ සංචාරක කර්මාන්ත සැලැස්ම අපි 26 දා ඉදිරිපත් කළා. 2030 වෙනකොට ලක්ෂ 40ක සංචාරකයන් ගේන්න සැලසුම හදා තිඛෙනවා. ඩොලර් බිලියන 08ත් 09ත් අතර ආර්ථීයක් ගේන්න පුළුවන්. සංචාරක කර්මාන්තය සඳහා නව වියදම් සඳහා අවශ්‍ය අවස්ථා තිඛෙන, කර්මාන්ත පද්ධතියක් ඇති කිරීමට සැලසුම්කර තිඛෙනවා.
අපට බල ශක්තියේ විශාල විභවතාවක් තිඛෙන බව සමීක්ෂණ වාර්තාවලින් හෙළිදරව් වෙලා තිඛෙනවා, 2023 වෙන විට පොසිල ඉන්ධන සඳහා තිඛෙන ඉල්ලූම අඩුවෙන්න පටන් ගන්නවා. ලෝකය පුරෝකථනය කර තිඛෙනවා 2050 වන විට ලෝකයේ බලශක්තියෙන් 65%-85%ක් තිඛෙන්නේ පුනර්ජනනීය බල ශක්තිය. වින් පවර්, (සුළං බලය) සූර්ය බලය, ජල විදුලි බලය මේ ආදී ක්ෂෙත්‍ර හරහා 65%ක් 2050 වන විට විදුලිය නිෂ්පාදනය වෙනවා. මැදපෙරදිග වර්ධනය වෙන්න මුළුමනින්ම හේතු වුණේ ඔවුන් සතුව තිබූ ඛනිජ තෙල් සම්පත. ඒකේ ඉල්ලූම 2023 සිට අඩාල වෙන්න පටන් ගන්නවා. ගිගාවොට් 40කට වඩා වැඩි ධාරිතාවක සුළං බලයේ විභවතාවක් තිඛෙනවා. අපට 2040 වෙනකොට අවශ්‍ය වෙන්නේ මුළු විදුලි බලාගාර පද්ධතියේ සමස්ත ධාරිතාව ගිගාවොට් 08යි. එතනට අපි ආයෝජනය කැඳවනවා. එතන අපිට ආර්ථීකයක් තිඛෙනවා. අපි කොහොමද විදුලිය අපනයනය කරන්නේ. විදුලිය අපනයනය සඳහා රැහැන් පද්ධතියක අවශ්‍යතාව තිඛෙනවා. අපිට එතන ආර්ථීකයක් ගොඩනැගෙනවා. රට වටා මුහුදේ දැවැන්ත මාළු සම්පතක් තිඛෙනවා. චන්ද්‍රිකා තාක්ෂණය හරහා මුහුදේ මාළු ගැවසෙන තැන් සොයා ගන්න පුළුවන්කම තිඛෙනවා. අපේ ධීවරයාට ඒ පහසුකම නැහැ. අපි අලූත් තාක්ෂණය එකතු කරන්න ඕනෑ. ජපානය වැනි රටවල්වල මුහුදේ මාළු ඇතිවීම සඳහා අවශ්‍ය පරිසර පද්ධති හදනවා. ඒ සීමාවන්වල මාළු වැඩියෙන් බෝවෙන්න පටන් ගන්නවා. අපි අද ඒවා හිතන්නේ වත් නැහැ. අපි මාළු සම්පත වර්ධනය කර ගැනීමටත්, නෙලා ගැනීමේ පහසුකම් හැදුවොත් අපිට ආර්ථීකයේ වර්ධනයක් ඇතිකර ගන්න පුළුවන්.
ඒ වගේම අයි.ටී. කර්මාන්තයේ ලොකු විභවතාවක් තිඛෙනවා. බොහෝ නිෂ්පාදනවල වටිනාකම තිඛෙන්නේ එහි තිඛෙන අමුද්‍රව්‍යවල. හැබැයි ලෝකයේ අයි.ටී. කර්මාන්තයේ වටිනාකම තිඛෙන්නේ දැනුම මත. ඌබර් සමාගම තමන්ට අයිති එක වාහනයක් වත් ලෝකයේ දුවන්නේ නැහැ. එයාලා මෘදුකාංග පද්ධතියක් හැදුවා. ඒ පද්ධතියෙන් ලක්ෂ ගණනක වාහන ලෝකයේ දුවනවා. ඒ දුවන හැම වාහනයකින්ම 25%ක් ඌබර් එකට එනවා. ඒ දැනුම සහ නිර්මාණශීලිත්වයෙන්. ලෝකයේ ආර්ථීකය තිඛෙන්නේ වෙනත් තැනක. මාර්කට් එකේ තිඛෙන ඇපල් ෆෝන් එක විකිණීමෙන් 54%ක් යන්නේ ඒ නිර්මාණශීලිත්වයට. එකලස් කරන එකට නොවෙයි, අමුද්‍රව්‍යවලට නොවෙයි. ඒ ඔක්කෝම හැදෙන්නේ අයි.ටී. කර්මාන්තය ඇතුලේ. අපිට ලොකු විභවතාවක් තිඛෙනවා. දැනුම තිඛෙන, ඥානය තිඛෙන තරුණ පරම්පරාවක් අපි හදනවා. අපි සැලසුම්කර තිඛෙනවා. 2023 වෙන කොට අලූතින් මෘදුකාංග ඉංජිනේරුවන් ලංකාවේ ලක්ෂ දෙකක් හදනවා. ඔවුන් විවිධ සමාගම්වල, හෝ තනියම වැඩ කරයි. අලූත් දේ නිෂ්පාදනය කරයි. අලූත් දේ සොයා ගනියි. අවශ්‍යතාවය තිඛෙන්නේ නිර්මාණශීලිත්වයයි. ඒ පැත්ත ආර්ථීකයට පණ දෙන විශාල පැත්තක් බවට පරිවර්තනය කර ගන්නවා.
අපි භාණ්ඩ නිෂ්පාදනය කරන්නේ පොඩි මාර්කට් එකකට. අපේ කර්මාන්තකරුවා, ව්‍යවසායකයා ලංකාවෙන් එළියට ගෙනියන්න සහාය දෙන්න සැලැස්මක් අපි හදනවා. අපි්‍රකානු කලාපයේ අලූත් වෙළඳපොළක් වේගයෙන් ඇතිවෙමින් තිඛෙනවා. ඒ රටවල්වල ඉතා ඉක්මනින් වෙළඳ තානාපති කාර්යාල ඇති කරනවා. ඒ රටවල්වලට ලබාදෙන්න පුළුවන් සේවාවන් මොනවාද? අලෙවි කරන්න පුළුවන් භාණ්ඩ මොනවාද කියලා හොයලා අපි කර්මාන්තකරුවන්ට නිෂ්පාදන අවස්ථාවන් ලබාදෙනවා. රට පොහොසත් වෙන්න නම්, කර්මාන්තකරුවා කර්මාන්ත, හෝටල්කරුවා හෝටල් දාන්න ඕනෑ. කොන්ත්‍රාත්කරුවා එළියට ගිහින් කොන්ත්‍රාත් ගන්න ඕනෑ. අපේ රටේ තිඛෙන සම්පත් මත ආර්ථීක අවස්ථා හදන්න ඕනෑ. කර්මාන්තකරුවාට, ව්‍යවසායකයාට සහාය දීලා ආර්ථීකය උඩට ගේනවා. එයා ආර්ථීකය හැදුවාම එයා ආදායමක් ලබනවා. ඒ ආදායමෙන් සාධාරණ පංගුවක් බදු ලෙස ලැඛෙනවා. එළියේ ආර්ථීකය වර්ධනය වුණොත් භාණ්ඩාගාරයට සල්ලි එනවා. ඒ සල්ලි අධ්‍යාපනයට යොදවනවා. අධ්‍යාපනයෙන් හොඳ කළමනාකරණ හැකියාව තිඛෙන මැනේජර් කෙනෙක් හදනවා. එයා කර්මාන්ත ශාලාවට යනවා. කර්මාන්ත ශාලාව දියුණු වෙනවා. ආදායම වැඩි වෙනවා. අධ්‍යාපනයට, සෞඛ්‍යයට, ප්‍රවාහනයට ඒ ආදායම යොදවනවා. චක්‍රයක් ලෙස මේ කි්‍රයාවලිය තුළ අවුරුදු කීපයක් යනකොට අපේ රට පොහොසත් රටක් බවට පත්කර ගත හැකියි.
