(-Colombo, February 05, 2025-)
අද (05) පෙරවරුවේ ජ.වි.පෙ. ප්‍රධාන කාර්යාලයේදී ස්විට්සර්ලන්තයේ තානාපතිනි Siri Walta මහත්මිය සහ ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා සහෝදරයා අතර හමුවක් පැවැත්විණි.
මේ වන විට රට තුළ පවතින සාමාජීය හා දේශපාලන තත්වය පිළිබඳව මෙන්ම ක්ලීන් ශ්‍රී ලංකා වැඩපිළිවෙළ පිළිබඳවත් ඉදිරියේදී ඉදිරිපත් කිරීමට නියමිත අයවැය මගින් අලුතින් හඳුන්වා දෙන ආර්ථික ප්‍රතිසංස්කරණ පිළිබඳවත් මෙහිදී දීර්ඝ වශයෙන් සාකච්ඡා කෙරිණි. විශේෂයෙන්ම ජාතික සංහිඳියාව, මානව හිමිකම් ආරක්ෂා කිරීම මෙන්ම නීතියේ ආධිපත්‍යය තහවුරු කිරීම පිළිබඳවත් මෙහිදී වැඩිදුරටත් සාකච්ඡා කෙරිණි.
මෙම අවස්ථාව සඳහා ස්විට්සර්ලන්ත තානාපති කාර්යාලයේ පළමු ලේකම් Justine Boillat මහත්මිය සහ දේශපාලන අංශයේ නිලධාරී කනිෂ්ක රත්නප්‍රිය මහතාද එක්ව සිටියහ. ජනතා විමුක්ති පෙරමුණ වෙනුවෙන් එහි ජාත්‍යන්තර අංශයේ කමිටු සාමාජිකා නීතිඥ මධූ කල්පනා සහෝදරියද එක්ව සිටියාය.
