(-Colombo, January 28, 2025-)
ශ්‍රී ලංකාවේ කියුබානු තානාපති අන්ද්‍රේස් මාර්සෙලෝ ගොන්සාලේස් ගැරීඩා අද (28 දින) පෙරවරුවේ ජනතා විමුක්ති පෙරමුණේ ප්‍රධාන කාර්යාලයට පැමිණ ප්‍රධාන ලේකම් ටිල්වින් සිල්වා සහෝදරයා හමුවී සුහද සාකච්ඡාවක නිරත විය.
මෙම අවස්ථාවට කියුබානු තානාපතිවරයාගේ බිරිඳ මැරිබෙල් දුආර්තේ ගොන්සාලේස් ද එක්ව සිටියාය. ජනතා විමුක්ති පෙරමුණ වෙනුවෙන් ප්‍රධාන ලේකම් ටිල්වින් සිල්වා සහෝදරයා සමග ජනතා විමුක්ති පෙරමුණේ ජාත්‍යන්තර සබඳතා කමිටුවේ සාමාජිකා කල්පනා මධු භාෂිනී ද එක්ව සිටියාය.
වර්තමානයේ ජාතික ජන බලවේගය ආණ්ඩුව ක්‍රියාත්මක කරන වැඩපිළිවෙළ පිළිබඳව, ‘ක්ලීන් ශ්‍රී ලංකා’ වැඩපිළිවෙළ පිළිබඳවත් සාකච්ඡා කිරීම මූලික වශයෙන්ම සිදුකෙරිණි. එමෙන්ම කලාපීය සහ එයින් පිටත ජාත්‍යන්තර දේශපාලනය පිළිබඳවද මෙහිදී දෙපාර්ශ්වය අතර කරුණු සාකච්ඡා කරනු ලැබීය.