අපි පැහැදිලිව ව්‍යාපාරිකයාට අවශ්‍ය ආර්ථීක ප්‍රජාතන්ත්‍රවාදය දෙන්නම්. දැන් ව්‍යාපාරිකයාට ඉඩමක් ගන්න ඕන වුණොත් ඇමතිට පගාව දෙන්න ඕනෑ. ඇමති හිතනවා මේ පගාව එයාගේ අයිතියක් ලෙස. පගාව දෙන කෙනත් හිතනවා එය යුතුකමක් ලෙස. කර්මාන්තයකට ඉඩම ලබාදීම ආණ්ඩුවේ වැඩක්. අපි සැලැස්මක් හදනවා. ව්‍යාපාරිකයාට, කර්මාන්තකරුවාට අවශ්‍ය ඉඩම දෙන්නම්, අපට ඇල්වතුර වීදුරුවක් වත් එපා. ආර්ථීකය හදන්න ඕනෙ එහෙම. ආර්ථීකය හැදුනාම ඒකෙ මුදල් ආණ්ඩුවට ගලාගෙන එනවා. ආණ්ඩුව සේවාවන් වර්ධනය කරනවා. ජීවත් වෙන්න බැරි අයට ආධාර මුදලක් ලබාදෙනවා. ආබාධිත දරුවෙක් පවුලක ඉන්නවා නම්, එයාව රැකබලා ගන්න ඕනෑ. යුරෝපයේ සමහර රටවල්වල ආබාධිත දරුවෙක් පවුලක ඉන්නවා නම් අම්මට වැටුපක් ගෙවනවා. සමහර රටවල්වල ඉගෙන ගෙන, සුදුසු වයස ඇවිත් තිඛෙන දරුවන්ට රස්සාවක් සොයා ගන්නකම් දීමනාවක් දෙනවා. ලෝකයේ රටවල් මිනිස්සු බලා ගන්නවා. තමන් කරමින් සිටින රැකියාව අහිමි වුණොත් ආණ්ඩුවෙන් මුදලක් ගෙවනවා. අපි ආණ්ඩු හදලා තිඛෙන්නේ ඒගොල්ලන්ගේ පවුල් බලාගන්න. යාළුවෝ බලා ගන්න. ලංකාවේ පළමුවැනි වතාවට ආණ්ඩුවක් හදමු ජනතාව බලා ගන්නා, රට පොහොසත් කරන ආණ්ඩුවක්.
ජනතාවගේ කුකුසක් තිඛෙනවා, මොනවා වුණත් රනිල් වික්‍රමසිංහ අන්තිම වෙලාවේ මොකක් හරි ගැටයක් ගහයිද කියලා. එයාට මොන ගැටයක්වත් ගහන්න බැහැ. රාජ්‍ය සේවයේ බහුතරයක් ඉන්නේ ජාතික ජන බලවේගයට සහාය දෙමින්. පොලීසියේ බහුතරයක් ජාතික ජන බලවේගයට සහාය දෙමින් ඉන්නේ. අපේ පොලීසිය ඔවුන්ගේ රාජකාරියක් ලෙස විතරක් නොවෙයි, ඔවුන් අපට ආරක්ෂාව ඇෙඟන්ම දෙනවා. පොලීසියේ හිටපු ජ්‍යෙෂ්ඨ නිලධාරීන්, හමුදාවේ හිටපු වැදගත් විශ්‍රාමික නිලධාරීන් අද ඉන්නේ ජාතික ජන බලවේගයත් එක්ක. ඒ නිසා රනිල් වික්‍රමසිංහලා ගහපු ගැට ආයෙමත් මේ ටේ ගහන්න හම්බ වෙන්නේ නැහැ. ජාතික ජන බලවේගයේ ආණ්ඩුව ගොඩනැගෙන එක කිසිවෙකුටත් වළක් වන්න බැහැ.
අපි ශක්තිමත් ආණ්ඩුවක් හදමු. අත් නොහැර ආණ්ඩුවක් හදමු. ඉතිරි දින කිහිපයත් වැඩකරමු. මහන්සි වෙමු. මිනුවන්ගොඩ ආසනයෙන් ශක්තිමත් ජනවරමක් අරන් දෙන්න මැදිහත් වෙන්න.
ජාතික ජන බලවේගයේ ජාතික විධායක සභික විජිත හේරත්
ලංකාවේත් ලෝකයේත් වෙසෙන සියළු දෙනා දන්නවා අනුර කුමාර දිසානායක සහෝදරයා දැනටමත් මේ ජනාධිපතිවරණය දිනල ඉවරයි කියලා. දැන් තියෙන්නේ අපේ ජය විජයග්‍රහණයක් කරන්නයි. මේ ආසනයේ වැඩිම ඡන්ද අරගෙන පාර්ලිමේන්තුවට ගිය ප්‍රසන්න රණතුංග අද රනිල්ගේ ඔඩොක්කුවේ. මහ බැංකුව කොල්ලකාපු එකා රට වට්ටපු එකා කියල තමයි එදා ප්‍රසන්නලා රනිල්ට බැන බැන ඡන්ද එකතු කළේ. දැන් රනිල්ගේ දෙපතුල් ලෙවකනව. ලැජ්ජයි නේද?
අනෙක්කෙනා දිස්ති්‍රක්යේ වැඩිම මනාප ගත්ත කෙනා. ගොඨාභයගෙ හිතවතා, උගතා. වියතා කියල කිව්ව නාලක ගොඩහේවා දැන් සජිත්ගේ ඔඩොක්කුවේ. ලැජ්ජාවක් නැද්ද? ලැජ්ජ නෙමෙයි අප්‍රසන්නයි. යු.එන්.පීය දෙකට ඛෙදුනා. රනිල් පිල හා සජිත් පිල කියල. ඒ පලූදෙකේ දෙපැත්තේ වැලේ වැල් නැති එවුන් එක එකා ගිහිල්ල එල්ලෙනවා.
එදා මේ මිනුවන්ගොඩ ආසනයෙන් ඡන්ද 65,000ක් පොහොට්ටුව ගත්තා. ආසනයේ ඡන්ද එක්ලක්ෂ විසිහතර දාහක් තිඛෙනවා. එයින් සියයට 80ක්ම මෙදා සැරේ අපේ අනුර සහෝදරයාට ලැඛෙනවා නියතයි. මුළු ගම්පහ දිස්ති්‍රක්කයෙන්ම වැඩිම ඡන්ද ප්‍රතිශතයකින් ජාතික ජන බලවේගය දිනනවා. ඒක ඉර හඳවගෙ විශ්වාසයි. කවුරු කොයිපැත්තට පැන්නත් ජනතාව ඒ ගොල්ලන් එක්ක නෑ. ජනතාව ඉන්නේ අපි සමගයි. ලබන 21 වෙනිදාට අපි ඒක ඔප්පුකරල පෙන්වනවා. මිනුවන්ගොඩ වගේම මුළු රටේම ජනතාව අද ඉන්නේ මේ රට ගොඩනගන ජාතික ජන බලවේගය පැත්තේ. ඇලිස්පිටිය පිරී ඉතිරී ගිය බව අද කියාපාන්නේ ඒකමයි.
