ජාතික ජන්බලවේගය රජයක් යටතේ රෝහණ විජේවීර සහෝදරයා ගේ ගාතනය හා බටලන්ද වදකාගාරය තුල සිදු ගතන්යන් පිලිබඳ ගන්නා පියවර කුමක්ද (බටලන්ද සිය ඇසින් දුටිමි )
ජාතික ජනබලවේගය ප්රජාතන්ත්රවාදයට ගරු කරන දේශපාලන ව්යාපාරයකි. අප කිසිදු විටක අනීතික පැහැර ගැනිම් හෝ මනුෂ්ය ඝාතන අනුමත කරන්නේ නැත. එමෙන්ම එවැනි තත්වයන් ඇති වීමට කිසි විටෙක ඉඩ සලසන්නේ ද නැත. එබැවින් ඉතිහාසයේ සිදුවූ ඔබ සදහන් කළ සිදුවිම් මෙන්ම සියළුම ආකාරයේ රට තුළ සිදුවු එවැනි සිදුවිම් පිළිබදව විනිවිද පෙනෙන පරිදි පූර්ණ විමර්ශණයක් සඳහා අවශ්ය කටයුතු සිදු කරනු ඇත. එමෙන්ම එලෙස ඝාතනයට ලක්වු සියළු දෙනා වෙනුවෙන් සාධාරණය ඉටු කිරිමට කැප වෙනු ඇත.
ප්රෂ්නයක 1. පිහිටි පාසල ඉතා නොදියුණු පාසලක් වීම.අඩු ආදායම් ලාබින් ඇති මාගේ ගම්මනයේ ලගම පාසල්ට ලමුන් යන්නේ අපගේ ගමෙන් පමනයි.ජනප්රිය පාසලක් පැවතියද ලමුන් ඇතුලත් කරගැනිමට හැකියාව ක් නැත. ප්රෂ්නය 2.පානීය ජලය නොමැති වීම
අංග සම්පූර්ණ පහසුකම් වළින් සමන්විත පාසැල් පද්ධතියක් මේ වන විට අපේ රටේ නැත. එමෙන්ම සම්පත් බෙදී යෑමේ බරපතල විෂමතාවයක්ද දක්නට ඇත. පරිපාලන සහ වෙනත් ගැටළු රැසකින්ද මෙරට අධ්යාපන ක්ෂේත්රය පීඩාවට පත්ව තිබේ. මේ සියළු ගැටළු සහ පවතින අධ්යාපන ක්රමයේ අර්බුදය අප විද්යාත්මක ලෙස හදුනා ගෙන ඇත. එමෙන්ම ඒ සඳහා වන අපගේ විසදුම්ද යෝජනා කර ඇත. 40 ලක්ෂයකට අධික පාසල් දූ දරුවන්ට සමාන අවස්ථාවන් සහ සමාන පහසුකම් ලබා දෙමින් නවීණතම අධ්යාපන අවස්ථාවන් විවර කර දිමට ජාතික ජන බලවේගයේ ආණ්ඩුවක් යටතේ පියවර ගනු ඇත. එමෙන්ම එය ගමට ද නගරයට ද එක සමාන වනු ඇත. මේ පිළිබදව වැඩි විස්තර දැන ගැනිමට අවශ්යනම් අපගේ වෙබි අඩවියට පිවිස අධ්යාපන ප්රතිපත්තිය කියවන ලෙස ඉතා කාරුණිකව ඉල්ලා සිටිමු. අනෙක් කරුණ වන්නේ පිරිසිදු පානීය ජලයයි. පිරිසිදු පානීය ජලයයි යනු මූලික මිනිස් අයිතියක් ලෙස අපි පිළිගනිමු. ඒ නිසා සැමට සෞඛ්යාරක්ෂිත පිරිසිදු පානිය ජලය සහ සනීපාරක්ෂක පහසුකම් ලබා දීම අපගේ ප්රතිපත්තියයි. ඒ සඳහා අවශ්ය මැදිහත් විම කඩිනමින් සිදු කරනු ඇත.
මට දැනගන්න ඕන ජාතික ජන බලවෙගය ආන්ඩුවක් යටතෙ තාවකාලික සෙවයට යටත්ව අවුරුදු ගානක් සෙවය කරන සෙවකයන් වෙනුවෙන් ගන්න විසදුමක් ඔබතුමාලට තියනවද
ජාතික ජනබලවේගය ඉදිරියේ දී ගොඩනගන ආණ්ඩුව සහ රාජ්ය පාලනය නිතැතින්ම මෙරට වැඩ කරන ජනතාවගේ ආණ්ඩුවක් සහ රාජ්ය පාලනයකි. එහිදි ප්රමුඛතාවවය ලබා දෙන්නේ මෙරට පිඩාවට පත්ව සිටින වැඩ කරන ජනතාව වෙතය. ඔවුන් පිඩාවට පත්ව සිටින ගැටළු වෙතය. ඒවා කඩිනමින් විසදීම වෙතය. එබැවින් තාවකාලික පදනමින් සෙවයට බඳවා ගෙන ඇති සියළු දෙනාගේ රැකියාවල සුරක්ෂිත බව වහාම ඇති කරනු ඇත. එමෙන්ම ඔවුන්ගේ සේවය වඩා ඵලදායි ලෙසත්, කාර්යක්ෂම ලෙසත් රට ගොඩනගන ජාතික වැඩපිළිවෙළ සමඟ බද්ධ කිරිම ද කටයුතු කරනු ඇත.
මගේ ගැටලුව තමයි හයිවේ යනකොට තියෙන ටෝල් ගේට් එකකට ඇයි ට්රෙඩිට් කාඩ් වලින් හරි ATM කාඩ් වලින් හරි ගෙවන්න බැරි ඒ දේවල් හරිගස්සන්න ඕනේ
කාලීන පැනයක් යොමු කිරිම පිළිබදව පළමුව ස්තූතියි. ස්වයංක්රීය ගාස්තු එකතු කිරීමේ පද්ධති අනිවාර්යෙන්ම සියළුම අධිවේගි මාර්ගයකම සවි කිරිමට ජාතික ජනබලවේගය ආණ්ඩුවක් යටතේ පියවර ගනු ඇත. රේඩියෝ සංඛ්යාත හඳුනාගැනීම් හෙවත් RFID (Radio Frequency Identification ) රීඩර්ස් භාවිතා කර වාහනවල සවි කර ඇති පෙරගෙවුම් පත් කියවීමට සහ අදාළ මුදල ස්වයංක්රීයව ඉන් අඩු කිරිමේ මෙම ක්රමවේදය ලෝකය පුරා දැනට භාවිතා කරන තාක්ෂණයකි. ජාතික ජනබලවේගය හැම විටම තාක්ෂණය ඔස්සේ ජනතාවගේ කාර්යයන් පහසු කිරිමට කැප වෙන අතර බැංකු හා මූල්ය පද්ධතිය වෙත FinTech හදුන්වා දෙනු ඇත. එමගින් පුද්ගලයන්ට හෝ ව්යාපාරවලට ඩිජිටල් ලෙස ප්රවේශ වීමට, කළමනාකරණය කිරීමට හෝ ඔවුන්ගේ මූල්ය කටයුතු පිළිබඳ අවබෝධයක් ලබා ගැනීමට හෝ මූල්ය ගනුදෙනු ඉතා පහසුවෙන් ඉටු කිරීමට ඉඩ සලසනු ඇත.
I’m workless graduate sir Please help us to get a job sir And I wish to joint your party also sir
Thank you . Please let us know where you live so that we can introduce you to our kottasa sabha (grassroot level organization) in your area. Regards