අද රටේ පොලිස්පතිවරයෙක් නෑ. ඒ කියන්නේ රටේ ජනතාවගේ නීතිය සාමය රකින්න ඉන්න ප්‍රධානියාගේ පුටුව හිස්. මේක හරි භයානක තත්වයක්. රටේ සමස්ත ජනතාවගේම ජීවිත අනතුරේ. ජනාධිපති මැති ඇමතිල රකින්න ඕනතරම් පොලිසිය ඉන්නවා. ජනතාව ආරක්ෂා කරන්න කවුරුත් නෑ. අද මෙහේ ඉන්න අර ජනාධිපතිගේ පාර්ලිමේන්තු කටයුතු උපදේශක රකින්න පොලිසිය සහ වාහන ඉස්සරහින් පස්සෙන් යනවා. කොච්චර ජනතා මුදලක් වැය වෙනවාද? සාගල රත්නායක රකින්නත් එහෙමයි. මේ හාදයෝ එහෙම රකින්න ඕන කට්ටියද? මොකද තියෙන තර්ජන?
අපි මේ රටේ ජනතාවට සහතික කරල කියනව සැප්. 23 වෙනිද වෙනකොට සාගල, ගොඩහේව, ප්‍රසන්න ඇතුළු නඩයට මහජන මුදල් කාබාසිනියා කරමින් ප්‍රභූ ආරක්ෂක වළලූ වලින් වටවී ඔබලා මෙතෙක් කල් ගෙනගිය ඔය ජඩ දේශපාලන සංස්කෘතිය අපි වෙනස් කරනවා. ජනතාවගෙන් පිදුම් ලබමින් සිටින මේ හොරුන්ගේ දේශපාලන සංස්කෘතිය අපි සහමුලින්ම වෙනස් කරනවා.
සජිත්ගේ අම්ම නඩත්තුවෙන්නේ කාගෙ මුදලින්ද? ජනතා මුදලින්. ඒ මුදල් වලින් එයාට මදුරු කොයිල් එක පවා අරන්දෙන්න වෙලා. ජනාධිපති කාර්යාලයට ලියුමක් යවනවා මදුරු කොයිල්, පෑන් පැන්සල් පවා ඉල්ලලා. දැන් සජිත් ප්‍රේමදාස රටවටේ යනව සුහුරු පංති හද හද. අපි කියනව ඔය ගමන්ම ඔයාගේ අම්මට පුළුවන්නම් සුහුරු ඛෙඩ්රූම් එකක් හදල දෙන්න කියලා.
අරගලයෙන් පැන්නූ ගොඨාභය රාජපක්ෂ දැන් ජීවත්වෙන්නේ කාගේ මුදල් වලින්ද? තමුන්නාන්සේලාගේ බදු මුදල් වලින්. ඉන්න නිවාසය පවා එහෙමයි. මාසික වැටුප රු. 97,500යයි. මාසික දීමනාව රු.100,000යයි. මාසෙට ප්‍රවාහන දීමනාව දෙනව රුපියල් හත්ලක්ෂ හාරදහසක්. දැන් එයාට රාජකාරියක් තිඛෙනවාද? කරන්න නෑ. මේ ඔක්කොම තමුන්නාන්සේලාගේ බදු මුදල්. මේවා නවත්වන්න ඕනද? නැද්ද? අපේ පාලනයක් යටතේ වහාම මේ මහජන මුදල් කාබාසිනියා කරන එක නවත්වනවා. මේව නතර කරන කොට රටට පහසුවෙන්ම සල්ලි එනව. අපි මේ කිව්වෙ එකයි. දෙකයි. ඒ ටිකම ඇති තත්වය තේරුම් ගන්න. හොරකමයි, නාස්තියයි නවත්තපුගමන් ආර්ථීකයට විශාල මුදලක් එකතු වෙනවා.
රටේ නිෂ්පාදනය කඩා වට්ටල ඇල්පෙනෙත්තේ ඉඳන් චීනයෙන්, ඉන්දියාවෙන් ගේන්නේ. මාලිමා ආණ්ඩුව ආ පසු කෙටිකාලීන, මධ්‍යකාලීන, දිගුකාලීන සැලසුම් හරහා අපේ රටේ නිෂ්පාදන ආර්ථීකය ක්‍රමානුකූලව ශක්තිමත් කරනවා. කාර්මීකරණය මත පදනම්වූ නිෂ්පාදන ආර්ථීකයක් අපි ගොඩනගනවා. එහෙම වෙනකෙට රට ටිකෙන් ටික සංවර්ධනය කරා යනවා. රට පොහොසත් වෙනවා. රටේ මිනිස්සුන්ගේ ජීවිතත් ලස්සන වෙනවා.
(-ජාතික ජන බලවේගයේ ජාතික සංචාරක ප්‍රතිපත්තිය එළිදැක්වීම – 2024.08.26 – මොනාක් ඉම්පීරියල් – ශ්‍රී ජයවර්ධනපුර-) අප විසින් ඉදිරිපත් කර තිබෙන ප්‍රතිපත්ති ප්‍රකාශනය අනිවාර්යයෙන්ම ක්‍රියාවට නඟනවා. අපි සංචාරක ක්‍ෂේත්‍රයෙන් කරුණු කිහිපයක් මූලිකව අපේක්ෂා කරනවා. තෝරාගෙන තිබෙන අනෙකුත් ක්‍ෂේත්‍රවලට යම් ආරම්භයක් ගන්න යම් කැප කිරීමක් සහ යම් කාලයක් ගත වෙනවා. නමුත්, රට ආර්ථික වශයෙන් කඩාවැටී තිබෙන අර්බුදයෙන් […]
(-ජාතික ජන බලවේගයේ ජාතික සංචාරක ප්‍රතිපත්තිය එළිදැක්වීම – 2024.08.26 – මොනාක් ඉම්පීරියල් – ශ්‍රී ජයවර්ධනපුර-)
අප විසින් ඉදිරිපත් කර තිබෙන ප්‍රතිපත්ති ප්‍රකාශනය අනිවාර්යයෙන්ම ක්‍රියාවට නඟනවා. අපි සංචාරක ක්‍ෂේත්‍රයෙන් කරුණු කිහිපයක් මූලිකව අපේක්ෂා කරනවා. තෝරාගෙන තිබෙන අනෙකුත් ක්‍ෂේත්‍රවලට යම් ආරම්භයක් ගන්න යම් කැප කිරීමක් සහ යම් කාලයක් ගත වෙනවා. නමුත්, රට ආර්ථික වශයෙන් කඩාවැටී තිබෙන අර්බුදයෙන් කෙටිකාලීන විසඳුමක් සොයා ගැනීමට තිබෙන ප්‍රධාන මාවත සංචාරක කර්මාන්තයයි. අපි මුහුණ දී සිටින ප්‍රධාන අර්බුදයක් නම්, වාර්ෂිකව අවශ්‍ය වන ඩොලර් ප්‍රමාණය සොයා ගැනීමට සමත් නොවීම සහ රට තුළ වියදමට අදාළව ආදායම් උපයා ගැනීමට සමත් නොවීමයි. මේ ප්‍රධාන මූලාශ්‍ර දෙකෙන් තමයි, ප්‍රධාන වශයෙන් ම ආර්ථික අර්බුදය ජනිත කර තිබෙන්නේ. දිගුකාලීන, ස්ථිර ආර්ථික සැලැස්මක් සකස් කර වසරකට අවශ්‍ය ඩොලර් ප්‍රමාණය සහ භාණ්ඩාගාරයට අවශ්‍ය රුපියල් ප්‍රමාණය උපයා ගැනීම වෙනුවෙන් ක්‍රියා කළ යුතු වෙනවා. සංචාරක කර්මාන්තය ඩොලර් උපයා ගැනීමේදී වැදගත්ම ක්ෂේත්රයක් වෙනවා. ලෝකයේ බොහෝ රටවල් මුහුණ දුන් නමුත්, අප මුහුණ නොදුන් සාධකයක් තමයි, නාගරික ජනාවාසකරණය. චෙන්නායි, ඩකා, ෂැංහයි නගර මේ අර්බුදයට මුහුණ දී සිටිනවා. අපේ ප්‍රධාන ආර්ථික උපායමාර්ගය ගමේ ඉන්න කෙනා ගමේම රැඳෙමින්, ආර්ථික, සමාජයීය ජීවිතය උසස් කර ගැනීමයි. ඒ වෙනුවෙන් අපේ ආර්ථික ආකෘතිය සකස් කර තිබෙනවා.
මේ වන විට ජාතික ආර්ථිකයට සියයට 36ක දායකත්වයක් බස්නාහිර පළාතෙන් ලබා දෙන අතර, ඌව පළාතෙන් ලබා දෙන්නේ සියයට 04ක් පමණයි. උතුරුමැද පළාතෙන් සියයට 05යි. කොළඹ කේන්ද්‍රගත කරගෙන ආර්ථිකය ගොඩනැඟී ඇති හැටිත් පැහැදිලියි. මේ මොහොතේ අර්බුදයක් ලෙස නොපෙනුණත්, එය අනාගතයේ අර්බුදයක් නිර්මාණය කළ හැකියි. ඒ නිසා ගමේ කෙනා ගමේම රඳවමින්, ආර්ථික සහ සමාජයීය ජීවිතය උසස් කිරීමේ විශේෂ විභවතාවක් සංචාරක කර්මාන්තයට තිබෙනවා. වෙරළ තීරය, මධ්‍ය කඳුකරය, ඓතිහාසික උරුමයන් රට පුරා සැලැකිය යුතු ප්‍රමාණයකින් විසිරී තිබෙනවා. ග්‍රාමීය දුප්පත්භාවය තුරන් කිරීම, සංචාරක කර්මාන්තයත් එක්ක එකට ගැටගැසී තිබෙනවා. සංචාරක කර්මාන්තය සහ තේ කර්මාන්තයේ එකවිට නියැළෙන ව්‍යාපාරිකයෙක් අපට ඉතා වැදගත් කරුණක් සඳහන් කළා. අවුරුදු තිහක් තේ කර්මාන්තයේ නියැළී සිටියත්, එම සේවකයකුට රුපියල් 35,000කට, 40,000කට වඩා මාසයකට දෙන්න බැහැ කියලා ඔහු කිවුවා. නමුත්, එයාගේ සංචාරක හෝටලයේ අවුරුද්දක් වැඩ කළ පසුව සේවකයෙකුට රුපියල් ලක්ෂයක පමණ දීමනාවක් ගන්න පුළුවන් බව ඔහු කිවුවා. ග්‍රාමීය දුප්පත්භාවය තුරන් කිරීමේ දී සංචාරක කර්මාන්තයට පැවරී තිබෙන කාර්යභාරය මෙයින් පැහැදිලියි. ලෝකයත් එක්ක ශ්‍රී ලංකාව පිටුපසින් ඉන්නා අතර, යුද්ධය හේතුකොටගෙන උතුරු, නැඟෙනහිර වඩාත් පිටුපසින් ඉන්නවා. දශක කිහිපයක් තිබුණු යුද්ධය විසින් එම ජනතාවට ආර්ථිකයේ හිමි විය යුතු අවස්ථා අහිමි කර තිබෙනවා. එම ජනතාව ආර්ථික ක්‍රියාකාරකමකට ඉක්මනින් ගෙන යනවා නම්, සංචාරක කර්මාන්තයට ඉතා වැදගත් කාර්යභාරයක් තිබෙනවා. ඒ අනුව අපේ ආණ්ඩුවක් යටතේ සංචාරක කර්මාන්තයේ අවශ්‍යතාව පිළිබඳ යථාර්ථය සත්‍ය වශයෙන්ම අප දකිනවා.
එහිදී අපේ කාර්යභාරය මොකක්ද? මිලියන 4ක සංචාරක ඉලක්කය සපුරා ගන්න පවතින ගුවන්තොටුපොළ මඟින් උත්සාහ කළොත්, පැය දෙක තුනක් රස්තියාදු වෙන්න වෙනවා. එහෙම නම්, අපේ ගුවන්තොටුපොළේ නවීකරණයක් සිදු කළ යුතුයි. කටුනායක ගුවන්තොටුපොළ නවීකරණය කිරීමට පැමිණි ආයෝජකයන් එය දාලා ගියේ ඇයි කියලා ඔබ දන්නවා. ජාත්‍යන්තර මට්ටමේ යටිතල පහසුකම් ප්‍රමුඛතා අනුව ලබා දීම සිදු කරනවා. ඔබ සහ අප අතර අවබෝධයෙන් ඒ කටයුතු කරගෙන යනවා. ඒ වාගේම නීතිමය රැකවරණය මූලික අවශ්‍යතාවක්. ඒ වාගේම සංචාරක ව්‍යාපාරය ඉහළම මට්ටමක පවතින රටවල තමන්ගේ ජාතික ගුවන් සේවය ප්‍රමුඛතම කාර්යභාරයක් ලෙස පිළිගෙන තිබෙනවා. අපි ප්‍රතිපත්තියක් ලෙස ජාතික ගුවන් සේවයට පක්‍ෂපාතී වන අතර, දැන් අපට ‘එයාර් ලංකා’ පිළිබඳව ප්‍රශ්නයක් තිබෙනවා. එය රජයේ තබාගෙන වර්ධනය කරන්න පුළුවන්ද? රජය සහ කළමනාකරණ හැකියාව තිබෙන සමාගමක් එක් කරගෙන ඒකාබද්ධව මෙහෙයවන්න පුළුවන්ද? නැත්නම්, මුළුමනින්ම අත්හැර දමනවාද යන විකල්ප තුන අප හමුවේ තිබෙනවා. එයින් අප වඩාත් කැමැති රජය සහ පෞද්ගලික ඒකාබද්ධ ව්‍යාපාරයක් ලෙස පවත්වාගෙන යන්නයි. සාමාන්‍ය තත්වයකින් ගලාගෙන යන විට සාමාන්‍ය තත්වයෙන් පවතින ආයතන ප්‍රමාණවත්. නමුත්, විශේෂ පිම්මක් ගන්න නම්, පරිවර්තනයකට භාජනය කරවන්න නම්, ඒ සියලු ක්ෂේත්ර ඒකාබද්ධ කර ගත් ආයතනයක් අවශ්‍යයි. උදාහරණයක් හැටියට වෙනත් බලතල තිබුණත්, මහවැලි අධිකාරිය ගත්තොත්, එයට ඉඩම්, නිවාස, ක්‍රීඩා, වාර්මාර්ග, මහාමාර්ග ඉදිකිරීමේ බලතල ලබා දී තිබෙනවා. ඒ කාර්යය අවසන් කළාට පස්සේ ඉඩම් එම අමාත්‍යාංශයටත්, වැව්, ඇළවල් වාර්මාර්ග අමාත්‍යාංශයටත් ආදී වශයෙන් දෙන්න ඕනෑ. තිස් අවුරුද්දකට මුලින් සැලැසුම් කර තිබූ මහවැලි අධිකාරිය සය අවුරුද්දකට සීමා කරන විට එක ආයතන පද්ධතියකට ගත යුතු වුණා.
සංචාරක කර්මාන්තය පිම්මක් ගන්න නම්, අප විසින් යෝජනා කර තිබෙන කොමිෂන් සභාව පිහිටුවිය යුතුමයි. අප ගන්නා වර්ධන ඉලක්ක සම්පූර්ණ කරගෙන සාමාන්‍ය තත්වයට පත් වූ පසු අදාළ ආයතනවලට අදාළ බලතල පවරා අවසන් කළ යුතුයි. 2019 සිදු කළ පාස්කු ප්‍රහාරයෙන් සංචාරක කර්මාන්තය විශාල වශයෙන් බිඳවැටී තිබෙනවා. කොවිඩ් වසංගතයෙන් නැවත වැටුණත්, බොහෝ රටවල් යථා තත්වයට පත් වී ඇතත්, අපි තවමත් පැවති තත්වයට පැමිණීමට අසමත්ව සිටිනවා. පොදුවේ ඇති වූ ගෝලීය අර්බුදයක් නිසා කඩාවැටීම සිදු වුණා නම්, සමස්ත රටක් හැටියට එයින් ගොඩඒමේ මාර්ගය සකසාගත යුතුයි. අපේ ප්‍රතිපත්ති ප්‍රකාශනයෙන් යෝජනා කර තිබෙන සහන බැංකුවෙන් සංචාරක කර්මාන්තයේ යෙදී සිටින්නන් ගිලී සිටින ණය බරෙන් නිදහස් කරමින්, ක්‍රමානුකූලව බැංකු ණය ලබා දී, ගොඩගත යුතුයි කියන ස්ථාවරයේ අප ඉන්නවා. ඒ වාගේම මේ ක්‍ෂේත්‍රයට අලුත් කණ්ඩායම් පැමිණෙන්නත් ඕනෑ. ලක්ෂ අටක රැකියා ලබා දීමේ ඉලක්කය වෙනුවෙන් මහා පරිමාණ හෝටල් තුළම රඳාපැවතිය යුතු නැහැ. ග්‍රාමීයව කුඩා ඒකක ලෙස පිහිටුවා, සුළු හා මධ්‍ය පරිමාණ ව්‍යවසායකයන් විශාල පිරිසක් අතට මෙය පත් කළ යුතුයි. අලුත් අය මේ ක්‍ෂේත්‍රයට කැඳවා ගැනීමට ප්‍රාග්ධනය, කළමනාකරණ හැකියාව ලබා දීම ආණ්ඩුවේ වගකීමක් හැටියට අපි පවරා ගන්නවා. එදිනෙදා අපේ දේශපාලන ක්‍ෂේත්‍රයේදී අපට ඔබව මුණගැසෙනවා අඩුයි. වෙනත් අය අප ගැන ඔබට කියන දේවල් වැඩිපුර සන්නිවේදනය වන බව අපි දන්නවා. ආණ්ඩුවක් ධනය නිෂ්පාදනය කරන්නේ නැහැ. ධනය නිෂ්පාදනය කරන්නේ ඔබ සැම. ඔබ නිෂ්පාදනය කරන ධනයෙන් බදු ලෙස පංගුවක් ආණ්ඩුව ගන්නවා.
එම නිසා භාණ්ඩාගාරයට වැඩියෙන් ධනය උපයා ගැනීම සඳහා ඔබ ඔබේ ව්‍යාපාරය, කර්මාන්තය වැඩි වැඩියෙන් දියුණු කරන්න ඕනෑ. ආණ්ඩුවක් හැටියට අපේ වගකීම ඊට අවශ්‍ය සහාය ලබා දීමයි. මේ රටත්, රටේ ජනතාවත් පිළිබඳව පැහැදිලි සද් වුවමනාවක් අපට තිබෙනවා. ඒ අරමුණ වෙනුවෙන් ඔබේ ක්‍ෂේත්‍රයෙන් දායකත්වය අපට දෙන්න. ඒ සඳහා රජයේ පහසුකම් අප සලසා දෙන්නම්. ඔබ සහ අප කියන්නේ පාර්ශ්ව දෙකක් නොවෙයි. ව්‍යවසායකයා සහ ආණ්ඩුව ගැටුමක් පවතින පාර්ශ්ව නොවිය යුතුයි. දැන් පවතින්නේ ආණ්ඩුව ගන්නා තීන්දු තීරණ සහ ව්‍යවසායකයා අතර ගැටුම් ඇති වීමයි. නමුත්, අපි පළමු වතාවට ව්‍යවසායකයාත්, ආණ්ඩුවත් එකට කල්පනා කරමින්, මේ ක්ෂේත්රය ඉදිරියට ගෙන යාමේ ආණ්ඩුවක් අපි නිර්මාණය කරමු. මේ වැඩපිළිවෙළ සකස් කරන්න පාර්ශ්ව ගණනාවක් එක් වී ක්ෂේත්රයේ බිම් මට්ටමට ගොස් වසර කිහිපයක් සාකච්ඡා කළා. උදාහරණයක් හැටියට ඇල්ල ප්‍රදේශයේ ඉදිකිරීම්වල පවතින අක්‍රමවත්භාවය ඇතුළු කරුණු ගණනාවක් අපි අධ්‍යයනය කළා. එවැනි ආකාරයෙන් නිර්මාණය කළ ප්‍රතිපත්ති ප්‍රකාශනය ක්‍රියාත්මක කිරීමට අපි බැඳී සිටින බව අවධාරණය කරනවා.
“සංචාරක දියඇල්ලේ ප්‍රතිලාභ රටේ මිලියන 22ක ජනතාවට බෙදා දෙන්න අපි සූදානම්”
-ලයන් රෝයල් හෝල්ඩින් සභාපති නිලාන් වික්‍රමසිංහ-
ජාතික ජන බලවේගයේ සංචාරක ප්‍රතිපත්ති එළිදැක්වීම දක්වා පැමිණි ගමන්මඟක් තිබෙනවා. හෝටල් සංගමයෙන් කරන ලද ආරාධනයක් උඩ අනුර දිසානායක මහතා සමග මුලින්ම කිංස්බරි හෝටලයේ දී හමු වී සාකච්ඡා කළා; ප්‍රශ්න කතා කළා. ඉන් අනතුරුව අප සකස් කර තිබෙන්නේ නිකම් දත්ත ගොඩගැසූ වාර්තාවක් නොවෙයි. රටේ සංචාරක කර්මාන්තයේ නියැළී සිටින කුඩාම ව්‍යවසායකයාගේ සිට ඉහළ දක්වා මුණගැසී රටේ විවිධ ප්‍රදේශවල දී තිබෙන ගැටලු හඳුනා ගත්තා. පාරිසරික සංචාරක කර්මාන්තයේ යෙදී සිටින අපට මෙම අවස්ථාවට ආරාධනා කර තිබීම විශාල ගෞරවයක්. මම සංචාරක ව්‍යාපාරයට ඇතුළු වන්නේ 1983 ජුනි මාසයේ. 1983 ජූලි මාසය වන විට සංචාරක ව්‍යාපාරය සම්පූර්ණයෙන්ම ඇදවැටුණා. ඊට පස්සේ 1986 සිට දිගටම විවිධ බාධක මධ්‍යයේ හිතා ගන්න බැරි තරම් අසීරුතා විඳිමින් වැඩ කළා. කොහොම හරි කාගෙන ඉඳලා, යුද්ධය ඉවර වෙලා අවුරුදු දෙකක් යන කොට කාමර 50ක හෝටලයක් ඉදි කරන්න හැකි වුණා. අපි මහපොළොවේ හැදුණු, වැඩුණු අය මිස මහ ලොකු සල්ලිකාරයෝ නොවෙයි. ගයිඩිං කරන්න පටන් ගත්තේ, වෙන කෙනකුගෙන් සපත්තු දෙකක් ඉල්ලාගෙන. අවුරුදු හතළිහක් පුරා පයින් ආ ගමනක් වාගේ මහන්සියක් දැනෙනවා. සංචාරක ව්‍යාපාරයේ දියුණුව තිබෙන්නේ දේශපාලන ස්ථාවරත්වය, සමාජයීය ස්ථාවරත්වය, ආර්ථික ස්ථාවරත්වය සහ සාමය මතයි. තිරසර ආර්ථිකයක් බලාපොරොත්තු වෙනවා නම්, ආයුධ හදන්න ඕනෑ නැහැ; සංචාරක ව්‍යාපාරය තුළින් උපදවන්න පුළුවන් ආදායම කියලා නිම කරන්න බැහැ. ලෝක ආර්ථිකයෙන් සියයට 10ක පංගුවක් සංචාරක ව්‍යාපාරය දරනවා. එය ඉදිරියට යන්න නම්, ප්‍රශ්න අඩු වෙන්න ඕනෑ.
කොවිඩ් වසංගතයත් එක්ක ලෝකයේ සංචාරක ව්‍යාපාරය බිංදුවට වැටුණා. නමුත්, මේ වන විට නැවත සියයට 90ක් නැඟිටලා ඉවරයි. නමුත්, ස්ථාවරත්වයක් නැතිකම නිසා ලංකාව මේ තත්වයට වැටුණා. සුනාමියෙන් අපි ඉක්මනට ගොඩ ආවත්, පාස්කු ප්‍රහාරය නිසා දිගටම ඇදෙන ප්‍රතිවිපාක පවතිනවා. ලෝකයේම සංචාරක ව්‍යාපාරය පවතින්නේ සුළු හා මධ්‍ය පරිමාණ විශාල පිරිසක් නිසයි. පුංචි මිනිසුන් කළ හෝටල් අවුරුදු දෙකක්, තුනක් වැසී තිබෙන කොට ඇති වන තත්වය හිතා ගන්න පුළුවන්. නමුත්, සුළු හා මධ්‍ය පරිමාණ ව්‍යවසායකයන්ට අත දුන්නේ කවුරුන්ද? අපි මහා බරක් කර තියාගෙන මෙතැනට ඇවිත් ඉන්නේ. මුලින්ම අනුර කුමාර දිසානායක මහතා කිංස්බරි හෝටලයේ දී හමු වුණු වෙලාවේ අපට කීවේ, “ඔබේ ප්‍රශ්න අපට හොඳින් තේරෙනවා. අපේ ආණ්ඩුවක් යටතේ අවශ්‍ය පහසුකම් ලබා දෙනවා” කියලා. දේශපාලනඥයකුගේ කටින් පිට නොවන වචනයක් එතුමා කීවා. “අපි හැම දෙයක්ම කරනවා. පෞද්ගලික අංශයෙන් මේ ව්‍යාපාරය ඉදිරියට ගෙන යන්න. ඔයගොල්ලන්ගෙන් වතුර උගුරක්වත් අපි බලාපොරත්තු වන්නේ නැහැ” කීවා. සැප්තැම්බර් 21 වැනිදායින් පස්සේ අපි කතා කරමු. “ඔබ වතුර උගුරක්වත් බලපොරොත්තු නොවුණාට අපි මේ ක්‍ෂේත්‍රයෙන් දිය ඇල්ලක් මවනවා. ඒ දියඇල්ලේ වතුර උගුරක්වත් අපි පෞද්ගලිකව බලාපොරොත්තු වන්නේ නැහැ. මේ රටේ මිලියන 22ක ජනතාවට ප්‍රතිලාභ බෙදා දෙන්න අපි සූදානම්.” ඒ ප්‍රතිලාභ ඔබේ දෑතින් බෙදා දෙන්න අවස්ථාව ලැබේවා කියා මම ප්‍රාර්ථනා කරනවා.
(-‘රට අනුරට’ ජාතික ජන බලවේගයේ විජයග්‍රාහී මාලඹේ රැලිය -2024.08.26-) අපි මෙතනට එකතුවෙලා ඉන්නේ ඉතාම සතුටින් හා විශ්වාසයෙන්. අපි එකතු වෙලා ඉන්නේ මේ රටේ පරිවර්තන යුගයකට මුල පුරන්නයි. අපි දීර්ඝ කාලයක් තිස්සේ බලාගෙන හිටියා මේ සමාජය වෙනස් කරන දිනයක් එනකල්. දින ගැන ගැන හිටියේ. එහෙම අපේක්ෂා සහගතව දින ගැන ගැන හිටපු ජනතාවට වළක්වන්න හදපු සියලු උත්සාහයන් […]
(-‘රට අනුරට’ ජාතික ජන බලවේගයේ විජයග්‍රාහී මාලඹේ රැලිය -2024.08.26-)
අපි මෙතනට එකතුවෙලා ඉන්නේ ඉතාම සතුටින් හා විශ්වාසයෙන්. අපි එකතු වෙලා ඉන්නේ මේ රටේ පරිවර්තන යුගයකට මුල පුරන්නයි. අපි දීර්ඝ කාලයක් තිස්සේ බලාගෙන හිටියා මේ සමාජය වෙනස් කරන දිනයක් එනකල්. දින ගැන ගැන හිටියේ. එහෙම අපේක්ෂා සහගතව දින ගැන ගැන හිටපු ජනතාවට වළක්වන්න හදපු සියලු උත්සාහයන් පරාජය කරලා අද ඒ දිනය උදාවෙලා තිබෙනවා. ඒ දිනය තමයි සැප්තැම්බර් 21. අපේ රට වෙනස් කරන දිනය අපේ රටේ ඉතිහාසය අලුතින් ලියන්න පටන් ගන්නා දිනය. ජනතාවගේ සැබෑ පාලනයක් ගොඩනඟන දිනය. අන්න එදාට ජාතික ජන බලවේගයේ නායක අනුර කුමාර දිසානායක සහෝදරයා දිනවලා ජනතාවගේ ආණ්ඩුවක් හදන්න තමයි අපි කවුරුත් ඇවිල්ලා ඉන්නේ. අපි රට පුරා යනකොට ඒ පිළිබඳව ජනතාවගේ තිබෙන උද්‍යෝගය දකින විට අපිට ඒ ගැන කිසිම සකයක් නැහැ. සැප්තැම්බර් 22 දිනට මාලිමාවේ පාලනයක් බිහිවෙන බව ඉර හඳ වගේ ව්ශ්වාසයි.
පසුගිය 15වැනිදා නාම යෝජනා බාරදීලා 17 වැනිදා අපේ මැතිවරණ ව්‍යාපාරය ආරම්භ කළා, තංගල්ලෙන්. ඒ වගේම දකුණේ නගර තුනක. එක වරම තංගල්ල, මාතර, ගාල්ල. ඒ නගර තුනයි. ලංකාවේ මෙතෙක් කිසිම දේශපාලන පක්ෂයක් එවැනි දැවැන්ත මැතිවරණ ව්‍යාපාරයක් දියත් කරල නැහැ. ධාරාණිපාත වැස්ස මැද අති විශාල ජනතාවගේ සහභාගිත්වය තිබුණා, ඔබ දකින්න ඇති. අද (26) උදේ අපි මාලිමාවේ ප්‍රතිපත්ති ප්‍රකාශය එළිදැක්වූවා. ඒකෙ අපි රට හදන්නේ කොහොමද කියලා කතා කරලා තිබෙනවා. ඔබට ඒක දැක බලා ගන්න පුළුවන්. අපි දැන් ඉන්නේ අපේ ජයග්‍රහණයේ අභියසයි. මේ මැතිවරණය නියත ලෙස අපි ජයග්‍රහණය කරනවා. අපේ රටේ කාට හරි දේශපාලනය ඉගෙන ගන්න අවශ්‍ය නම් පසුගිය මාස දෙක තුළ සිදුවූ සිදුවීම් ටිකම ඇති. දැන් අපේ රටේ පක්ෂ වෙනස්කම් සහිතව, මාලිමාව හැර වෙනත් පක්ෂයක් ඔබට සොයා ගන්න පුළුවන්ද? කවුරු කොහේ ඉන්නවාද කියලා. කාටවත් හිතාගන්න බැහැ. අද එක තැනක. හෙට තවත් තැනක. නැවත කලින් හිටපු තැනට.
දැන් මේ ඡන්දය එන කොට ශ්‍රීලනිපය ඡන්ද ඉල්ලන්නේ නැහැ. ආගිය අතක් නැහැ. මෛත්‍රීපාල මහත්තයා දෙලොවක් අතර අතරමං වෙලා. පොහොට්ටුවට වෙන්න ඕනෙ ඔක්කොම දේවල් වෙලා ඉවරයි. 69 ලක්ෂයක ඡන්ද අරගෙන තුනෙන් දෙකක බලයක් අරගෙන විරාජමාන වූ පොදු ජන පෙරමුණ, රටට කරපු අපරාධ නිසාම දැන් වැලලී ගිහිල්ලා. පොහොට්ටුවේ මන්ත්‍රීවරු අනූ ගණනක් රනිල් ගාවට ගියා. දහයක් පහළොවක් සජිත් ගාවට ගියා. දැන් පොහොට්ටුවේ පෙති හැලිලා හැලිලා නැට්ට විතරයි තිබෙන්නේ. නැට්ටෙ තමයි නාමල් එල්ලිලා ඉන්නේ. ප්‍රධාන කණ්ඩායමෙන් ඔහු සමග දැන් ඉන්නේ ජොන්ස්ටන් පමණයි. කවුද මුහුණු පොතේ දාලා තිබුණා, නාමල් රාජපක්ෂට දැන් තරගය තියෙන්නේ සීලරතන හිමියන් එක්ක කියලා.
අද එක්සත් ජාතික පක්ෂය දෙකට බෙදිලා. පළු දෙකකින් ඡන්දය ඉල්ලනවා. එජාප නායක රනිල් අද එක පැත්කින් ඡන්දය ඉල්ලනනවා. හිටපු නියෝජ්‍ය නායක සජිත් අනෙක් පැත්තෙන් ඡන්දය ඉල්ලනවා. ඔය හොරු ටික දෙකට බෙදිලා. ප්‍රතිපත්තියක් නැහැ. දිනන්න නම් කොහොමත් බැහැ. රනිල් වික්‍රමසිංහ ඇප බේරාගත්තොත් ඇති. මේ මැතිවරණයෙන් පොහොට්ටුවේ මන්ත්‍රීවරු රනිල් ගාවට ගියාට ඒකෙ පාක්ෂිකයෝ අද එකතු වෙලා ඉන්නේ මාලිමාවත් එක්ක. ඒ නිසා හොරු රනිල්ට. ජනතාව මාලිමාවට. හොරු සජිත්ට. ජනතාව මාලිමාවට. සජිත්ගේ පක්ෂය දැන් පුදුමාකාර පක්ෂයක්. එතන පොහොට්ටුවෙ සභාපති ජී.එල්. පීරිස් ඉන්නවා. ඩලස් ඉන්නවා. ඩලස් තමයි පසුගිය කාලෙ කිවුවෙ සජිත් සංස්කෘතික අරමුදලෙන් සල්ලි සොරකම් කළා කියලා. එහෙම කියපු ඩලස් දැන් සජිත් ගාව. විල්පත්තු කැලේ කපපු රිෂාඩ් බදියුද්දීන් සජිත් ළඟ. ඒ කැලේ කපපු එකට විරුද්ධව කෑගහපු චම්පික් දැන් එතන. ලංකාවෙ ක්‍රිකට් ක්‍රීඩාව විනාශ කළේ බුකි කාරයෙක් වුණු තිලංග සුමතිපාල කියලා චෝදනා කරපු අර්ජුන රණතුංගයි, තිලංගයි දෙන්නම එකට දැන් සජිත් ළඟ. මේක නම් පුදුම පක්ෂයක්. ඒ පක්ෂයෙන් ඉවත්වූ තලතා අතුකෝරාළ රනිල්ට බනිනවා. රනිල් ප්‍රජාතන්ත්‍රවාදය නැති කරලා පක්ෂය කඩාගත්තා කියලා. සජිත්ට මහා අපරිණත දුර්වල නායකයෙක් කියලා කිවුවා. එහෙම කියලා මේ දෙන්නා එකතු වුණේ නැතිනම් මාලිමාවේ ආණ්ඩුවක් මේ මැතිවරණයේදි එනවා කියලා කියනවා. ඒගොල්ලෝ ඉවරයි කියනවා. ඒ නිසා මාලිමාවේ ආණ්ඩුවක් එනවා කියලා පාර්ලිමේන්තුව ඇතුලේ කිවුවට තලතා ඔයාට ස්තූතියි.
තවමත් සජිත් ප්‍රෙමදාස මහත්තයට ඡන්දය දෙන්න කවුරු හරි හිතන් ඉන්නවා නම් අපේ එයාගෙන් අහනවා ඔය වටකරන් ඉන්න කට්ටිය එක්ක මේ රට හදන්න පුළුවන්ද කියලා. මහජන ධනය හොරා කාපු හැම අගුපිලකම රස්තියාදු ගහපු ඔය කට්ටියත් එක්ක හොරු අල්ලන්න පුළුවන්ද? අපේ රටේ ජනතාවගේ විශාලම විරෝධය තියෙන්නේ මේ මහජන දේපොළ හොරා කාපු හොරුන්ට විරුද්ධවනෙ. රනිල්ටයි සජිත්ටයි හොරු අල්ලන්න පුළුවන් ලේසිම ක්‍රමය තමයි තමන්ගේ වේදිකාවේ මැද ඉඳන් අත්දෙක දෙපැත්තට දික්කරන එක. ටක් ගාලා හොරු අල්ල ගන්න පුළුවන්. මේ තත්වය ඇතුලේ අද මාලිමාවට අභියෝග කරන්න පුළුවන් පක්ෂයක් මේ ජනාධිපති තරගය ඇතුලේ නැහැ. අපි මහා රැස්වීම් රාශියක් රට පුරා කරෙගන යන ගමන් කුඩා කුඩා ජන හමු විශාල ප්‍රමාණයක් ගම්මට්ටමෙන්ද කරගෙන යනවා. දැන් සමගි ජන බලවේගය ගමේ රැස්වීම් තියන්න එනවාද නැහැ. රනිල් නම් එන්නෙම නැහැ. එජාපයක් දැන් ඇත්තේත් නැහැ. රනිල් ඡන්දය ඉල්ලන්නෙ ස්වාධීනව. සමගි ජන බලවේගය ගමේ රැස්වීම් තියන්න එන්නේ නැහැ. මොකද සෙනග හොයා ගන්න බැහැ. ආසන රැස්වීමක් කරගන්නත් බැහැ. සෙනග නැහැ. ඉතිං මොනවද කරන්නේ. රට පුරාම ගිහිල්ලා සෙනග එකතු කරනවා. එහෙම කරලා සෙනග ටිකක් ඇදලා ඒ ගොල්ලන්ගේ නාලිකාවක් දෙකක් තියෙනවා ඒවායෙන් රටට පෙන්නනවා.
අපි දැන් එකවිට එකම දිස්ත්‍රික්කය ඇතුලේ නගර දෙක තුනක රැස්වීම් දෙක තුනක් තියනවා. අපි පසුගියදා කුරුණෑගල දිස්ත්‍රික්කයේ ආසන 4ක පිට පිටම අනුර සහෝදරයා සහභාගි වන රැස්වීම් 4ක් හතරක් කළා. සජිත්ලාට මේවා හිතන්නවත් බැහැ. ඒ නිසා ජනමාධ්‍යවලින් පුම්බලා පෙන්වන මැජික් වැඩ ඇරෙන්න මහ පොළොවේ බලය ඒ ගොල්ලන්ට නැහැ. දැන් ඒ ගොල්ලෝ මහ පොළොවෙන් ප්රතික්ෂේප වෙලා. සැප්තැම්බර් 21 වැනිදාට ඒ ගොල්ලෝ ඔක්කෝම ජනතාවගෙන් ප්රතික්ෂේප වෙනවා. අනිවාර්යයෙන්ම අපේ අනුර සහෝදරයා ජනාධිපති වෙනවා. ඒක කිසිවෙකුටත් වළක්වන්න බැහැ.
“වැඳුම් පිදුම් ලැබූ පුහු වීරයන්ගේ භූමිකාව තව දින කිහිපයකින් අතුගෑවී යාවි”
-ජාතික ජන බලවේගයේ කොළඹ දිස්ත්‍රික් විධායක සභික අසිත නිරෝෂණ-
ඉදිරියේ උදාවන ඒ ඓතිහාසික යුගයේ මේ මාලඹේ රැලියත් ඓතිහාසික සටහනක් තියෙනවා නියතයි. පැරණි සමාජයට ආයුබෝවන් කියන්න තව තිබෙන්නේ දින කිහිපයයි. අපි ඔබ සියලු දෙනා බලයේ ඉන්නේ ඒ දින කිහිපයෙන් පසු නව සමාජයක ආරම්භය ගන්නයි. ඔබ සියලු දෙනාම ඒ ශ්‍රේෂ්ඨ කර්තව්‍යයට දායක වන ශ්‍රේෂ්ඨ මිනිස්සු. අපට ජයග්‍රහණය පිළිබඳව තිබෙන්නේ ඉතාම සුබවාදී බලාපොාරොත්තුවක්. අපිත් සමග ඒ නව ගමන ආරම්භ කරන්න අත්වැල් බැඳන් ඉන්න, ඊට නායකත්වය දෙන මිනිස්සු කවුද කියලා ඔබට මේ වේදිකාවේදී පෙනෙනවා. මේ සියලු දෙනා මේ වැඩයට එකතුවෙලා ඉන්නේ ස්වේච්ඡාවෙන්. මේ අපේ වේදිකාව විවිධ වර්ණවලින් විවිධ හැකියාවලින් යුක්ත මිනිස්සු තමයි පිරිලා ඉන්නේ. ඒ තමන්ගේ යුග මෙහෙවර කිරීම සඳහායි.
අපි ගිය සතියේ කඩුවෙල පළාත් පාලන කොට්ඨාස 28කම ජනතාව මුණ ගැහෙමින් විශාල කැන්වසින් ව්‍යාපාරයක් දියත් කළා. මෙතෙක් කඩුවෙල ඉතිහාසයේ එවැනි දැවැන්ත කැන්වසින් ව්‍යාපාරයක් වෙන කිසිවෙකු කර නැහැ. විවිධ ක්ෂේත්‍රවල වැඩකරපු, වැඩ කරන හැම එක ගමකින් 100ට වැඩි පිරිසක් එකතු කරගෙන එම කොට්ඨාස 28ට දහස් ගණනක් මිනිස්සු එකතු කරගෙන අපි ජනතාව දැනුවත් කරමින් දැවැන්ත ප්‍රචාරක ව්‍යාපාරයක් දියත් කළා. ඔයගොල්ලෝ බෙදන ඒව ඔක්කොම බෙදලා සල්ලි, අරක්කු, කෑම ඔක්කෝම දීලා පුළුවන්නම් මෙතරම් විශාල රැලියක් කරන්න කියලා අපි සජිත්ටයි, රනිල්ටයි ඒ ඒ ගොල්ලන්ගේ ගෝලබාලයන්ටයි අභියෝග කරනවා. ඒ විතරක් නොවෙයි මේ කඩුවෙල ග්‍රාම සේවක වසම් 57 තුළ එකකවත් ඒ ගොල්ලන්ට කැන්වසින් යන්න පිරිසක් හොයා ගන්න බැහැ. අද ඒ අයට ඇඩ්‍රස් නැහැ. කුජීත වෙලා ඉවරයි. කැන්වසින් යන්න කථාකරන පොහොට්ටුවෙ මන්ත්‍රීවරුන්ට මිනිස්සු ශුද්ධ සිංහලෙන්ම ආමන්ත්‍රණය කරන්නට පටන් අරන්. රනිල්ගෙ අයටත් එහෙමයි. සජිත්ගෙ අයටත් එහෙමයි. අද ඔවුන් අන්ත අසරණ වෙලා. මහජනතාවගෙන් ප්රතික්ෂේප වෙලා.
අලුත් ඉදිරි ජනාධිපතිවරණයෙන් පසු රට අලුත් යුගයකට පෙළඹෙනවා. අලුත් පාර්ලිමේන්තුවක් අලුත් මිනිසුන්ගෙන් පිරෙනවා. අලුත් රටක් උදා වෙනවා. මිනිස්සුන්ට නිදහස අවශ්‍ය වූ විට කරන්න බැරි වැඩ ඔවුන් ඉදිරියේ නැහැ. ඒ අවස්ථාවේදී හිතන්න බැරි තරම් ජවයක් ඒ මිනිස්සු තුළ ගොඩනැගනෙවා. අන්න ඒ තත්වය ලාංකේය සමාජය තුළ දැන් ගොඩනැගී තිබෙනවා. අපි අහලා තිබෙනවා ඉතිහාසයේ කිසිදා වැදගත් සිදුවීමක් සිදුවී නැති දශක දෙක තුන. හැබැයි ඉතිහාසයේ සමහර දින තිබෙනවා දශකයක දෙකක සිදුවීම් එක දිනකදී සිදුවන. අපේ රටේ ඉදිරි දින 26 එසේමයි. ඒ ටික දින තුළ ඉතිහාසයේ නොවූ විරූ පෙරළි සිදුවීමට නියමිතයි. වීරයන් බිහිවේවි. අලුතින් හිතන අලුත් මිනිසුන් බිහිවේවි. ඒ වගේම මෙතෙක් කල් ඉතිහාසය ඇතුලේ වැඳුම් පිදුම් ලැබූ පුහු වීරයන්ගේ නායකයන්ගේ බොරුකාර භූමිකාව ඒ දින කිහිපය තුළ අතුගෑවී යනවා. ඒ නව යුගය වෙනුවෙන් අපේක්ෂා දල්වා ගමු. ඒ වෙනුවෙන් වෙහෙසෙමු.
ලබන සැප්තැම් 21 වෙනිදායින් පසු අපේ රටේ 9 වැනි ජනාධිපති ලෙස අනුර කුමාර දිසානායක සහෝදරයා දිවුරුම් දෙනවා, නියතයි. ඉන්පසු මේ ජරාජීර්ණ වූ පාර්ලිමේන්තුව වහාම විසුරුවා දමා නව පාර්ලිමේන්තුවක් රටට ආදරය කරන රට ගොඩනඟන පාර්ලිමේන්තුවක් නිර්මාණය කරන එක ස්ථිරයි. ඒ මොහොත වෙනුවෙන් අපි වැඩ කරමු.
(-Colombo, August 26, 2024-) ජාතික ජන බලවේගයේ නායක අනුර කුමාර දිසානායක මහතා ඊයේ (26) ‘The Taprobane Entertainment’ හි පැවති කොළඹ “මුස්ලිම් සහෝදරත්ව හමුව” සඳහා සහභාගී විය. “පොහොසත් රටක් – ලස්සන ජීවිතයක්” බිහි කරන නව පුනරුද මාවතකට රට ගෙන යන 2024 ජනාධිපතිවරණයේ විශිෂ්ට ජයග්‍රහණය වෙනුවෙන් කොළඹ මුස්ලිම් ජනතාව විශාල වශයෙන් ඒකරාශී විය.
(-Colombo, August 26, 2024-)
ජාතික ජන බලවේගයේ නායක අනුර කුමාර දිසානායක මහතා ඊයේ (26) ‘The Taprobane Entertainment’ හි පැවති කොළඹ “මුස්ලිම් සහෝදරත්ව හමුව” සඳහා සහභාගී විය. “පොහොසත් රටක් – ලස්සන ජීවිතයක්” බිහි කරන නව පුනරුද මාවතකට රට ගෙන යන 2024 ජනාධිපතිවරණයේ විශිෂ්ට ජයග්‍රහණය වෙනුවෙන් කොළඹ මුස්ලිම් ජනතාව විශාල වශයෙන් ඒකරාශී විය.
